ໜຶ່ງໃນລາຍຈ່າຍຂອງແມ່ຍິງກໍຄົງຈະເປັນຄີມອາບນ້ຳເພາະສະດວກ ແລະ ໃຫ້ກິ່ນຫອມບໍ່ຕ້ອງເສຍເວລາຖູໃຫ້ເກີດຟອງຄືສະບູກ້ອນ ຈຶ່ງເຮັດໃຫ້ສາວໆດຽວນີ້ໃຊ້ຄີມອາບນ້ຳ ຫລາຍກວ່າສະບູ່ກ້ອນ ເຖິງແມ່ນວ່າສະບູກ້ອນຈະຖືກກວ່າກໍຕາມ ສະນັ້ນເຮົາເລີຍເອົາວິທີເຮັດຄີມອາບນ້ຳ ຈາກສະບູ່ກ້ອນ ປະຢັດລາຍຈ່າຍກັນດີກວ່າ
ອຸປະກອນ
1. ສະບູກ້ອນ ຊະນິດໃດກໍໄດ້ ອາດຈະເລືອກຈາກຄຸນນະສົມບັດ ແລະ ກິ່ນທີ່ມັກໄດ້ເລີຍ
2. ແນວຂູດຊີດ ຫລື ຈະໃຊ້ມີດກໍໄດ້ ຖ້າບູບໍ່ແຂງຫລາຍ
3. ນ້ຳ
4. ຖ້ວຍ
5. ໝໍ້
6. ບ່ວງ
7. ກະຕຸກເປົ່າສຳລັບໃສ່ຄີມອາບນ້ຳ
ຂັ້ນຕອນທຳອິດ
ໃຊ້ແນວຂູດຊີດ ຂູດບູໃຫ້ເປັນຕ່ອນນ້ອຍໆ ຖ້າສະບູບໍ່ແຂງຫລາຍ ອາດໃຊ້ມີດປາດບາງໆກໍໄດ້ ເຮົາຕ້ອງເຮັດໃຫ້ບາງເພາະຈະໄດ້ລະລາຍງ່າຍໆ
ນຳສະບູທີ່ເຮັດໄວ້ມາໃສ່ໝໍ້
ໃສ່ນ້ຳລົງໄປ ປະມານ 2ຖ້ວຍ ອາດເພີ່ມ ຫລື ລຸດໄດ້ຕາມໃຈມັກ
ນຳໄປຕົ້ມໂດຍໃຊ້ໄຟປານກາງ ຄົນໄປເລື່ອຍໆ ຈົນສະບູລະລາຍດີແລ້ວ ໄດ້ສີຄືນ້ຳນົມດັ່ງພາບ
ເມື່ອແນ່ໃຈວ່າສະບູລະລາຍດີແລ້ວ ໃຫ້ປິດໄຟປະໄວ້ໃຫ້ເຢັນ ໃຊ້ບ່ວງກວດສອບເບິ່ງວ່າໄດ້ຄວາມໜື່ນຕາມຕ້ອງການດີແລ້ວ ຫລື ບໍ່ ຫາກໜື່ນເກີນໄປ ກໍສາມາມຕື່ມນ້ຳໄດ້ ໂດຍຕ້ອງເປີດໄຟແລ້ວຄົນໃຫ້ເຂົ້າກັນໃໝ່ປະໄວ້ໃຫ້ເຢັນຄືເກົ່າ ຫລັງຈາກນັ້ນກໍເທໃສກະຕຸກນຳໄປໃຊ້ໄດ້ເລີຍ
