ຄວາມຮັກມີຫຼາຍແບບ ມີຂັ້ນຕອນຄືກັນ ບໍ່ແມ່ນວ່າພົບກັນມື້ທຳອິດຈະຮັກກັນ ແລະຢູ່ດ້ວຍກັນໄປຕະຫຼອດຊີວິດ ເວລາກັບຄວາມສຳພັນກ່ຽວຂ້ອງກັນຢ່າງຊັດເຈນ ຖ້າຄູ່ໃດຫາກຄົບກັນມາດົນກວ່າ 10 ປີ ຮັບຮອງວ່າຕ້ອງເຄີຍຜ່ານ 6 ຂັ້ນຕອນຂອງຄວາມຮັກ ເຫຼົ່ານາີ້ມາແລ້ວຢ່າງແນ່ນອນ ແຕ່ຖ້າໃຜຫາກເລີ່ມຄົບກັນ ກໍລອງມາເຊັກເບິ່ງວ່າຕົວເອງຢູ່ຂັ້ນໃດແລ້ວ ແລະພ້ອມກັບຂັ້ນຕໍ່ໄປແລ້ວ ຫຼືຍັງ?
- ເລົ່າເລື່ອງເຂົາໃຫ້ເພື່ອນຂອງຕົວເອງຟັງ: ທຳອິດທີ່ຄົບກັນ ເຈົ້າອາດຢູ່ກັບຄວາມຮູ້ສຶກຕົວເອງຫຼາຍທີ່ສຸດ ແຕ່ເມື່ອມີເລື່ອງກັງວົນໃຈ ຫຼືຕ້ອງການທີ່ປຶກສາ ຄົນທຳອິດທີ່ຄິດເຖິງຄືໝູ່ເພື່ອນ, ເຈົ້າຈະເລີ່ມເອົາເລື່ອງຂອງແຟນເຂົ້າມາສົນທະນາ ແລະເລີ່ມຮູ້ສຶກວ່າຕົວເອງມີເວລາໃຫ້ໝູ່ເພື່ອນໜ້ອຍລົງ ບາງທີຢາກພົບເພື່ອນແຕ່ຊ່ວງເວລາຕອນສວາຍ ຫຼືຊ່ວງເວລາສັ້ນໆໃນຕອນກາງຄືນເທົ່ານັ້ນ ເຊິ່ງຊ່ວງນີ້ລະຈະເຮັດໃຫ້ໝູ່ເພື່ອນນ້ອຍໃຈ
- ຢາກໄປພົບພໍ່ແມ່ຂອງເຂົາ: ການພົບພໍ່ແມ່ຂອງອີກຝ່າຍ ຖືເປັນເລື່ອງໃຫຍ່ຂອງຄວາມສຳພັນ ເພາະເປັນຂັ້ນທີ່ເລີ່ມຈະຈິງຈັງກັບອີກຝ່າຍຢ່າງເຕັມທີ່ ເຊິ່ງຂັ້ນນີ້ ເປັນຕົວຊີ້ວັດອະນາຄົດຄວາມສຳພັນ
- ຂ້ອຍຮັກເຈົ້າ: ໃນທີ່ນີ້ ບໍ່ໄດ້ໝາຍເຖິງການບອກຮັກວ່າ ຂ້ອຍຮັກເຈົ້າ ແຕ່ໝາຍເຖິງຂັ້ນທີ່ເຈົ້າຮູ້ສຶກແທ້ໆວ່າ ຮັກກັນ ບໍ່ແມ່ນພຽງແຕ່ຄວາມມັກເທົ່ານັ້ນ ແຕ່ເປັນການເຂົ້າໃຈກັນ ແລະກັນ ແລະພ້ອມທີ່ຈະຍົກໂທດໃຫ້ກັນ ແລະກັນ ອົດທົນໃນເລື່ອງທີ່ບໍ່ພໍໃຈ ແລະຜ່ານເລື່ອງຮ້າຍແຮງຕ່າງໆນຳກັນ
