ເມື່ອເລີກລາຈາກຄົນຮັກ ບາງຄົນກໍເສຍໃຈ ຫຼືຄິດແກ້ແຄ້ນຄົນຮັກ, ແຕ່ຮູ້ບໍວ່ານັ້ນ ເປັນສິ່ງທີ່ບໍ່ມີປະໂຫດຍດເລີຍ ມີແຕ່ຈະສ້າງຄວາມເສຍຫາຍ ແລະເຮັດໃຫ້ເຈົ້າເສຍສຸຂະພາບນຳອີກ, ດັ່ງນັ້ນ ເມື່ອເລີກລາກັບຄົນຮັກແລ້ວ ຄວນຫັນມາອອກກຳລັງກາຍ ຫຼືອາດເປັນອາສາສະໝັກ ເພື່ອເຮັດໃຫ້ຊີວິດມີຄວາມສຸກກວ່າເກົ່າ
- ອອກກຳລັງກາຍ: ເມື່ອເຮົາໃຊ້ຄວາມຄິດກັບເລື່ອງອົກຫັກ ຈະເປັນຊ່ວງທີ່ໃຊ້ພະລັງງານຫຼາຍ, ເຈົ້າຈະຮູ້ສຶກເມື່ອຍເປັນພິເສດ, ດັ່ງນັ້ນ ການທີ່ເຮົາໃຊ້ຄວາມຄິດແກ້ແຄ້ນເລື່ອງແຟນເກົ່ານັ້ນ ຈະບໍ່ມີປະໂຫຍດ ແຕ່ຄວນຫັນມາອອກກຳລັງກາຍດີກວ່າ ເພາະນອກຈາກຈະເປັນການເມື່ອຍທີ່ບໍ່ເສຍລ້າແລ້ວ ເຈົ້າຈະໄດ້ຮ່າງກາຍທີ່ມີສຸຂະພາບດີນຳອີກ
- ເປັນອາສາສະໝັກ: ໃນຊ່ວງທີ່ອົກຫັກຢ່າມົວແຕ່່່ຮ້ອງໄຫ້ເສຍໃຈ, ເຈົ້າອາດຄິດວ່າເປັນຊ່ວງເວລາທີ່ໝົດຫວັງທີ່ສຸດ, ແຕ່ຮູ້ບໍວ່າ ຍັງມີອີກຫຼາຍຄົນທີ່ເຂົາພົບເລື່ອງທີ່ບໍ່ດີຫຼາຍກວ່າເຈົ້າ, ລອງຫັນມາເຮັດວຽກປະເພດ ເປັນອາສາສະໝັກເບິ່ງ ລອງປ່ຽນເປັນຜ້ໃຫ້ ການໃຫ້ຈະຊ່ວຍເຈົ້າມີມຸມມອງຊີວິດໃນທາງບວກຫຼາຍຂຶ້ນ
- ຂຽນຄວາມຮູ້ສຶກອອກມາ: ຫາກເຈົ້າເປັນຄົນທີ່ມັກຂີດຂຽນ ຄວນໃຊ້ຄວາມມັກນີ້ໃຫ້ເປັນປະໂຫຍດ ດ້ວຍການຂຽນອອກມາໃຫ້ໝົດເຊັ່ນ: ເລື່ອງທີ່ເຈົ້າກຳລັງຮູ້ສຶກ, ສິ່ງທີ່ກ່ຽວກັບແຟນເກົ່າ… ເຊິ່ງຫຼັງຈາກທີ່ເຈົ້າຂຽນອອກມາແລ້ວ ໃຫ້ກັບມາອ່ານຢ່າງມີສະຕິ ເຊິ່ງຈະເຮັດໃຫ້ເຈົ້າໃຈເຢັນລົງຫຼາຍ
- ຍົກເລີກການເປັນເພື່ອນກັບແຟນເກົ່າ: ຖ້າການເປັນໝູ່ກັນໃນເຟສບຸກກັບແຟນເກົ່າ ເປັນເລື່ອງທີ່ເຮັດໃຫ້ທຸກໃຈ ແລະທໍລະມານໃຈ, ດັ່ງນັ້ນ ຄວນເລືອກທີ່ຈະຍົກເລີກກັບເຂົາໄປ ຈະເຮັດໃຫ້ເຈົ້າຮູ້ສຶກດີຂຶ້ນ ເພາະບໍ່ເຫັນສິ່ງທີ່ເຂົາໂພສລົງມາໃຫ້ເຈົ້າຕ້ອງຄິດເສຍໃຈ
- ໄດ້ເວລາເຮັດງາມ: ຫຼັງຈາກທີ່ເຄິ່ງຊີວິດເຈົ້າຕ້ອງຜູກພັນກັບອີກຄົນມາເປັນເວລາດົນນານ, ເຈົ້າອາດບໍ່ຊິນເຄີຍ ແລະຄິດຄຽດແຄ້ນໄດ້ງ່າຍເມື່ອອົກຫັກ ຫລືຖືກຖິ້ມ, ເຊິ່ງເຈົ້າຄວນປ່ຽນຄວາມຄິດ ແລະໃຫ້ຄິດວ່າ ຮອດເວລາເຮັດງາມຂຶ້ນກວ່າເກົ່າ, ດ້ວຍການອອກໄປສະປາ, ເຮັດຜົມ, ເຮັດແນວໃດກໍໄດ້ບໍ່ໃຫ້ຕົນເອງຕ້ອງຈົມຢູ່ກັບອະດີດ ຫັນມາໃຫ້ເວລາກັບຕົວເອງດີກວ່າ