Homeຂ່າວຕ່າງປະເທດໄທຈະຈັດພິທີຖວາຍເພີງສົບ ພະເຈົ້າມະຫາຊີວິດພູມິພົນ ຢ່າງຍິ່ງໃຫຍ່ໃນຕອນຄໍ່າມື້ນີ້

ໄທຈະຈັດພິທີຖວາຍເພີງສົບ ພະເຈົ້າມະຫາຊີວິດພູມິພົນ ຢ່າງຍິ່ງໃຫຍ່ໃນຕອນຄໍ່າມື້ນີ້

Published on

ພະລາຊະພິທີຖວາຍເພີງພະບໍລົມມະສົບ ພະເຈົ້າມະຫາຊີວິດ ພູມິພົນ ອະດຸນຍະເດດ ພະເຈົ້າມະຫາຊີວິດລັດຊະການທີ 9 ຂອງໄທ ຈະເປັນພະລາຊະພິທີທີ່ລັດຖະບານໄທຈັດຂຶ້ນເພື່ອສະແດງຄວາມອາໄລເປັນຄັ້ງສຸດທ້າຍ ໃນຕອນຄໍ່າຂອງມື້ນີ້ ວັນທີ 26 ຕຸລາ 2017.

ພະເຈົ້າມະຫາຊີວິດ ພູມິພົນ ອະດຸນຍະເດດ ເປັນພະມະຫາກະສັດໄທ ລັດຊະການທີ 9 ແຫ່ງລາຊະວົງຈັກກີ ປະສູດເມື່ອວັນທີ 5 ທັນວາ 1928, ຂຶ້ນຄອງລາດໃນວັນທີ 9 ມິຖຸນາ 1946 ເປັນພະມະຫາກະສັດໄທທີ່ຄອງລາດຍາວນານທີ່ສຸດໃນປະຫວັດສາດໄທ (70 ປີ).

ປະຊາຊົນລາວໄທຈຳນວນຫຼາຍເຄົາລົບພະອົງ ແລະຕາມລັດຖະທຳມະນູນໄທ ພະມະຫາກະສັດຊົງຢູ່ໃນຖານະອັນເປັນທີ່ເຄົາລົບສັກກາລະ ແລະຜູ້ໃດຈະລະເມີດບໍ່ໄດ້ ສ່ວນປະມວນກົດໝາຍອາຍາບັນຍັດໄວ້ວ່າ ການດູໝິ່ນ ໝິ່ນປະໝາດ ຫຼືອາຄາດຕໍ່ພະມະຫາກະສັດເປັນຄວາມຜິດທາງອາຍາ. ຄະນະລັດຖະມົນຕີຫຼາຍຊຸດທີ່ໄດ້ຮັບການເລືອກຕັ້ງມາກໍຖືກຄະນະທະຫານລົ້ມລ້າງໄປດ້ວຍຂໍ້ກ່າວຫາວ່ານັກການເມືອງຜູ້ໃຫຍ່ໝິ່ນພະບໍລົມມະເດຊານຸພາບ ດັ່ງນັ້ນ, ພະອົງເອງໄດ້ຕັດເມື່ອ ປີ 2005 ວ່າ ສາທາລະນະຊົນສາມາດວິພາກວິຈານພະອົງໄດ້.

ພະອົງຊົງເປັນທີ່ສັນລະເສີນໃນປະເທດໄທກ່ຽວກັບພະລາຊະດຳລິໃນເລື່ອງປັດຊະຍາເສດຖະກິດພໍພຽງ ອົງການສະຫະປະຊາຊາດຈຶ່ງໄດ້ຖວາຍລາງວັນຄວາມສຳເລັດສູງສຸດດ້ານການພັດທະນາແດ່ພະອົງ ກັບທັງພະອົງເອງຍັງຊົງເປັນເຈົ້າຂອງສິດທິບັດສິ່ງປະດິດ ງານພະລາຊະນິພົນ ແລະງານດົນຕີຈຳນວນໜຶ່ງນຳພ້ອມ. ດ້ານຊັບສິນຂອງພະອົງວາລະສານຟອບຈັດອັນດັບໃຫ້ພະອົງເປັນພະມະຫາກະສັດຜູ້ມີຊັບສົມບັດຫຼາຍທີ່ສຸດໃນໂລກ ນັບແຕ່ປີ ພສ 2551 ເຖິງ 2556 ເມື່ອເດືອນພຶດສະພາ 2014 ພະອົງມີຊັບສິນ 30,000 ລ້ານໂດລາສະຫະລັດ. ສຳນັກງານຊັບສິນສ່ວນພະມະຫາກະສັດນັ້ນໃຊ້ສິນຊັບເພື່ອສະຫວັດດີການສາທາລະນະ ເຊັ່ນ ເພື່ອພັດທະນາເຍົາວະຊົນ ແຕ່ໄດ້ຮັບການຍົກເວັ້ນພາສີແລະໃຫ້ເປີດເຜີຍການເງິນຕໍ່ພະມະຫາກະສັດແຕ່ພະອົງດຽວ. ຂະນະທີ່ພະອົງກໍໄດ້ຊົງອຸທິດຊັບສິນສ່ວນພະອົງໄປໃນໂຄງການພັດທະນາປະເທດໄທຫຼາຍຕໍ່ຫຼາຍໂຄງການ ໂດຍສະເພາະໃນທາງກະສິກຳ ສິ່ງແວດລ້ອມ ສາທາລະນະສຸກ ການສົ່ງເສີມອາຊີບ ຊັບພະຍາກອນນໍ້າ ສະຫວັດດີການທາງຄົມມະນາຄົມ ແລະສະຫວັດດີການສາທາລະນະ.

ນັບແຕ່ເດືອນຕຸລາ 2014 ພະອົງໄດ້ເຂົ້າໄປປະທັບຮັກສາພະອາການໄຂ້ຫວັດແລະປອດອັກເສບ ທີ່ອາຄານສະເຫຼີມພະກຽດ ໂຮງໝໍສິລິລາດ ຕະຫຼອດມາ ແຕ່ພະອາການຂອງພະອົງບໍ່ໄຄ ຈົນສະເດັດສະຫວັນນະຄົດເມື່ອວັນພະຫັດ ວັນທີ 13 ຕຸລາ 2016 ລວມພະຊົນມາຍຸ 88 ປີ 313 ວັນ.

ໃນພະລາຊະພິທີຖວາຍເພິງສົບ ພະເຈົ້າມະຫາຊີວິດ ພູມິພົນ ອະດຸນຍະເດດ ນີ້, ທ່ານ ບຸນຍັງ ວໍລະຈິດ ເລຂາທິການໃຫຍ່ພັກປະຊາຊົນປະຕິວັດລາວ ປະທານປະເທດລາວ ໄດ້ຖືກເຊີນໃຫ້ເຂົ້າຮ່ວມງານຄັ້ງນີ້ດ້ວຍ.

ແຫຼ່ງຂໍ້ມູນ: ວິກິພິເດຍ

 

 

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...