ສຳນັກຂ່າວຕ່າງປະເທດລາຍງານວ່າ ທ່ານ ວະລາດິເມຍ ປູຕິນ ປະທານາທິບໍດີຣັດເຊຍ, ທ່ານ ເພໂທຣ ໂປເຣນເຊນໂກ ປະທານາທິບໍດີອູແກຣນ ແລະຜູ້ນຳກຸ່ມແຍກດິນແດນອູແກຣນ ກຽມເປີດການເຈລະຈາຕົກລົງກ່ຽວກັບບັນຫາຂັດແຍ້ງໃນພື້ນທີ່ຕາເວັນອອກຂອງອູແກຣນ ໃນເບລາຣຸສ ບ່າຍວານນີ້ຕາມເວລາທ້ອງຖິ່ນ ຂະນະທີ່ຊາດຕາເວັນຕົກຮ່ວມກັນກຽມຂວ້ຳບາດຣັດເຊຍເພິ່ມ ໃນຂໍ້ກ່າວຫາວ່າຣັດເຊຍສົ່ງກອງທັບເຂົ້າອູແກຣນ.

ແນວໃດກໍຕາມ ຫຼ້າສຸດມີລາຍງານວ່າ ເກີດການປະທະກັນໃນເມືອງມາຣູໂປ ທາງຕາເວັນອອກຂອງອູແກຣນຂຶ້ນ ທັງນີ້ ຍອດຜູ້ເສຍຊີວິດຂອງປະຊາຊົນໃນພື້ນທີ່ຂັດແຍ້ງ ສູງເຖິງ 2,600 ຄົນ ໃນເວລາ 5 ເດືອນ ຕັ້ງແຕ່ເລິ່ມມີການສູ້ຮົບ ດ້ານຜູ້ນຳອູແກຣນຫວັງໃຫ້ການເຈລະຈາຄັ້ງນີ້ປະສົບຄວາມສຳເລັດ ແລະການຕໍ່ສູ້ໃນປະເທດຂອງເຂົາຈະສິ້ນສຸດລົງ.