ສາວອັງກິດອາຍຸ 24 ປີ ຟ້ອງໄອໂຟນ 4ຮ້ອນຈົນເຮັດເຕົ້ານົມເປັນບາດແຜໄໝ້ ຂະນະນອນຫລັບໂດຍມີມືຖືທີ່ກຳລັງຊາກວາງຢູ່ຂ້າງໆເວັບໄຊຂ່າວເດລີເມວ ອັງກິດ ລາຍງານວ່າ ຍິງສາວອາຍຸ 24 ປີ ຊື່ ດິອອນ ແບັກເຕີລຖືກໂທລະສັບມືຖືໄອໂຟນ 4 ທີ່ຮ້ອນຈັດ ເຮັດໜ້າເອິກໄໝ້ ແລະ ເປັນແຜຍາວ ຂະນະກຳລັງນອນຫລັບໂດຍມີມືຖືວາງຢູ່ຂ້າງໆ ດິອອນ ອະດີດພະນັກງານເບິ່ງແຍງສາງສິນຄ້າແຫ່ງໜຶ່ງໃນປະເທດອັງກິດ ເລົ່າໃຫ້ຟັງວ່ານາງໄດ້ເຜີນອນຫລັບໄປໃນສະພາບເຄິ່ງເປືອຍກາຍ ຂະນະທີ່ມີໄອໂຟນ4 ກຳລັງຊາກວາງໄວ້ຢູ່ຂ້າງໆ ເມື່ອຕື່ນຂຶ້ນມາກໍຮູ້ສຶກວ່າປວດແສບປວດຮ້ອນບໍລິເວນໜ້າເອິກຢ່າງຍິ່ງ ຈຶ່ງກົ້ມໜ້າລົງໄປເບິ່ງພົບວ່າມີບາດ ຍາວປະມານ 5ຊັງຕີເມັດຢູ່ບໍລິເວນໜ້າເອິກ ໃນຂະນະດຽວກັນມືຖືໄອໂຟນຂອງນາງກໍຮ້ອນຈັດ ຈົນນາງບໍ່ສາມາດຈັບມັນໄດ້ ນາງຈຶ່ງຮີບໄປໂຮງໝໍທັນທີ່ ເພື່ອເຂົ້າຮັບການປິ່ນປົວຢ່າງເລັ່ງດ່ວນ ແຕ່ໂຊກຮ້າຍທີ່ບາດແຜຂອງນາງສະແດງອາການຕິດເຊື້ອໃນເວລາຕໍ່ມາ ຈົນເຮັດໃຫ້ນາງຢ້ານວ່າອາດບໍ່ສາມາດໃຫ້ນົມລູກຄົນຕໍ່ໄປໄດ້ ມັນເປັນຕາຢ້ານຫລາຍ ນາງບອກວ່ານາງບໍ່ຢາກຈະຄິດພາບເລີຍວ່າ ຖ້າລູກຂອງນາງນອນຢູ່ບໍລິເວນນັ້ນ ຈະເປັນແນວໃດ ຢ່າງໃດກໍຕາມ ທາງຜູ້ຜະລິດມືຖືຢ່າງແອບເປີນປະຕິເສດທີ່ຈະສະແດງຄວາມເຫັນກ່ຽວກັບກໍລະນີດັ່ງກ່າວ ອາໜຶ່ງນີ້ບໍ່ແມ່ນເທື່ອທຳອິດທີ່ມີຜູ້ໄດ້ຮັບບາດເຈັບຈາກໂທລະສັບມືຖືທີ່ຮ້ອນເກີນຂະໜາດ ໂດຍເມື່ອ 2 ອາທິດກ່ອນໜ້ານີ້ມີເດັກຊາຍໄວລຸ້ນຖືກມືຖືໄອໂຟນ 5 ທີ່ຮ້ອນຈັດເຮັດໃຫ້ແຂນໄໝ້ມາແລ້ວເຊັ່ນກັນ
