ຄົນທີ່ “ແມ່ນ” ກັບ ຄົນທີ່ “ຮັກ” ຕ່າງກັນແບບໃດ? ເຮີ້ຍ…! ແອັດຂໍຖອນຫາຍໃຈຍາວໆ ຖ້າເວົ້າກ່ຽວກັບສອງຄຳນີ້ ເພາະ ເປັນສອງຄຳທີ່ມີຄວາມໝາຍຄ້າຍກັນເຫຼືອເກີນ ຈົນບາງຄັ້ງຈົນເກືອບແຍກກັນບໍ່ອອກ ຈະໃຊ້ຫົວໃຈ ຫຼື ສະໝອງ ວິເຄາະ ສຳລັບສອງຄຳນີ້ດີ ແຕ່ສຳລັບຕົວຜູ້ຂຽນ ກໍ່ຄືຕົວແອັດມິນເອງ ກໍ່ມີຄຳນິຍາມ ຫລື ຄວາມໝາຍຂອງ ຄົນທີ່ “ແມ່ນ” ກັບ ຄົນທີ່ “ຮັກ” ຕ່າງກັນແບບໃດ? ກໍ່ລອງອ່ານນຳກັນເບິ່ງເນາະ ຫາກທາງແຟນເພສມີຄວາມຄິດເຫັນແນວໃດຢາກປະກອບໃສຕື່ມຂໍສາມາດສະແດງຄວາມຄິດເຫັນເພີ່ມເຕີມໄດ້
ຄົນທີ່ “ແມ່ນ”: ຄືຄົນທີ່ເຮົາຕັດສິນໃຈແລ້ວວ່າຄົນນີ້ແຫຼະແມ່ນຄົນທີ່ເຮົາຢາກເຫັນໜ້າ, ແມ່ນຄົນນີ້ແຫຼະທີ່ເຮົາຮັກ, ແມ່ນຄົນນີ້ແຫຼະທີ່ເຮົາຢາກໃຊ້ຊີວິດຮ່ວມນຳ, ຄົນນີ້ແຫຼະ “ແມ່ນ” ຄົນທີ່ເຮົາຊອກຫາ ແລະ ລໍຄອຍມາດົນນານ, ເຊື່ອວ່າທ່ານກວ່າຈະພົບຄົນທີ່ “ແມ່ນ” ທ່ານຕ້ອງເຄີຍເສຍຄົນທີ່ຮັກໄປແລ້ວຫຼາຍຄົນ ເພາະຄົນທີ່ “ແມ່ນ” ມັນຈະປູພື້ນຖານເລີ່ມມາຈາກການ “ມັກ” ກາຍເປັນ “ຮັກ” ສຸດທ້າຍກາຍເປັນ “ແມ່ນ”
ຄົນທີ່ “ຮັກ”: ຄົນທີ່ຮັກຄືຄົນທີ່ເຮົາຮັກ ແລະ ສາມາດປ່ຽນແປງຕົນເອງເພື່ອເຂົາໄດ້ ອາດຈະເປັນຄົນທີ່ໄດ້ໃຊ້ຊີວິດຮ່ວມກັບເຮົາຕະຫຼອດໄປ ຫຼື ບໍ່ກໍ່ເປັນໄປໄດ້ ເພາະເວລາທີ່ເຮົາຮັກໃຜຈັກຄົນໜຶ່ງເຮົາກໍ່ໃຊ້ແຕ່ຫົວໃຈເປັນຜູ້ຕັດສິນ ເມື່ອຕັດສິນໃຈຮັກ ແລະ ຄົບກັນແລ້ວກໍ່ຄ່ອຍສຶກສານິໃສໃຈຄໍກັນໄປ ອານາຄົດອາດຈະເລີກລາກັນກໍ່ເປັນໄປໄດ້ ເພາະເຮົາອາດຈະບໍ່ເປັນຄົນທີ່ “ແມ່ນ” ສຳລັບເຂົາ ຫຼື ເຂົາ ອາດຍັງບໍ່ເປັນຄົນທີ່ “ແມ່ນ” ສຳລັບເຮົາ ແບບປະມານວ່າ: ສາວຄົນນີ້ຂ້ອຍສົນໃຈ ແລະ ກໍ່ຮູ້ສຶກຮັກລາວຢູ່ ແຕ່ຄິດໄປຄິດມາລາວຍັງບໍ່ທັນ “ແມ່ນຄົນທີ່ຂ້ອຍຢາກໃຊ້ຊີວິດນຳ”
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!