ສຳນັກຂ່າວຣອຍເຕີລາຍງານວ່າ ເມື່ອວັນທີ 9 ເມສາ 2017 ທີ່ຜ່ານມາ ກຸ່ມກອງກຳລັງລັດອິສລາມ ຫຼື ໄອເອສ ໄດ້ອອກມາອ້າງວ່າເປັນຜູ້ຢູ່ເບື້ອງຫຼັງເຫດລະເບີດໂບສສອງແຫ່ງໃນອິຢິບທີ່ເກີດຂຶ້ນໃນວັນດຽວກັນ ແລະ ເຮັດໃຫ້ມີຜູ້ເສຍຊີວິິດຮ່ວມທັງໝົດ ຢ່າງໜ້ອຍ 36 ຄົນ ບາດເຈັບນັບຮ້ອຍຄົນ

ກະຊວງສາທາລະນະສຸກອີຢິບແຈ້ງວ່າ ເຫດລະເບີດຄັ້ງທຳອິດເກີດຂຶ້ນທີ່ໂບສ ຄອບຕິກໃນເມືອງທັນດາ ຫ່າງຈາກນະຄອນຫຼວງ ໄຄໂລບໍ່ເຖິງ 100 ກິໂລແມັດ ເຮັດໃຫ້ມີຜູ້ເສຍຊີວິດຢ່າງໜ້ອຍ 25 ຄົນ ແລະ ບາດເຈັບອີກ 78 ຄົນ, ສ່ວນລະເບີດລູກທີສອງເກີດຂຶ້ນໃນອີກບໍ່ເທົ່າໃດຊົ່ວໂມງຕໍ່ມາ ທີ່ໂບສຄອບຕິກ ໃນເມືອງອາເລັກຊານເຣຍ ເຮັດໃຫ້ມີຜູ້ເສຍຊີວິດ 11 ຄົນ ເຊິ່ງໃນນັ້ນມີເຈົ້າໜ້າທີ່ຕຳຫຼວດ 3 ນາຍ ແລະ ມີຜູ້ບາດເຈັບ 35 ຄົນ ໂດຍແຮງຂອງລະເບີດຍັງທຳລາຍບັນລັງປະຫວັດສາດຂອງສົມເດັດພຣະສັນຕະປາປາແຫ່ງຄອບຕິກອີກດ້ວຍ

ແຫລ່ງຂ່າວລະບຸອີກວ່າ ໃນຂະນະທີ່ເກີດເຫດທີໂບສໃນເມືອງ ອາເລັກຊານເດຣຍ ສົມເດັດພຣະສັນຕະປາປາທາວາດຣອສ ປະມຸກແຫ່ງນິຫາຍແຫ່ງຄອບຕິກ ຮວມປະກອບພິທີຢູ່ໃນວິຫານເຊນມາຣ ແຕ່ບໍ່ໄດ້ຮັບອັນຕະລາຍ

ໂດຍສຳນັກຂ່າວອາມັດ ຂອງກຸ່ມໄອເອສລາຍງານວ່າ ກຸ່ມໄອເອສເປັນຜູ້ກໍ່ເຫດໂຈມຕີໂບສໃນເມືອງທັນທາ ແລະ ອາເລັກຊານເດຣຍຂອງອີຢິບ