ເພື່ອໃຫ້ເຂົ້າກັບບັນຍາກາດຍາມບຸນພຣະທາດຫຼວງວຽງຈັນ 2017 ທ່ອງທ່ຽວກັບລາວໂພສຕ໌ ມື້ນີ້ແອັດມິນໄດ້ນຳພາບບັນຍາກາດໃນງານບຸນພຣະທາດຫຼວງມາຝາກ
ເລີ່ມຕົ້ນເຮົາມາເບິ່ງພາບຂອງຄ່ຳຄືນວານນີ້ໄດ້ມີການສົມໂພດພຣະທາດຫຼວງ ມີປະຊາຊົນທົ່ວສາລະທິດເຂົ້າຮ່ວມຫຼາຍພັນຄົນເຮັດໃຫ້ເດີ່ນທາດຫຼວງທີ່ເປັນພື້ນທີ່ໂລ່ງກາຍເປັນພື້ນທີ່ໆເຕັມໄປດ້ວຍຜູ້ຄົນໜາແໜ້ນ
ໄຮໄລ້ສຳຄັນຂອງງານປິນີ້ຕ້ອງມາທີ່ເຮືອນຊົງລາວ ເຮືອນຊົງລາວແມ່ນໄດ້ເລີ່ມສ້າງຂື້ນແຕ່ປີ 2016 ແລະ 2017 ກໍ່ສ້າງສຳເລັດຈົບງາມສົມບູນແບບ ຖ້າໃຜມາທ່ຽວບຸນທາດຫຼວງ ແລະ ບໍ່ໄດ້ມາທີ່ເຮືອນຊົງລາວ ຖືວ່າທ່ານພາດສຸດໆໄປເລີຍ
ສ່ວນອາຫານປະຈຳງານບຸນປະເພນີແບບນີ້ ຂາດບໍ່ໄດ້ກໍ່ຄົງແມ່ນເຂົ້າຫຼາມ, ປີ້ງໄກ່ ໃຜມາທ່ຽວບຸນກ່ອນເມືອເກືອບທຸກຄົນຕ້ອງໄດ້ຊື້ຕິດມືກັບເຮືອນພ້ອມ
ປີນີ້ບຸນທາດຫຼວງຈັດຢ່າງຍິ່ງໃຫຍ່ ເນື່ອງຈາກຕ້ອນຮັບປີທ່ອງທ່ຽວລາວ 2018 ຖ້າທ່ານໃດພາດມາທ່ຽວບຸນພະທາດຫຼວງໃນປີ 2017 ນີ້ ຖືວ່າໜ້າເສຍດາຍສຸດໆ
ຮູບພາບໂດຍ: Tooun Xayvongsa ແລະ laopostcard