spot_img
Homeຂ່າວຕ່າງປະເທດທຣໍ້າ ກຽມອອກກົດລະບຽບສື່ມວນຊົນ

ທຣໍ້າ ກຽມອອກກົດລະບຽບສື່ມວນຊົນ

Published on

ປະທານາທິບໍດີສະຫະລັດອາເມລິກາ ຈະອອກກົດ ແລະ ແນວທາງການປະຕິບັດ ສໍາລັບນັກຂ່າວທຸກສໍານັກຂ່າວ ໃຫ້ມີການປະພຶດປະຕິບັດຢ່າງເໝາະສົມ ໂດຍສະເພາະການຕັ້ງຄໍາຖາມ ໃນລະຫວ່າງທີ່ເຂົ້າຮ່ວມງານຖະແຫຼງຂ່າວໃນທໍານຽບຂາວ ຫຼັງຈາກທີ່ເກີດເຫດການໂຕ້ຖ້ຽງກັບນັກຂ່າວຂອງ CNN ພ້ອມກ່າວຢໍ້າຫາກຜູ້ໃດບໍ່ປະຕິບັດຕາມ  ສາມາດໄປຕໍ່ໍສູ້ກັນໃນສານ ແລະ ທໍານຽບຂາວ.

ພາຍຫຼັງເກີດເຫດການເມື່ອວັນທີ 6 ພະຈິກ 2018, ທຣໍ້າສັ່ງເຈົ້າໜ້າທີ່ໄປປົດໄມ ແລະ ຍຶດບັດນັກຂ່າວຂອງ ຈິມ ອາຄອສຕາຫົວໜ້ານັກຂ່າວ CNN ປະຈໍາທໍານຽບຂາວ ດ້ວຍຂໍ້ຫາຕັ້ງຄໍາຖາມເລື່ອງ: “ຜູ້ອົບພະຍົບຈາກອາເມຣິກາກາງ”. ຈາກນັ້ນ, ນັກຂ່າວຫຼາຍສໍານັກຂ່າວ ພາກັນຟ້ອງ ທຣໍ້າວ່າ: “ລະເມີດສິດທິນັກຂ່າວໃນການຕັ້ງຄໍາຖາມ” ແລະ ອີກຫຼາຍສໍານັກຂ່າວໄດ້ໃຫ້ການສະໜັບສະໜູນສໍານັກຂ່າວ CNN.

ສໍານັກຂ່າວຕ່າງປະເທດລາຍງານຈາກນະຄອນຫຼວງວໍໍຊິງຕັນ ສະຫະລັດອາເມລິກາ ໃນວັນທີ 18 ພະຈິກ 2018 ວ່າ: “ທຣໍ້າ ປະທານາທິບໍດີສະຫະລັດອາເມລິກາ ຮ່ວມກັບທີມງານກໍາລັງອອກຂໍ້ກໍານົດກົດເກນ ແລະ ແນວທາງການປະຕິບັດງານ ສຳຫຼັບການຕັ້ງຄໍາຖາມຂອງບັນດານັກຂ່າວຈາກທຸກສໍານັກ ໃນຂະນະທີ່ຖະແຫຼງຂ່າວຢູ່ທໍານຽບຂາວ ແລະ ທຸກຄົນຕ້ອງຢູ່ພາຍໃຕ້ກົດລະບຽບດຽວກັນ ເພື່ອຄວາມສະເໝີພາບ ແລະ ທັງເປັນການຮັກສາມາລະຍາດ ການໃຫ້ກຽດເຄົາລົບເຊິ່ງກັນ ແລະ ກັນ”.

