spot_img
Homeຂ່າວພາຍ​ໃນການຄຸ້ມຄອງແຮງງານ ແລະ ນໍາໃຊ້ແຮງງານໃນເຂດເສດຖະກິດພິເສດ ສາມຫຼ່ຽມຄໍາ

ການຄຸ້ມຄອງແຮງງານ ແລະ ນໍາໃຊ້ແຮງງານໃນເຂດເສດຖະກິດພິເສດ ສາມຫຼ່ຽມຄໍາ

Published on

ກະຊວງແຜນການ ແລະ ການລົງທຶນ ຫ້ອງການສົ່ງເສີມ ແລະ ຄຸ້ມຄອງເຂດເສດຖະກິດພິເສດ ຄະນະຄຸ້ມຄອງ ເຂດເສດຖະກິດພິເສດ ແຂວງບໍ່ແກ້ວ ອອກແຈ້ງການເຖິງອໍານວຍການບໍລິສັດ, ນັກທຸລະກິດ, ຜູ້ປະກອບການ ແລະ ຜູ້ອອກແຮງງານ ພາຍໃນເຂດເສດຖະກິດພິເສດ ສາມຫຼ່ຽມຄໍາ ເລື່ອງການຄຸ້ມຄອງແຮງງານ ແລະ ນໍາໃຊ້ແຮງງານໃນເຂດເສດຖະກິດພິເສດ ສາມຫຼ່ຽມຄໍາ.

ອີງຕາມ ກົດຫມາຍວ່າດ້ວຍແຮງງານ ສະບັບປັບປຸງ ສະບັບເລກທີ 43/ສພຊ, ລົງວັນທີ 24 ທັນວາ 2013;
ອີງຕາມ ຂໍ້ຕົກລົງ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງ ຄະນະຄຸ້ມຄອງເຂດເສດຖະກິດພິເສດແຂວງ ແລະ ນະຄອນຫຼວງ ສະບັບເລກທີ 1971/ກຜທ, ລົງວັນທີ 15 ສິງຫາ 2018.

