ເອເອຟພີລາຍງານອ້າງວ່າທ່ານ ໂທມັສ ບາດ ປະທານຄະນະກຳມະການໂອລິມປິກ (ໂອໄອຊີ) ກ່າວໃນທີ່ປະຊຸມໂອໄອຊີ ຈະລົງມະຕິໃຫ້ນະຄອນຫຼວງ ປາຣີສ ປະເທດຝຣັ່ງ ແລະ ນະຄອນຣອສແອງເຈລິສ (ແອລເອ) ສະຫະລັດອາເມລິກາ ເປັນເຈົ້າພາບຈັດການແຂ່ງຂັນກິລາໂອລິມປິກ 2024 ແລະ 2028 ໃນການປະຊຸມຄັ້ງສຳຄັນເພື່ອຕັດເລືອກຊື່ເຈົ້າພາບກິລາໂອລິມປິກທັງສອງລາຍການນີ້ໃຫ້ສຳເລັດໃນການປະຊຸມຊົ່ວຄາວໃນວັນດຽວກັນນີ້ ໃນເວລາ 17.45 ນາທີ ສຳລັບການປະຊຸມຈະມີຂຶ້ນໃນເມືອງ ໂລຊານ ສະວິດເຊີແລນ ທີ່ປະຊຸມຈະຄັດເລືອກເຈົ້າພາບຈັດການແຂ່ງຂັນໂອລິມປິກ 2024 ກ່ອນ ເຊິ່ງມີພຽງ 2 ທີມ ທີ່ສະເໜີຕົວເປັນເຈົ້າພາບໃນຄັ້ງນີ້ ຄືຄະນະທຳງານຂອງຝຣັ່ງ ເຊິ່ງສະເໜີຊື່ນະຄອນຫຼວງ ປາຣີສ ແລະ ຄະນະທຳງານຂອງສະຫະລັດທີ່ສະເໜີຊື່ນະຄອນແອລເອ ລັດແຄລິຟໍເນຍເປັນເຈົ້າພາບ