ທຣໍ້າກ່າວວ່າ: “ນັກຂ່າວທຸກຄົນຄວນໄດ້ຮັບໂອກາດຢ່າງທົ່ວເຖິງໃນການຕັ້ງຄໍາຖາມ ໂດຍບໍ່ມີແຕ່ຄົນໜຶ່ງຖາມຄໍາຖາມໄດ້ຢ່າງຕໍ່ເນື່ອງ ແລະ ເປິດໂອກາດໃຫ້ກັບຄົນອື່ນ ເຊິ່ງສະທ້ອນໃຫ້ເຫັນວ່າທໍານຽບຂາວຕ້ອງການປົກປ້ອງເສລີພາບຂອງສື່ມວນຊົນເຊັ່ນກັນ ຫາກຜູ້ໃດບໍ່ປະຕິບັດຕາມ  ສາມາດໄປຕໍ່ໍສູ້ກັນໃນສານ ແລະ ທໍານຽບຂາວ ຫຼື ຈະຢຸດຕິການຖະແຫຼງຂ່າວໃນຂະນະທີ່ຍັງດໍາເນີນຢູ່ ເຊັ່ນດຽວກັນກັບເຈົ້າໜ້າທີ່ຄົນອື່ນຂອງທໍານຽບຂາວສາມາດຍົກເລີກສົນທະນາກັບນັກຂ່າວໄດ້ທັນທີ”.

ຮຽບຮຽງໂດຍ: ໃບບົວ ຈັນທະລັງສີ

ແຫຼ້ງຂໍ້ມູນຈາກ:.dailynews.co.th

ບົດຄວາມຫຼ້າສຸດ

ລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ)

ສຕລ ປະກາດລາຍຊື່ 23 ນັກເຕະທີມຊາດລາວຊຸດໃຫຍ່ ລຸຍບານເຕະ ຊີງແຊ້ມອາຊີ 2027 ຮອບຄັດເລືອກ (ຮອບສຸດທ້າຍ) ທີມຊາດລາວ ຊຸດໃຫຍ່ ພາຍໃຕ້ການຄຸມທີມຂອງ ທ່ານ ຮາ ຮອກ...

ເຂົ້າກັກໂຕທັນທີ! ເຈົ້າໜ້າທີ່ກັກໂຕໜຸ່ມລາວ ໃນຂໍ້ຫາມີພຶດຕິກຳໃຊ້ບັນຊີ ຮັບ-ຖອນເງິນ ໃຫ້ກຸ່ມສະແກມເມີ

ອີງຕາມການລາຍງານຈາກສຳນັກຂ່າວປະເທດໄທ, ເຈົ້າໜ້າທີ່ກວດຄົນເຂົ້າເມືອງໜອງຄາຍ ປະເທດໄທ ໄດ້ເຂົ້າກັກໂຕໜຸ່ມຄົນລາວ ທີ່ມີຊື່ວ່າ ທ ເຈມບອນ ອາຍຸ 31 ປີ ຢູ່ທີ່ດ່ານຊາຍແດນຂົວມິດຕະພາບລາວ-ໄທ ແຫ່ງທີ 1 ໃນວັນທີ...

ພິທີເປີດງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025 ຢ່າງເປັນທາງການ

ເປີດຂຶ້ນຢ່າງເປັນທາງການແລ້ວ ງານມະຫະກຳກິລາແຫ່ງຊາດ ຄັ້ງທີ XII ນະຄອນຫຼວງວຽງຈັນເກມ 2025. ມະຫະກຳກິລາ ແຫ່ງຊາດ ຄັ້ງທີ XII ຫຼື ນະຄອນຫຼວງວຽງຈັນເກມ ທີ່ນະຄອນຫຼວງວຽງຈັນ ເປັນເຈົ້າພາບ ໄດ້ເປີດຂຶ້ນຢ່າງເປັນທາງການ...

ໃນປີ 2026 ລັດຖະບານຈະປັບເງິນເດືອນ ພະນັກງານລັດຖະກອນບໍ່ຫຼຸດ 3,000,000 ກີບ/ເດືອນ ເພື່ອແກ້ໄຂສະພາບການເປັນຢູ່ຂອງພະນັກງານ

ທ່ານ ສັນຕິພາບ ພົມວິຫານ ລັດຖະມົນຕີກະຊວງການເງິນ ໄດ້ຊີ້ແຈງຕໍ່ການຊັກຖາມຂອງສະມາຊິກສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ IX ໃນວັນທີ 13 ພະຈິກ...