ໜ່ວຍງານ CENACE ທີ່ຮັບຜິດຊອບການໃຫ້ບໍລິການໄຟຟ້າຂອງປະເທດ ແມັກຊິໂກໄດ້ລາຍງານຜົນການປະມູນຊື້ໄຟຟ້າຈຳນວນ 5.5 ພັນລ້ານຢູນິດ ຈາກໂຄງການຜະລິດໄຟຟ້າດ້ວຍພະລັງງານແສງອາທິດກຳລັງການຜະລິດລວມ 1.8 ກິກະວັດ ໂດຍແບ່ງການປະມູນອອກເປັນ 14 ສັນຍາ ປະກົດວ່າມີຜູ້ຊະນະການປະມູນໃນ 2 ສັນຍາ ໃຫ້ລາຄາໄຟຟ້າຕ່ຳສຸດເປັນສະຖິຕິໃໝ່ຂອງໂລກທີ່ລາຄາພຽງ 1.77 ເຊັນ/ຢູນິດ ຫຼື ປະມານ 150 ກີບ/ຢູນິດ

ແມັກຊິໂກໄດ້ພິສູດໃຫ້ເຫັນວ່າ ການຈັດການບັນຫາພະລັງງານໝຸນວຽນໃນລາຄາທີ່ບໍ່ແພງນັ້ນເປັນໄປໄດ້ທົ່ວໂລກ ບໍ່ຈຳເປັນຕ້ອງເປັນປະເທດທີ່ຮັ່ງມີ ແລະ ມີເງື່ອນໄຂພິເສດແບບຊາອຸດິອາຣະເບຍ ແລະ ນີ້ຈະເປັນຫົນທາງທີ່ສົດໃສສຳລັບການເດີນໄປສູ່ຈຸດໝາຍໃນຂໍ້ຕົກລົງປາຣີສ ຮວມທັງເປົ້າໝາຍໃນທະວິບອາເມລິກາເໜືອທີ່ 3 ປະເທດ ຢ່າງແມັກຊິໂກ, ການາດາ ແລະ ສະຫະລັດອາເມລິກາໄດ້ກຳນົດຮ່ວມກັນ