ຈາກກະແສຂ່າວດັງນັກສຶກສາສາວ ຊື່ນາງ ອ້ອມໃຈ ຮ່ວມກັບແຟນເກົ່າ ຊື່ທ້າວ ພັດສາຄອນ ຄາຕະກຳແຟນໃໝ່ ຊື່ທ້າວ ສຸລິຍັນ ຫຼື ໃຫຍ່ ແລ້ວອຳພາງຄະດີ ດ້ວຍການເອົາຜູ້ຕາຍໄປຝັງ ແລະຈູດລົດຊຸກລົງເຫວ ສັງຄົມໄດ້ໃຫ້ການຕິດຕາມຂ່າວຢ່າງໃກ້ຊິດ ເຖິງສາເຫດການລົງມືຄາຕະກຳດັ່ງກ່າວນັ້ນແມ່ນຫຍັງ ແລະແລ້ວຫຼ້າສຸດກໍໄດ້ມີຂ່າວການຖະແຫຼງຂ່າວຈາກເຈົ້າໜ້າທີ່ ແລະຄຳໃຫ້ການຂອງຈຳເລີຍໃນຄະດີດັ່ງກ່າວ ແຕ່ວ່າຂ່າວຍັງບໍ່ຈະແຈ້ງ ຄືບໍ່ໄດ້ເປີດເຜີຍເຖິງສາເຫດການລົງມືຂ້າດັ່ງກ່າວວ່າ.
ຂ່າວຈາກໂທລະພາບກະຊວງປ້ອງກັນຄວາມສະຫງົບ ໄດ້ລາຍງານເຖິງຂັ້ນຕອນການຂ້າ ແລະອຳພາງຄະດີຢ່າງລະອຽດ ໃນຂ່າວໄດ້ເວົ້າວ່າ ໄດ້ເກີີດການຜິດຖຽງກັນຂຶ້ນລະຫວ່າງແຟນເກົ່າແລະແຟນໃໝ່ ແລ້ວມີການຊົກຕີກັນ ແລະແຟນເກົ່າໄດ້ໃຊ້ດິນບັອກປູພື້ນຟາດໃສ່ເອິກແລະເອົາມີດແທງທ້າວ ສຸລິຍັນ ພ້ອມທັງນາງ ອ້ອມໃຈ ນັກສຶກສາສາວກໍໄດ້ເອົາດິນບັອກທຸບໃສ່ຫົວທ້າວ ສຸລິຍັນ (ແຟນໃໝ່) ຈົນເຮັດໃຫ້ທ້າວ ສຸລິຍັນ ເສຍຊີວິດ ກ່ອນຈະນຳເອົາສົບທ້າວສຸລິຍັນໄປຖິ້ມອຳພາງຄະດີຢູ່ເຂດເມືອງຫີນເຫີບ ແຂວງວຽງຈັນ ເຫດເກີດຂຶ້ນໃນວັນທີ 9 ເມສາ 2017.
ແນວໃດກໍຕາມ, ຜູ້ຕິດຕາມຂ່າວຍັງບໍ່ຮູ້ເຖິງສາເຫດທີ່ແທ້ຈິງຂອງການຄາຕະກຳ ຄື ຖ້າຄາຕະກຳຍ້ອນທ້າວພັດສາຄອນກັບທ້າວສຸລິຍັນຜິດກັນນັ້ນ ແມ່ນຜິດກັນເລື່ອງຫຍັງ? ເປັນຫຍັງນາງອ້ອມໃຈບໍ່ຫັກຫ້າມໄວ້? ຫຼືເປັນຫຍັງນາງອ້ອມໃຈຈຶ່ງໄດ້ລົງມືຄາຕະກຳຮ່ວມກັບທ້າວ ພັດສາຄອນ ?
ຄລິກເບິ່ງຂ່າວດັ່ງກ່າວຢູ່ນີ້: goo.gl/0cbKEr
