spot_img
Homeຂ່າວຕ່າງປະເທດລັດຖະບານແຟັງລັງ ມີນະໂຍບາຍຈ່າຍເງິນໃຫ້ຜູ້ວ່າງງານເດືອນລະ 560 ເອີໂຣ ເພື່ອຫຼຸດອັດຕາວ່າງງານ

ລັດຖະບານແຟັງລັງ ມີນະໂຍບາຍຈ່າຍເງິນໃຫ້ຜູ້ວ່າງງານເດືອນລະ 560 ເອີໂຣ ເພື່ອຫຼຸດອັດຕາວ່າງງານ

Published on

ສຳນັກຂ່າວເດລີ່ເມວ ລາຍງານເມື່ອວັນທີ 3 ມັງກອນ 2017 ຜ່ານມາວ່າ ລັດຖະບານແຟັງລັງ (ຟິນແລນ) ອອກນະໂຍບາຍພັດທະນາເສດຖະກິດ ທີ່ຮັບປະກັນການມີລາຍໄດ້ຂອງປະຊາຊົນທີ່ວ່າງງານ ເຊິ່ງໄດ້ທຸ່ມງົບປະມານ ເພື່ອທົດລອງຈ່າຍເງິນສະຫວັດດີການໃຫ້ກັບຜູ້ວ່າງງານ ເຊິ່ງໄດ້ສຸ່ມເລືອກເອົາຜູ້ທີ່ວ່າງງານທົ່ວປະເທດ 2,000 ຄົນ ແລະຈ່າຍເງິນເດືອນໃຫ້ເດືອນລະ 560 ຢູໂຣ ເຊິ່ງປະຊາຊົນທີ່ໄດ້ຮັບເງິນ ບໍ່ຈຳເປັນຕ້ອງເຮັດບັນຊີລາຍຮັບລາຍຈ່າຍ ເພື່ອລາຍງານການໃຊ້ເງິນດັ່ງກ່າວ

ສຳລັບຈຸດປະສົງໃນການອອກນະໂຍບາຍດັ່ງກ່າວ ແມ່ນຍ້ອນລັດຖະບານແຟັງລັງ ຄາດວ່ານະໂຍບາຍນີ້ສາມາດຫຼຸດພາລະຂອງລັດຖະບານໄດ້ໃນອະນາຄົດ, ຫຼຸດອັດຕາຄວາມຍາກຈົນ ແລະຈະສາມາດຊ່ວຍກະຕຸ້ນການຈ້າງງານໄດ້ ເຊິ່ງໄລຍະເວລາການທົດລອງນະໂຍບາຍຢູ່ສອງປີ ມີຜົນບັງຄັບໃຊ້ແຕ່ວັນທີ 1 ມັງກອນ 2017 ເປັນຕົ້ນໄປ

ສຳລັບອັດຕາການວ່າງງານ ຂອງປະເທດແຟັງລັງ ຢູ່ທີ່ 8.1% ເຊິ່ງໃນປີຜ່ານມາມີປະຊາຊົນວ່າງງານຈຳນວນ 213,000 ຄົນ ຈາກປະຊາຊົນທັງໝົດ 5.5 ລ້ານຄົນ ແລະເປັນບັນຫາສຳຄັນ ທີ່ລັດຖະບານແຟັງລັງ ກຳລັງເລັ່ງແກ້ໄຂ

ບົດຄວາມຫຼ້າສຸດ

ຮັບຮອງແລ້ວ “ຕາແສງຊ້າງມີໄຊ” ຢູ່ທີ່ເມືອງໄຊທານີ ນວ ມີທັງໝົດ 23 ບ້ານ

ຮັບຮອງສ້າງຕັ້ງຕາແສງທຳອິດ ຂອງນະຄອນຫຼວງວຽງຈັນ ຢູ່ເມືອງໄຊທານີ ຊື່ວ່າ "ຕາແສງຊ້າງມີໄຊ" ມີ 23 ບ້ານ ໃນວາລະການດຳເນີນກອງປະຊຸມສະໄໝວິສາມັນ ເທື່ອທີ 1 ຂອງສະພາປະຊາຊົນນະຄອນຫຼວງວຽງຈັນ (ນວ) ຊຸດທີ IIໃນວັນທີ...

