spot_img
Homeຂ່າວຕ່າງປະເທດໄອ​ເອັມ​ເອຟ ປັບ​ຫຼຸດເສດ​ຖະກິ​ດ​ ໂລກ​ລົງ 3,4%

ໄອ​ເອັມ​ເອຟ ປັບ​ຫຼຸດເສດ​ຖະກິ​ດ​ ໂລກ​ລົງ 3,4%

Published on

    ກອງ​ທຶນ​ການ​ເງິນ​ສາກົນ(​ໄອ​ເອັມ​ເອຟ)ປັບ​ຫຼຸດ​ການ​ປະ​ເມີນ​ການ​ການ​ຂະຫຍາຍຕົວ​ຂອງ​ເສດຖະກິດ​ໂລກ​ໃນ​ປີ​ນີ້​ລົງ 3,4% ​ແລະ ​ເຕືອນ​ວ່າ​ເສດຖະກິດ​ເກີດ​ໃໝ່​ຈະ​ພົບ​ກັບ​ຄວາມ​ສ່ຽງ​ຫຼາ​ຍດ້ານ.

     ຕາມ​ລາຍ​ງານ​ທີ່​ໄອ​ເອັມ​ເອຟ​ເຜີຍ​ແພ່​ໃນ​ວັນ​ທີ 19 ມັງກອນ​ທີ່​ຜ່​ານມາ​ຄາດ​ວ່າ ​ເສດຖະກິດ​ໂລກ​ປີ 2016 ຈະ​ຂະຫຍາຍ​ຕົວ​ຢູ່​ທີ 3,4% ຫຼຸດ​ລົງ​ຈາກ​ທີ່​ປະ​ເມີນ​ໄວ້​ເມື່ອ​ເດືອນ​ຕຸລາ​ປີ​ກ່ອນ​ວ່າ ຈະ​ຂະຫຍາຍຕົວ 3,6% ​ແຕ່​ຍັງ​ສູງ​ກວ່າ​ປີ 2015 ທີ່​ຂະຫຍາຍຕົວ 3,1% ຊຶ່ງ​ເສດ​ຖະກິດ​ພັດທະນາ​ແລ້ວ​ຈະ​ຍັງ​ເປັນ​ຫຼັກ​ໃນ​ການ​ຂະຫຍາຍຕົວ​ຂອງ​ເສດຖະກິດ​ໂລກ​ປີ​ນີ້ ​ແຕ່​ຈະ​ຂະຫຍາຍຕົວ​ພຽງ 6,3% ຫຼຸດ​ລົງ​ຈາກ 6,9% ​ໃນ​ປີ​ທີ່​ຜ່ານ​ມາ ​ແລະ ຈະ​ຫຼຸດ​ລົງ​ຕໍ່​ເນື່ອງ​ໃນ​ປີໜ້າ ຂະນະ​ທີ່​ອາ​ເມ​ລິ​ກາລາ​ຕິນ​ທັງ​ພາກ​ພື້ນ​ຈະ​ເຂົ້າ​ສູ່​ພາວະ​ເສດຖະກິດ​ຖົດຖອຍ​ເພາະ​ເສດຖະກິດ​ຂອງ​ປະ​ເທດ​ທີ່​ໃຫຍ່​ເຊັ່ນ: ບຣາຊິນ​ຈະ​ຫົດ​ຕົວ 3,5% ຕໍ່​ເນື່ອງ​ຈາກ​ປີ 2015 ທີ່​ຫົດ​ຕົວ 3,8%.

