spot_img
Homeອຸບັດເຫດແລະປາກົດການຫຍໍ້ທໍ້ຈັບກຸ່ມຕົວ 2 ນັກຕົ້ມຕຸນອ້າງແລ່ນເອົາຄົນເຂົ້າເຮັດວຽກນຳລັດໄດ້

ຈັບກຸ່ມຕົວ 2 ນັກຕົ້ມຕຸນອ້າງແລ່ນເອົາຄົນເຂົ້າເຮັດວຽກນຳລັດໄດ້

Published on

ກາງ​ເດືອນ​ຕຸລາ 2016 ທີ່​ຜ່ານ​ມາ​, ​ໄດ້​ມີຜູ້​ເສຍ​ຫາຍ​ຈຳນວນ​ໜຶ່ງຂຽນ​ຄຳ​ຮ້ອງ​ຟ້ອງ​​ໄປ​ຍັງ​ກົມ​​ໃຫຍ່​ການ​ເມືອງ, ກະຊວງ​ ປກສ ​ເພື່ອ​ຂໍ​ຄວາມ​ເປັນ​ທຳ ​ໃນ​ກໍລະນີ​ຖືກ​ຕົວະ​ຍົວະ​ໃຫ້​ຈ່າຍ​ເງິນ​ເປັນ​ຈຳນວນ​ຫລວງຫລາຍ ​ເພື່ອ​ເຂົ້າ​ເຮັດ​ວຽກ​ເປັນ​ພະນັກງານ​ລັດ, ຊຶ່ງ​ມີ​ຜູ້​ເສຍ​ຫາຍ​ທັງ​ໝົດ 25 ຄົນ, ​ໃນ​ນັ້ນ ​ຢູ່​ແຂວງ​ໄຊ​ຍະ​ບູລີ 16 ຄົນ ​ແລະ ນະຄອນ ຫລວງ​ວຽຈັນ 9 ຄົນ, ​ຕົກ​ເປັນ​ເງິນ​​ຫລາຍ​ຮ້ອຍ​ລ້ານ​ກີບ.

ທ່ານ ພັນ​ຕີ ​ເກດສະໜາ ພິຈິດ ຮອງ​ຫົວໜ້າ​ພະ​ແນ​ກຕຳຫລວດ​ສືບ ສວນ-ສອບ​ສວນ ຄະດີ​ອາຍາ ນະຄອນຫລວງ​ວຽງ​ຈັນ ​ໃຫ້​ຮູ້​ວ່າ: ພາຍຫລັງ​ໄດ້​ຮັບ​ຄຳ​ຮ້ອງ​ຟ້ອງ​ດັ່ງກ່າວ, ກົມ​ໃຫຍ່​ການ​ເມືອງ ກໍ​ໄດ້​ປະສານ​ໄປ​ຍັງ ປກສ ​ແຂວງ​ໄຊ​ຍະ​ບູລີ ​ເພື່ອ​ກັກ​ຕົວ​ຜູ້​ຖືກ​ຫາ​ຄື: ທ້າວ ຄໍາ​ມະນີ ສິດທິ​ເດດ, ອາຍຸ 45 ປີ, ອາຊີບ​ກຳມະກອນ, ຢູ່​ບ້ານ​ຖິ່ນ, ​ເມືອງ ​ແລະ ​ແຂວງ​ໄຊ​ຍະ​ບູລີ, ​ໄດ້​ໃນ​ວັນ​ທີ 16 ພະຈິກ 2016, ​ໃນ​ຂໍ້​ຫາ​ສໍ້​ໂກງ​ຊັບ​ສິນ​ພົນ​ລະ​ເມືອງ.

