spot_img
Homeຂ່າວເຫດການພີເອັສວຸ່ນ ສະມາຊິກແຫ່ທວງເງິນຄືນ

ພີເອັສວຸ່ນ ສະມາຊິກແຫ່ທວງເງິນຄືນ

Published on

ຕອນເຊົ້າມື້ນີ້, ວັນທີ 11 ກັນຍາ 2017 ທີ່ປາກປະຕູທາງເຂົ້າບໍລິສັດພີເອັສ ມີປະຊາຊົນທີ່ເປັນສະມາຊິກບໍລິສັດໄດ້ໂຮມໂຕກັນໄປທວງເງິນຂອງໂຕເອງຄືນ ແຕ່ທາງບໍລິສັດປິດປະຕູໄວ້ບໍ່ໃຫ້ເຂົ້າ ກ່ອນຈະມີເຈົ້າໜ້າທີ່ຕຳຫຼວດເຂົ້າມາເບິ່ງແຍງຄວາມສະຫງົບ.

ສະມາຊິກຜູ້ຮ່ວມທຶນກັບບໍລິສັດພີເອັສ ໄດ້ນັດໂຮມໂຕກັນມາໄດ້ຫຼາຍມື້ ເພື່ອຖືໂອກາດເຂົ້າໄປພົບແລະສອບຖາມ ຄວາມຄືບໜ້າກ່ຽວກັບບໍລິສັດ ກໍຄືກ່ຽວກັບເງິນຂອງຕົນເອງ ກັບປະທານບໍລິສັດ ຄື ທ່ານ ປໍເຮີ ແລະ ທ່ານສຸກນາລີ ເທບສີເມືອງ ໃນວັນທີ 11 ກັນຍາ 2017 ນີ້, ແຕ່ວ່າທາງບໍລິສັດພັດໄດ້ປະກາດປິດບໍລິສັດຊົ່ວຄາວລ່ວງໜ້າການໂຮມໂຕກັນຂອງສະມາຊິກ ໂດຍອ້າງເຫດຜົນວ່າ ເພື່ອສະຫຼຸບບັນຊີຊັບສິນສົ່ງໃຫ້ທະນາຄານແຫ່ງສປປລາວ.

ເຖິງແນວນັ້ນກໍຕາມ, ສະມາຊິກກຸ່ມດັ່ງກ່າວກໍບໍ່ໄດ້ປ່ຽນໃຈ ຕອນເຊົ້າມື້ນີ້ຈຶ່ງໄດ້ພາກັນເດິນທາງໄປຍັງບໍລິສັດດັ່ງກ່າວ ເພື່ອຂໍເຂົ້າພົບປະທານ ເພື່ອສອບຖາມຫຼືທວງເອົາເງິນຂອງຕົນຄືນ.

ຫົວໜ້າກຸ່ມຜູ້ເຕົ້າໂຮມໄດ້ກ່າວຜ່ານເຄື່ອງກະຈາຍສຽງວ່າ: ຂໍໃຫ້ພີ່ນ້ອງທີ່ມາຢູ່ໃນຄວາມສະຫງົບ ບໍ່ທຳລາຍມ້າງເພສິ່ງຂອງ ເພາະຈະເປັນການຜິດກົດໝາຍ, ມື້ນີ້ ພວກເຮົາຮູ້ນຳກັນວ່າເຮົາມາທວງເອົາເງິນຂອງເຮົາຄືນທໍ່ນັ້ນ ບໍ່ໄດ້ມາກໍ່ກວນ ສ້າງຄວາມບໍ່ສະຫງົບ ຫຼືບໍ່ໄດ້ມາມ້າງເພທຳລາຍ. ກ່ອນທີ່ຈະມີເຈົ້າໜ້າທີ່ຕຳຫຼວດໃນເຄື່ອງແບບ ເຂົ້າມາເບິ່ງແຍງຄວາມສະຫງົບຮຽບຮ້ອຍໃນບໍລິເວນດັ່ງກ່າວ.

ບົດຄວາມຫຼ້າສຸດ

ປະທານປະເທດ ແຫ່ງ ສປປ ລາວ ຕ້ອນຮັບການເຂົ້າຢ້ຽມຂໍ່ານັບຂອງ ສົມເດັດພະເທບ ແຫ່ງ ຣາຊະອານາຈັກໄທ

ປະທານປະເທດ ແຫ່ງ ສປປ ລາວ ຕ້ອນຮັບການເຂົ້າຢ້ຽມຂໍ່ານັບຂອງ ສົມເດັດ ພະກະນິດຖາທິຣາດເຈົ້າ ກົມສົມເດັດພະເທບພະຣັດຣາດສຸດາ ສະຫຍາມບໍຣົມມະຣາດຊະກຸມາຣີ ແຫ່ງ ຣາຊະອານາຈັກໄທ. ໃນຕອນບ່າຍຂອງວັນທີ 22 ເມສາ 2025,...

ນັກທ່ອງທ່ຽວຕ່າງຊາດທີ່ຈະເດີນທາງເຂົ້າໄທ ດ້ວຍພາສປອດຕ້ອງໄດ້ຕື່ມຟອມອອນລາຍ ເລີ່ມ 1 ພຶດສະພານີ້

ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ (ນັກທ່ອງທ່ຽວ, ຄົນຕ່າງປະເທດ) ທີ່ຈະເດີນທາງໄປປະເທດໄທ ຕ້ອງໄດ້ເຂົ້າຕື່ມແບບຟອມ (TDAC) ລິ້ງ https://tdac.immigration.go.th ທາງອອນລາຍ...

ຍຶດຢາບ້າຈຳນວນ 101 ເປົາ ເທົ່າກັບ 20.200.000 ເມັດ, ນໍ້າໜັກ 2.020 ກິໂລກຼາມ.

ກອງບັນຊາການ ປກສ ແຂວງບໍ່ແກ້ວ ຍຶດຂອງກາງ ຢາບ້າຈຳນວນ 101 ເປົາ ເທົ່າກັບ 20.200.000 ເມັດ, ນໍ້າໜັກ 2.020 ກິໂລກຼາມ. ໃນຄັ້ງວັນທີ 21...

ປກສ ນະຄອນໄກສອນ ພົມວິຫານ ຈັບຜູ້ສໍ້ໂກງ ແລະ ລັກຊັບ

ເຈົ້າໜ້າທີ່ ປກສ ນະຄອນໄກສອນ ພົມວິຫານ ແຂວງສະຫວັນນະເຂດ ໄດ້ຈັບທ້າວ ວັນນະລາດ ອາຍຸ 55 ປີ ອາຊີບກຳມະກອນ ເຊື້ອຊາດ-ສັນຊາດລາວ ບ້ານເກີດໂພນໄຊ ເມືອງໂພນໂຮງ...