spot_img
Home​ຂ່າວບັນເທິງພະນາງ ພ້ອມທີມງານລະຄອນ "ແຕ່ປາງກ່ອນ" ເດີນທາງມາທ່ຽວຫຼວງພຣະບາງ

ພະນາງ ພ້ອມທີມງານລະຄອນ “ແຕ່ປາງກ່ອນ” ເດີນທາງມາທ່ຽວຫຼວງພຣະບາງ

Published on

ເມື່ອວັນທີ 17 ພຶດສະພາ 2017 ທີ່ຜ່ານມາ “ວິວ ວັນນະຣົດ” ຮັບບົດເປັນເຈົ້ານາງ ມ່ານແກ້ວ ແລະ “ສົນ ຍຸກສົນ” ທີ່ຮັບບົດເປັນ ທ່ານ ຊາຍ ພ້ອມທີມງານລະຄອນໄດ້ເດີນທາງມາທ່ຽວ ເມືອງ ຫຼວງພະບາງ ສປປລາວ ຖິ່ນຖານບ້ານເກີດຂອງເຈົ້ານາງ ມ່ານແກ້ວ ຍິງຄົນຮັກຂອງທ່ານ ຊາຍ ເຊິ່ງເປັນຕຳນານຄວາມຮັກທີ່ສຸດແສນໂຣແມນຕິກຂອງສອງຝັ່ງຂອງໃນສະໃໝກ່ອນ

ຄູ່ພະນາງ ທັງນາງເອກສາວ ວິວ ແລະ ພະເອກບ່າວ ສົນ ເບິ່ງຈາກໃນຮູບພາບທີ່ອັບລົງ IG ແລ້ວທັງຄູ່ມີສີໜ້າທີ່ມີຄວາມສຸກກັບການມາທ່ຽວພັກຜ່ອນໃນເທື່ອນີ້ ນອກຈາກນັ້ນພວກເຂົາຍັງໄດ້ໄປເລາະທີ່ຕະຫຼາດຫຼວງພະບາງ ແລະ ຍັງເລາະຊຶມອາຫານ ແຖມຍັງເອີ່ຍປາກຍ້ອງວ່າອາຫານທີ່ຫຼວງພະບາງນີ້ແຊບອີກດ້ວຍ ແລະ ຍັງຍ່າງຂຶ້ນຊົມພະທາດພູສີ ແລະ ແຫລ່ງທ່ອງທ່ຽວອື່ນໆໃນຕົວເມືອງຫຼວງພະບາງ ຍ້ອນທັງທີມງານ ແລະ ຄູ່ພະນາງກໍ່ເປັນຄົນສະບາຍສະບາຍ ອັດຖະຍາໃສດີ ຈິ່ງເຮັດໃຫ້ບໍ່ວ່າໄປທາງໃດຊາວຫຼວງພະບາງກໍ່ໃຫ້ການຕ້ອນຮັບເປັນຢ່າງດີ ສຳລັບແຜນການທ່ຽວຕອນນີ້ຍັງບໍ່ທັນໄດ້ຮັບການເປີດເຜີຍແນ່ນອນ ເອົາເປັນວ່າຖ້າມີຂ່າວຄາວຂອງທັງຄູ່ຄືບໜ້າໄປແນວໃດນັ້ນ ແອັດຈະມາລາຍງານໃຫ້ຊາບເປັນໄລຍະ.

ເຊິ່ງລະຄອນ ແຕ່ປາງກ່ອນ ແມ່ນອອກອາກາດ ທຸກວັນພຸດ-ພະຫັດ ເວລາ 20:00 ໂມງ, ທາງຊ່ອງ ONE 31 ເຊິ່ງປັດຈຸບັນກໍ່ກ້າວເຂົ້າພາກທີ 3 ແລ້ວ ພະເອກກັບນາງເອກຈະໄດ້ກັບມາພົບກັນອີກຄັ້ງ ເລື່ອງລາວກຳລັງເຂັ້ມຂຸ້ນກໍ່ລອງຕິດຕາມກັນເບິ່ງ

ຮູບພາບປະກອບຈາກ: kate_sonthichai/.instagram.

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...