ງານມະຫາກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6 ທີ່ແຂວງ ບໍລິຄຳໄຊ (1-9 ກຸມພາ 2017) ຈະໄດ້ມີການຈັດພິທີເປີດຢ່າງເປັນທາງການຂຶ້ນໃນຕອນແລງຂອງວັນທີ 1 ກຸມພາ 2017 (ມື້ນີ້) ແລະ ມີການຖ່າຍທອດສົດທາງໂທລະພາບໃຫ້ປະຊາຊົນລາວໄດ້ເບິ່ງກັນທົ່ວປະເທດ ຜ່ານທາງຊ່ອງໂທລະພາບ ສທລ 1.ສທລ 3 ແລະ ຕິດຕາມຂ່າວສານທາງວິທະຍຸກະຈ່າຍສຽງແຫ່ງຊາດ ທ່ານສາມາດເບິ່ງການຖ່າຍທອດສົດໄດ້.
ສຳລັບປີນີ້ມີໂຮງຮຽນລະດັບທະຍົມສຶກສາເຂົ້າຮ່ວມການແຂ່ງຂັນທັງໝົດ 10 ໂຮງຮຽນ ຈາກ 10 ແຂວງ ເຊິ່ງມີ: ແຂວງ ບໍລິຄຳໄຊ, ນະຄອນຫຼວງວຽງຈັນ, ຜົ້ງສາລີ, ຫົວພັນ, ບໍ່ແກ້ວ, ຫຼວງນ້ຳທາ, ຊຽງຂວາງ, ຫຼວງພະບາງ, ໄຊຍະບູລີ ແລະ ແຂວງ ວຽງຈັນ
ກີລາທີ່ໃຊ້ໃນການແຂ່ງຂັນໃນຄັ້ງນີ້ຈະມີທັງໝົດ 12 ປະເພດກີລາຄື: ແລ່ນ-ລານ, ບານເຕະ, ບານບ້ວງ, ບານສົ່ງ (ບານສົ່ງໃນຮົ່ມ ແລະ ບານສົ່ງຫາດຊາຍ), ກະຕໍ້, ດອກປີກໄກ່, ປິ່ງປ໋ອງ, ເປຕັ້ງ, ໝາກຄ່າງ, ໜ້າເກັກ, ເທຄັວນໂດ ແລະ ໝາກເສິກ.
ເຊິ່ງໃນການຈັດງານມະຫະກຳກິລານັກຮຽນມັດທະຍົມສຶກສາທົ່ວປະເທດ ຄັ້ງທີ 6 ນີ້ ທາງ ບໍລິຄຳໄຊ ໄດ້ໃຊ້ງົບປະມານເຖິງ 30 ຕື້ກວ່າກີບ. ປັດຈຸບັນທຸກຢ່າງກຽມພ້ອມເກືອບ 100%, ລາຍລະອຽດວາລະພິທີເປີດງານ ແມ່ນທ່ານສາມາດອ່ານຂໍ້ມູນທາງດ້ານລຸ່ມໄດ້.
ຕິດຕາມຂ່າວເສດຖະກິດລາວ ກົດໄລຄ໌ເລີຍ!