ໃນເວລາທີ່ແຟນຈະພາໄປເປີດຕົວກັບພໍ່ແມ່ ແລະພີ່ນ້ອງຄັ້ງທຳອິດ ບໍ່ວ່າສາວໆຈະມີປະສົບການຫຼາຍປານໃດ ກໍຕ້ອງຕື່ນເຕັ້ນເປັນເລື່ອງທຳມະດາ, ພໍ່ແມ່ເຂົາຈະຖືກໃຈເຮົາບໍ? ເຮົາຈະເຂົ້າກັບຄອບຄົວເຂົາໄດ້ບໍ? ລອງມາເບິ່ງວິທີການກຽມຕົວ 6 ຂັ້ນຕອນ ທີ່ຮັບຮອງວ່າຊ່ວຍໃຫ້ສາວໆ ກຽມຕົວໄດ້ຖືກວິທີແນ່ນອນ
- ຕ້ອງຖາມແຟນໃຫ້ລະອຽດ: ມີການວິໄຈພົບວ່າ ຄົນເຮົາຈະມັກຄົນທີ່ມີລັກສະນະນິໄສຄືກັນ, ດັ່ງນັ້ນກ່ອນຈະໄປພົບຄອບຄົວແຟນ ຕ້ອງຖາມແຟນລະອຽດກ່ອນວ່າ ຢູ່ບ້ານມັກຫຍັງ, ເປັນຄົນແນວໃດ ເຮົາຈະໄດ້ກຽມເລື່ອງທີ່ຈະລົມໄດ້ຖືກ ແຕ່ຢ່າລົມເລື່ອງສາສະໜາ ແລະເລື່ອງການເມືອງເດັດຂາດ
- ແຕ່ງຕົວໃຫ້ເໝາະສົມ: ຜູ້ໃຫຍ່ຈະມັກຜູ້ຍິງທີ່ຮຽບຮ້ອຍ ຕ້ອງນຸ່ງເຄື່ອງທີ່ສຸພາບ ບໍ່ໂປ້ຫຼາຍຈົນເກີນໄປ
- ກຽມເຄື່ອງຝາກຕິດມືໄປນຳ: ເປັນຕົ້ນແມ່ນໝາກໄມ້, ເຂົ້າໜົມ ຫຼືເຄື່ອງກິນ, ແຕ່ກໍບໍ່ເຖິງຂັ້ນເປັນສິ່ງທີ່ມີລາຄາແພງກໍໄດ້
- ມີວຽກຫຍັງຕ້ອງຊ່ວຍເຫຼືອເພິ່ນ: ເຖິງແມ່ນວ່າເຮົາຈະເປັນແຂກ ແຕ່ຖ້າມີຫຍັງທີ່ເຮົາສາມາດຊ່ວຍໄດ້ ກໍຕ້ອງຮີບເຂົ້າໄປຊ່ວຍເຫຼືອ ທ່ານຈະໄດ້ເຫັນຄວາມດຸໝັ່ນຂອງເຮົາ
- ກ່ອນກັບຕ້ອງຄອບເພິ່ນ: ສາວໆ ທີ່ໄປເຮືອນແຟນ ກ່ອນຈະກັບຕ້ອງຄອບເພີ່ນສາກ່ອນ ດ້ວຍການຍົກມືນົບທ່ານ ພຽງເທົ່ານີ້ກໍສາມາດເອົາຊະນະໃຈພໍ່ແມ່ແຟນໄດ້ແລ້ວ