​      ໄອ​ເອັມ​ເອຟລະບຸ​ພາບ​ລວມ​ເສດຖະກິດ​ໂລກ​ປີ​ນີ້​ວ່າ ການ​ຄ້າ ​ແລະ ການ​ລົງທຶນ​ຈະ​ຫົດ​ຕົວ, ລາຄາ​ສິນຄ້າ​ໂພ​ກພັນ​ຈະ​ຫຼຸດ​ລົງ​ຢ່າງ​ໜັກ​​ເຊັ່ນ: ນ້ຳມັນ ຊຶ່ງ​ປີ​ນີ້​ຈິ່ງ​ຈະ​ເປັນ​ປີ​ທີ່​ທ້າຍ​ທາຍ​ອັນ​ໃຫຍ່​ຫຼວງ, ຜູ້​ກຳນົດ​ນະ​ໂຍບາຍ​ປະ​ເທດ​ຄວນ​ຄຳນຶງ​ເຖິງ​ການ​ຟື້ນ​ຕົວ​ໄລຍະ​ສັ້ນ ​ແລະ ​ແນວທາງ​ທີ່​ຈະ​ສົ່ງ​ເສີມ​ເລື່ອງ​ນີ້​ໂດຍ​ສະ​ເພາະ​ເສດຖະກິດ​ເກີດ​ໃໝ່ ​ແລະ ​ໂລກ​ກຳລັງ​ພັດທະນາ​ທີ່​ຕ້ອງ​ພົບ​ກັບ​ຄວາມ​ສ່ຽງ​ຫຼາຍ​ດ້ານ ທັງ​ເລື່ອງ​ລາຄາ​ສິນຄ້າ​ໂພ​ກພັນ​ຫຼຸດ​ລົງ​ຕາມ​ຄວາມ​ຕ້ອງການ​ນຳ​ເຂົ້າ​ຈາກ​ສປ ຈີນ, ຕົ້ນ​ທຶນ​ການ​ກູ້​ຢືມ​ທີ່​ສູງ​ຂຶ້ນ​ເພາະ​ອາ​ເມ​ລິ​ກາ​ຂຶ້ນ​ອັດຕາ​ດອກ​ເບ້ຍ, ​ເຫດການ​ວຸ້ນວາຍ​ທາງ​ການ​ເມືອງ ​ແລະ ຄວາມ​ບໍ່​ສະ​ຫງົບ​ໃນ​ຫຼາຍ​ປະ​ເທດ (ຕາມ​ຂ່າວ​ຕ່າງປະ​ເທດ).

ທີ່ມາ:logo

ບົດຄວາມຫຼ້າສຸດ

1 ນະຄອນ ແລະ 5 ເມືອງຂອງແຂວງຈໍາປາສັກໄດ້ຮັບໃບຢັ້ງຢືນເປັນນະຄອນ – ເມືອງພົ້ນທຸກ

ຊົມເຊີຍ 1 ນະຄອນ ແລະ 5 ເມືອງຂອງແຂວງຈຳປາສັກໄດ້ຮັບໃບຢັ້ງຢືນເປັນນະຄອນ - ເມືອງພົ້ນທຸກ. 1 ນະຄອນ ແລະ 5 ເມືອງຂອງແຂວງຈໍາປາສັກ ຄື: ນະຄອນປາກເຊ,...

ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ

ບໍລິສັດໄຟຟ້າລາວເຊັນ MOU ສຶກສາຮ່ວມມືການຈັດລະບຽບສາຍສື່ສານ ແລະ ສາຍໄຟຟ້າ 0,4 ກິໂລໂວນ ລົງໃຕ້ດິນ ໃນທົ່ວປະເທດ. ໃນວັນທີ 5 ພຶດສະພາ 2025 ຢູ່ ສໍານັກງານໃຫຍ່...

ຕິດຕາມ, ກວດກາການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ

ຄວາມຄືບໜ້າການບູລະນະ ເຮືອນພັກຂອງທ່ານ ໜູຮັກ ພູມສະຫວັນ ອະດີດການນໍາຂັ້ນສູງແຫ່ງ ສປປ ລາວ ວັນທີ 5 ພຶດສະພາ 2025 ຜ່ານມາ, ທ່ານ ວັນໄຊ ພອງສະຫວັນ...

ວັນທີ 1 ເດືອນພຶດສະພາ ຂອງທຸກໆປີ ເປັນວັນບຸນໃຫຍ່ຂອງຊົນຊັ້ນກຳມະກອນໃນທົ່ວໂລກ

ປະຫວັດຄວາມເປັນມາຂອງວັນກຳມະກອນສາກົນ 1 ພຶດສະພາ 1886 ມູນເຊື້ອ, ປະຫວັດຄວາມເປັນມາຂອງວັນກໍາມະກອນສາກົນ ຂອງຊົນຊັ້ນກຳມະກອນສາກົນ ແມ່ນໄດ້ກໍາເນີດເກີດຂຶ້ນໃນທ້າຍສະຕະວັດທີ XVIII ຫາຕົ້ນສະຕະວັດທີ XIX ຫຼາຍປະເທດໃນທະວີບເອີຣົບ ແລະ ອາເມລິກາ ໄດ້ສຳເລັດການໂຄ່ນລົ້ມລະບອບສັກດີນາ...