ສຳນັກຂ່າວຕ່າງປະເທດລາຍງານຈາກນະຄອນຫຼວງ ວໍຊິງຕັນ ປະເທດສະຫະລັດອາເມລິກາ ເມື່ອວັນທີ 31 ພຶດສະ ພາ 2017 ວ່າ ທ່ານ ໂທມັສ ຊູຣບຸດເຄນ ຜູ່ອຳນວຍການຝ່າຍພາລະກິດວິທະຍາສາດຂອງອົງການບໍລິຫານການບິນ ແລະ ອາວະກາດແຫ່ງຊາດ (ນາຊ່າ ຖະແຫຼງຂ່າວເມື່ອວັນພຸດ ກ່ຽວກັບພາລະກິດ “ປາຣ ເກີ ໂຊລາຣ ໂພຣບ” ( Parker Solar Probe ) ເປັນການສົ່ງຍານສຳຫຼວດບໍ່ມີຄົນຂັບເດີນທາງໄປໂຄຈອນຮອບດວງອາທິດ
ສຳລັບກຳນົດການເບື້ອງຕົ້ນຂອງການສົ່ງຍານສຳຫຼວດ ຈະມີຂຶ້ນໃນເດືອນກໍລະກົດ 2018 ໂດຍຍານຈະອອກເດີນທາງຈາກຖານປ່ອຍຈະຫຼວດພາຍໃນສູນອາວະກາດເຄນເນດີ ທີ່ແຫຼມຄັນເນເວຣັລ ໃນລັດຟໍລິດາ ເດີນທາງດ້ວຍຄວາມໄວ 692,00 ກິໂລແມັດຕໍ່ຊົ່ວໂມງ ຈາກນັ້ນໂຄຈອນຮອບດາວສຸກ 7 ຮອບ ເພື່ອເພີ່ມແຮງວ່ຽງການເຂົ້າສູ່ວົງໂຄຈອນຂອງດວງອາທິດພາຍໃນເດືອນທັນວາ 2024
ທັງນີ້ ເມື່ອໄປຮອດຈຸດໝາຍຍານສຳຫຼວດຈະລອຍຕົວຢູ່ຫ່າງຈາກພື້ນຜິວດວງອາທິດເປັນໄລຍະຫ່າງປະມານ 6.3 ລ້ານກິໂລແມັດ ແລະ ມີກຳນົດໂຄຈອນຮອບດວງອາທິດ 24 ຮອບ ນອກຈາກນີ້ ຕົວຍານຈະຢູ່ພາຍໃຕ້ໂລ່ກັນຄວາມຮ້ອນທີ່ເຮັດຈາກຄາຣບອນໜາເກືອບ 12 ຊມ ເພື່ອປ້ອງກັນຕົວເອງຈາກອຸນຫະພູມໃນບໍລິເວນນັ້ນທີ່ສູງກວ່າ 1,377 ອົງສາ ແລະ ອຸນຫະພູມພື້ນຜິວຂອງດວງອາທິດທີ່ສູງກວ່າ 5,500 ອົງສາ
ວິດີໂອຈາກ: NASA Goddard