- ສາມາດບອກແຟນໄດ້ວ່າ ເຈົ້າບໍ່ມັກຫຍັງ: ທຳອິດທີ່ຄົບກັນ ສາວໆຈະເຮັດຫຍັງກໍຖືກໄປໝົດ ແຕ່ເມື່ອຜ່ານຊ່ວງເວລາ 9 ເດືອນໄປ ທີ່ພວກເຈົ້າທັງສອງ ຮຽນຮູ້ທຸກຢ່າງໃນຊີວິດຂອງກັນ ແລະກັນ, ຈາກນັ້ນກໍຈະເຂົ້າສູ່ຂັ້ນທີ່ເປັນຕົວເອງ ແລະເລີ່ມມີຄວາມອົດທົນຕໍ່ລົງ ແລະຄ່ອຍໆເຜີຍຄວາມເປັນຕົວເອງອອກມາ ອາດຈະມີຜິດຖຽງກັນ ເລີ່ມເວົ້າຄວາມຈິງອອກມາ ເຊິ່ງຂັ້ນນີ້ທັງສອງຄົນຕ້ອງມີຄວາມເຂົ້າໃຈກັນໃຫ້ຫຼາຍ ແລະເປີດຮັບສິ່ງທີ່ອີກຝ່າຍ ການສື່ສານຈຶ່ງສຳຄັນຫຼາຍທີ່ສຸດ
- ເຈົ້າຕ້ອງການຫຍັງ: ຫຼັງຈາກ 1 ປີຜ່ານໄປ ຫຼືຄົບກັນຫຼາຍກວ່າ 1 ປີ ເຈົ້າທັງສອງເລີ່ມເບິ່ງອະນາຄົດຮ່ວມກັນເຊັ່ນ: ການຍ້າຍເຂົ້າມາຢູ່ຮ່ວມກັນ, ການແຕ່ງງານ, ຄອບຄົວ ຂັ້ນນີ້ຈະເປັນຂັ້ນທີ່ນຳໄປສູ່ຄວາມສຳພັນໄລຍະຍາວ ອາດຈະລອດ ຫຼືບໍ່ລອດຈະເປັນຊ່ວງນີ້ ເຊິ່ງຊ່ວງນີ້ຈະເປັນຊ່ວງທີ່ບໍ່ເວົ້າຈາຫວານ ແຕ່ເປັນຊ່ວງທີ່ຈະເດີນໜ້າເພື່ອຄອບຄົວຢ່າງແທ້ຈິງ
- ບໍ່ແມ່ນຈະເກີດຫຍັງຂຶ້ນ ຂ້ອຍຮັກເຈົ້າຄືເກົ່າ: ຂັ້ນຕອນສຸດທ້າຍຂອງຄວາມສຳພັນ ຖ້າເຈົ້າເຖິງຈຸດນີ້ແລ້ວ ໝາຍຄວາມວ່າ ຄວາມຮັກຂອງເຈົ້າສົມບູນຄື ເຖິງແມ່ນວ່າຈະມີອຸປະສັກຫຍັງເຂົ້າມາ, ຄວາມອິດເມື່ອຍຈາກການມີລູກ, ການເບິ່ງແຍງຄອບຄົວ, ບັນຫາເລື່ອງວຽກ ແຕ່ເຈົ້າກໍເລືອກເຂົາເຂົ້າມາໃນຊີວິດ, ການຄົບກັນດົນໆ ບໍ່ແມ່ນເລື່ອງງ່າຍ ສັງເກດໄດ້ຈາກສະຖິຕິຄົນຢ່າຮ້າງກັນເພີ່ມຂຶ້ນ, ຖ້າເຈົ້າສາມາດມາເຖິງຈຸດນີ້ໄດ້ ແລະພ້ອມທີ່ຈະຈັບມືກັນໄປພ້ອມໆກັນ ກໍຈົ່ງບອກຮັກກັນຕະຫຼອດ ແລະສະແດງຄວາມຮັກ, ຫ້າມປ່ອຍມືຄົນຮັກຂອງທ່ານເດັດຂາດ