ຜ່ານ​ການ​ສືບສວນ-ສອບ​ສວນ ຜູ້ກ່ຽວ​​ໄດ້​ສັກ​ທອດ​​ໄປ​ຫາ​ນາງ ຄຳ​ພະ​ໄມ ບຸນ​ມີ​ໄຊ, ອາຍຸ 53 ປີ, ອາຊີບ​ນັກທຸລະກິດ, ຢູ່​ບ້ານ​ໂນນ​ສະຫວ່າງ, ​ເມືອງ​ໄຊ​ທານີ ນະຄອນຫລວງ​ວຽງ​ຈັນ, ຊຶ່ງໃນ​ເບື້ອງ​ຕົ້ນທ້າວ ຄຳ​ມະນີ ​ໄດ້​ໄປຝາກ​ລູກ​ຊາຍຂອງ​ຕົນ ​ເພື່ອ​ເຂົ້າ​ເຮັດ​ວຽກ​ເປັນ​ພະນັກງານ​ລັດ ກັບ​ນາງ ຄຳ​ພະ​ໄມ, ຊຶ່ງ​ໄດ້​ວາງ​ມັດ​ຈຳ​ເງິນ​ຫລວງ​ໜ້າ 50 ພັນ​ບາດ (ສະກຸນ​ເງິນ​ໄທ) ​ແລະ ​ເຮັດ​ບົດ​ບັນທຶກ​ກັນ​ຢ່າງ​ລະອຽດ, ​ໂດຍ​ນາງ ຄຳ​ພະ​ໄມ ​ໄດ້ອ້າງ​​ວ່າ: ​ຮູ້ຈັກ​ກັບຜູ້​ໃຫຍ່​ຫລາຍ​ຄົນ​ໃນ​ກະຊວງ​ຕ່າງໆ ​ແລະ ອ້າງ​ວ່າ​ໄດ້​ຮັບ​ໂກ​ຕ້າ​ຈຳນວນ 40 ທຶນ, ​ໂດຍ​ການ​ປະມູນ​ເອົາ​ປະມານ 6 ລ້ານ​ບາດ (ສະກຸນ​ເງິນ​ໄທ) ຈາກ​ກະຊວງ​ປ້ອງ​ກັນ​ຄວາມ​ສະຫງົບ, ​ຜ່ານ​ໄປ 3 ​ເດືອນ​ ລູກ​ຊາຍ​ກໍ່​ຍັງ​ບໍ່​ໄດ້​ເຂົ້າ​ເຮັດ​ວຽກ ຈຶ່ງ​ຕິດ​ຕໍ່​ໄປ​ຫາ​ນາງ ຄຳ​ພະ​ໄມ ອີກ​ ​ແລະ ນາງ​ກໍ​ໄດ້​​ອະທິບາຍ​ວ່າ: ມີ​​ແຕ່​ຜູ້​ດຽວ​ບໍ່​ສາມາດ​ແລ່ນ​ເຂົ້າ​ເຮັດ​ວຽກ​​ໄດ້, ​ຕ້ອງຊອກຫາຄົນມາ​ເພີ່ມ​ອີກ, ​ເມື່ອ​ເປັນ​ແນວ​ນັ້ນ ທ້າວ ຄຳ​ມະນີ ​​ຈຶ່ງ​ໄດ້ໄປ​ປຸກລະດົມ​ຂົນຂວາຍ​ເອົາ​ນັກຮຽນ-ນັກ​ສຶກສາທີ່​ຫາ​ກໍ​ຮຽນ​ຈົບ, ​ແຕ່​ບໍ່​ທັນ​ໄດ້​ເຂົ້າ​ເຮັດ​ວຽກ ຢູ່​ແຂວງ​ໄຊ​ຍະ​ບູລີມາ​ໄດ້ 16 ຄົນ, ​ໂດຍ​ຜ່ານ​ການ​ຊື້-ຈ້າງຈາກ​ນາງ​ ​ຄຳ​ພະ​ໄມ, ຊຶ່ງຜູ້ກ່ຽວ​ໄດ້​ຮັບ​ຄ່າ​ຈ້າງ​ໃນ​ການ​ຫາ​ຄົນ​ມາ​​ໃຫ້ ປະມານ 5 ພັນ​ບາດ​ຕໍ່​ຄົນ, ​​ໂດຍ​ທຸກ​ຄົນ​​ຕ້ອງໄດ້​ວາງ​ຄ່າ​ມັດ​ຈຳ​ຄົນ​ລະ 50 ພັນ​ບາດ ​ແລະ ​ໃນ​ຂະນະ​ນັ້ນ ນາງ ຄຳ​ພະ​ໄມ ຍັງ​ໄດ້​ໄປ​ຕວະ​ຍວະ​ເຫຍື່ອ​ອີກ​ຈຳນວນ 9 ຄົນ​ຢູ່​ນະຄອນຫລວງ​ວຽງຈັນ.

ຫລາຍ​ເດືອນ​ຜ່ານ​​ໄປ ​ເຫັນ​ວ່າ​ບໍ່​ເກີດ​ຜົນ ຈຶ່ງ​ໄດ້​ມີປະຊາຊົນ​ຢູ່​ແຂວງ​ໄຊ​ຍະ​ບູລີ ​​ເຂົ້າ​ແຈ້ງ​ຄວາມ ​ແລະ ຂຽນ​ຄຳ​ຟ້ອງ​ຮ້ອງຫາ​ກົມ​ໃຫຍ່​ຕຳຫລວດ ​ເພື່ອ​ມ້າງ​ກຸ່ມ​ແກ້ງ​ຕົວະ​ຍົວະ​ດັ່ງກ່າວ, ຫລັງ​ຈາກ​ນັ້ນ ​ເຈົ້າ​ໜ້າ​ທີ່​ຕຳຫລວດ ​ໄດ້​ປະສານ​​ເຂົ້າ​ຈັບ​ຕົວ​ນາງ ຄຳ​ພະ​ໄມ ​ໃນ​ວັນ​ທີ 12 ທັນວາ 2016 ​ເພື່ອ​ມາ​ດຳ​ເນີນ​ຄະດີ​ຕາມ​ລະບຽບ​ກົດໝາຍ.

ແຫລ່ງຂ່າວ: ໜັງສືພີມລາວພັດທະນາ 

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...