ສຳນັກຂ່າວຣອຍເຕີ ແລະ ເອເອຟພີລາຍງານຈາກນະຄອນຫຼວງ ມອສກູ ປະເທດຣັດເຊຍ ເມື່ອວັນທີ 17 ມິຖຸນາ 2017ວ່າ ສຳນັກຂ່າວອິນເຕີແຟັກເຜີຍແຜ່ຖະແຫຼງການຂອງກະຊວງປ້ອງກັນປະເທດ ເມື່ອວັນເສົາວ່າ ການໂຈມຕີທາງອາກາດຂອງເຮືອບິນຮົບກອງທັບຣັດເຊຍ ຕໍ່ເປົ້າໝາຍກຸ່ມໄອເອສ ໃນເມືອງ ເດອີ ເອຊຊໍຣ ຢູ່ທາງພາກຕະເວັນອອກຂອງຊີເຣຍ ເມື່ອວັນທີ 6-8 ມິຖຸນາ ທີ່ຜ່ານມາ ສາມາດຂ້ານັກຮົບໄອເອສປະມານ 180 ຄົນ ໃນນັ້ນລວມທັງຜູ່ບັນຊາການພາກສະໜາມ 2 ຄົນຂອງກຸ່ມໄອເອສຄື: ອາບູ ໂອມາຣ ອັລ-ເບລກີກີ ແລະ ອາບູ ຍາຊິນ ອັລ-ມາສຣີ ນອກຈາກນັ້ນຍັງທຳລາຍຄັງອາວຸດຫຼາຍແຫ່ງ ແລະ ລົດທີ່ໃຊ້ໃນການຮົບ 16 ຄັນ
ການໂຈມຕີມີຂຶ້ນຫຼັງຈາກກອງທັບຣັດເຊຍໃຊ້ໂດຣນສອດແນມ ເຫັນການກຽມການຂອງກຸ່ມນັກຮົບໄອເອສ ທີ່ຈະຝ່າວົງລ້ອມຂອງທະຫານພາກພື້ນດິນກອງທັບຊີເຣຍ ໃນເມືອງເດອີຣ ເອຊຊໍຣ.