ທ່ານເຄີຍຮູ້ສຶກເໜື່ອຍລ້າ ບໍ່ມີແຮງແມ້ແຕ່ຈະລຸກຂຶ້ນຈາກຕຽງນອນຫລືບໍ່ ເຫດການແບບນີ້ອາດເບິ່ງເປັນ ເລື່ອງປົກກະຕິທຳມະດາທີ່ອາດເກີດຂຶ້ນກັບໃຜກໍໄດ້ທີ່ອາດພັກຜ່ອນບໍ່ພໍ ແຕ່ໃນປະຈຸບັນຄົນຫລາຍໝື່ນຄົນທົ່ວໂລກກຳລັງປະສົບບັນຫາດັ່ງກ່າວ ບາງຄົນຮູ້ສຶກເໜື່ອຍລ້າ ແລະ ທຸກທໍລະມານຈາກອາການນີ້ຕິດຕໍ່ກັນເປັນອາທິດ,ເປັນເດືອນ ຫລື ອາດຍາວນານເປັນປີ ໂດຍບໍ່ຮູ້ສາເຫດທີ່ຊັດເຈັນ ການເກີດອາການເໜື່ອຍລ້າເປັນລະຍະເວລາດົນດັ່ງກ່າວນີ້ຖືກເອີ້ນວ່າ “ພະຍາດອ່ອນເພຍຊຳເຮື້ອ”
ຜູ້ປ່ວຍພະຍາດອ່ອນເພຍຊຳເຮື້ອທົ່ວໆໄປອາດມີອາການອ່ອນເພຍຕັ້ງແຕ່ລະດັບອ່ອນຈົນເຖິງລະດັບຮຸນແຮງ ຊຶ່ງການພັກຜ່ອນທຳມະດາບໍ່ສາມາດແກ້ບັນຫາໄດ້ ແລະ ອາດມີອາກາດຮ່ວມຕ່າງໆນຳທີ່ມັກເກີດຂຶ້ນໃນຜູ້ປ່ວຍພະຍາດນີ້ ປວດກ້າມເນື້ອ,ນອນບໍ່ຫລັບ, ເຈັບຄໍເລື້ອຍ ໆ ສະມາທິສັ້ນ ແລະ ຄວາມຈຳບໍ່ດີ ໂດຍອາການອື່ນໆສ່ວນໃຫຍ່ມັກເກີດຂຶ້ນຈາກການອົດນອນ ຫລື ການນອນຫລັບບໍ່ສະນິດ
ມື້ນີ້ເຮົາຈຶ່ງມີ 10 ສັນຍານຮ້າຍ ພະຍາດອ່ອນເພຍຊຳເຮື້ອ ມາໃຫ້ໄດ້ຮູ້ຈັກ
1. ລົມຫາຍໃຈ ແລະ ປາກມີກິ່ນແປກໆ
2. ນອນບໍ່ຫລັບ ຝັນຮ້າຍ
3. ປວດກ້າມຊີ້ນ ຕົວຊາເປັນບາງຄັ້ງ
4. ຫົວໃຈເຕັ້ນຜິດປົກກະຕິ
5. ຫິວຮຸນແຮງ
6. ແພ້ອາຫານທີ່ບໍ່ເຄີຍແພ້ມາກ່ອນ
7. ທົນສຽງດັງບໍ່ໄດ້
8. ເຈັບຫົວ ວຽນຫົວເປັນລົມຕະຫລອດ
9. ອ່ອນເພຍ ບໍ່ມີແຮງຫລາຍກວ່າ 4 ເດືອນ
10. ເບື້ອໜ່າຍ ຊຶມເສົ້າ