ເພື່ອເຮັດໃຫ້ການຄຸ້ມຄອງ ແລະ ນໍາໃຊ້ແຮງງານຂອງຜູ້ປະກອບການ ແລະ ຜູ້ອອກແຮງງານໃຫ້ຖືກຕ້ອງຕາມລະບຽບກົດຫມາຍຂອງ ສປປ ລາວ ແລະ ຮັບປະກັນການດໍາເນີນທຸລະກິດຂອງບັນດາບໍລິສັດ, ຜູ້ປະກອບການ ໄດ້ດໍາເນີນວຽກງານຢ່າງສະດວກ ແລະ ຕອບສະຫນອງໄດ້ຕໍ່ກັບຄວາມຕ້ອງການໃນການນໍາໃຊ້ແຮງງານກໍ່ຄືຜູ້ອອກແຮງງານຕໍ່ການປະຕິບັດຫນ້າທີ່ວຽກງານ ແລະ ການດໍາລົງຊີວິດຢູ່ພາຍໃນເຂດເສດຖະກິດພິເສດ ສາມຫຼ່ຽມຄໍາ ໃຫ້ໄດ້ຮັບປະກັນ ແລະ ຖືກຕ້ອງຕາມລະບຽບກົດຫມາຍ.
ຄະນະຄຸ້ມຄອງເຂດເສດຖະກິດພິເສດ ແຂວງບໍ່ແກ້ວ ຈຶ່ງໄດ້ອອກແຈ້ງການດັ່ງນີ້:
1. ທຸກໆຫົວຫນ່ວຍທີ່ນໍາໃຊ້ແຮງງານ, ຜູ້ອອກແຮງງານພາຍໃນເຂດເສດຖະກິດພິເສດ ສາມຫຼ່ຽມຄໍາ ຕ້ອງໄດ້ເຊັນ
ສັນຍາແຮງງານຮ່ວມກັນກ່ອນຈະນໍາໃຊ້ແຮງງານ ແລະ ອອກແຮງງານ ເຊິ່ງສັນຍາແຮງງານດັ່ງກ່າວຈະໄດ້ເຮັດເປັນ 04 ພາສາຄື: ພາສາລາວ, ພາສາອັງກິດ, ພາສາຈີນ ແລະ ພາສາມຽນມາ ຜູ້ນໍາໃຊ້ແຮງງານ ແລະ ຜູ້ອອກແຮງງານ ຈະໄດ້ເຊັນສັນຍາຕາມສັນຊາດ ແລະ ພາສາຂອງຕົນເອງເຊິ່ງເນື້ອໃນສັນຍາຂອງແຕ່ລະພາສາ ແມ່ນມີຄວາມສາມາດນໍາໃຊ້ໄດ້ໃນການແກ້ໄຂຂໍ້ຂັດແຍ່ງດ້ານແຮງງານຢູ່ພາຍໃນເຂດເສດຖະກິດພິເສດ ສາມຫຼ່ຽມຄໍາ ແລະ ສັນຍາທຸກສະບັບຕ້ອງມີກາປະທັບ (ກາແດງ) ຂອງຄະນະຄຸ້ມຄອງເຂດເສດຖະກິດພິເສດແຂວງບໍ່ແກ້ວ ທຸກສະບັບ ຈຶ່ງສາມາດນໍາໃຊ້ໄດ້;
2. ທຸກໆຫົວຫນ່ວຍນໍາໃຊ້ແຮງງານ, ຜູ້ອອກແຮງງານຫາກມີເຈດຕະນາຫຼົບຫຼີກ ຫຼື ສ້າງຄວາມຫຍຸ້ງຍາກໃນການ ເຮັດສັນຍາຄຸ້ມຄອງ ແລະ ນໍາໃຊ້ແຮງງານ, ເຊັນສັນຍາແຮງງານທີ່ບໍ່ຖືກຕ້ອງຕາມລະບຽບການ ຫຼື ໃຊ້ແຮງງານ
ທີ່ບໍ່ມີສັນຍາແຮງງານຈະຖືວ່າເປັນການນໍາໃຊ້ແຮງງານ ແລະ ອອກແຮງງານທີ່ບໍ່ຖືກຕ້ອງ ແມ່ນຈະຖືກປະຕິບັດມາດຕະການ ຕາມກົດຫມາຍວ່າດ້ວຍແຮງງານ ແລະ ລະບຽບການຄຸ້ມຄອງແຮງງານພາຍໃນເຂດເສດຖະກິດພິເສດ ສາມຫຼ່ຽມຄໍາ ຢ່າງເຂັ້ມງວດ ແລະ ຜູ້ນໍາໃຊ້ແຮງງານຈະເປັນຜູ້ຮັບຜິດຊອບທັງຫມົດຕໍ່ຄ່າເສຍຫາຍທີ່ເກີດຂື້ນໃນກໍລະນີທີ່ມີການຂັດແຍ່ງກັນ;
3. ຜູ້ນໍາໃຊ້ແຮງງານຕ້ອງຮັບສະຫມັກຜູ້ອອກແຮງງານໃຫ້ຖືກຕ້ອງຕາມລະບຽບກົດຫມາຍ ໂດຍການສ້າງແຜນນໍາໃຊ້
ແຮງງານ, ມີຕໍາແຫນ່ງງານທີ່ຈະແຈ້ງ ເພື່ອສະເຫນີຫາຂະແຫນງຄຸ້ມຄອງແຮງງານຂອງສະພາບໍລິຫານເຂດ ເສດຖະກິດພິເສດ ສາມຫຼ່ຽມຄໍາ ແລະ ນໍາສະເຫນີຕໍ່ຄະນະຄຸ້ມຄອງເຂດເສດຖະກິດພິເສດ ແຂວງບໍ່ແກ້ວຢັ້ງຢືນຄວາມຖືກຕ້ອງຕາມລະບຽບການ;
4. ເລີ່ມແຕ່ມື້ອອກແຈ້ງການສະບັບນີ້ເປັນຕົ້ນໄປ, ມອບໃຫ້ຂະແຫນງການຄຸ້ມຄອງແຮງງານສົມທົບກັບຂະແຫນງ
ແຮງງານຄະນະຄຸ້ມຄອງເຂດເສດຖະກິດພິເສດ ແຂວງບໍ່ແກ້ວ ລົງກວດກາຄວາມຖືກຕ້ອງທາງດ້ານເອກະສານຂອງຜູ້ນໍາໃຊ້ແຮງງານ ແລະ ຜູ້ອອກແຮງງານ.
ດັ່ງນັ້ນ, ຈຶ່ງແຈ້ງມາເພື່ອຮັບຊາບ ແລະ ພ້ອມກັນຈັດຕັ້ງປະຕິບັດຕາມແຈ້ງການສະບັບນີ້ດ້ວຍ.

 

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...