ໂຄສະນາເຜີຍແຜ່ຜົນຮ້າຍຂອງຢາເສບຕິດ ແລະ ປະມວນກົດໝາຍອາຍາສະບັບປັບປຸງ ປີ 2017 ວ່າດ້ວຍການກະທຳຜິດກ່ຽວກັບຢາເສບຕິດ.

ພິທີໂຄສະນາເຜີຍແຜ່ຜົນຮ້າຍຂອງຢາເສບຕິດ ແລະ ປະມວນກົດໝາຍອາຍາສະບັບປັບປຸງ ປີ 2017 ວ່າດ້ວຍການກະທຳຜິດກ່ຽວກັບຢາເສບຕິດ. ໃນວັນທີ 20 ພຶດສະພາ 2025 ທີ່ຫໍວັດທະນະທຳໄກສອນພົມວິຫານ ກອງບັນຊາການ ປກສ ແຂວງສະຫວັນນະເຂດ ໄດ້ຈັດພິທີໂຄສະນາເຜີຍແຜ່ຜົນຮ້າຍຂອງຢາເສບຕິດ...

ຜູ້ເຊົ່າແກ້ເຜັດ! ຂ້າງຫ້ອງລັກລ້ຽງໝາ ສົ່ງສຽງດັງ ມີກິ່ນ ເຈີປ່ອຍງູໃຫຍ່ກາງຫ້ອງເຊົ່າເພື່ອເອົາຄືນ

ມິຕິໃໝ່ຂອງການເອົາຄືນ! ຖ້າເຈົ້າລ້ຽງໝາ ຂ້ອຍຈະລ້ຽງງູ. ເປັນອີກໜຶ່ງເລື່ອງລາວທີ່ເປັນກະແສຢູ່ທີ່ປະເທດໄທໃນຕອນນີ້ ເມື່ອມີຜູ້ໃຊ້ບັນຊີເຟສບຸກລາຍໜຶ່ງ ອອກມາໂພສໃນວັນທີ 19 ພຶດສະພາ 2025 ຜ່ານມາ, ພ້ອມພາບ ຄົນມາປ່ອຍງູໃຫຍ່ 2 ໂຕຢູ່ທາງຍ່າງຂອງຫ້ອງເຊົ່າແຫ່ງໜຶ່ງ ເຂດຣັດຊະດາ,...

ພົບເຫັນການລັກລອບຕັດໄມ້-ເລື່ອຍໄມ້ ຢູ່ເຂດເມືອງກາສີ

ເຈົ້າໜ້າທີ່ກອງກວດກາປ່າໄມ້ ພົບເຫັນການລັກລອບຕັດໄມ້-ເລື່ອຍໄມ້ ຢູ່ເຂດເມືອງກາສີ ຈົ້າໜ້າທີ່ກອງກວດກາປ່າໄມ້ ແຂວງວຽງຈັນ ໄດ້ລົງກວດກາພົບເຫັນການລັກລອບຕັດໄມ້, ເລື່ອຍໄມ້ຢູ່ເຂດປ່າປ້ອງກັນແຫ່ງຊາດແຫຼ່ງນ້ຳເຟືອງ ແລະ ປ່າຜະລິດແຫ່ງຊາດຫ້ວຍສຽດແຕ່ບໍ່ພົບເຫັນຜູ້ກະທຳຜິດ ຈຶ່ງໄດ້ຢຶດ, ອາຍັດໄມ້ໄວ້, ປັດຈຸບັນເຈົ້າໜ້າທີ່ກອງກວດກາປ່າໄມ້ແຂວງວຽງຈັນຍັງສືບຕໍ່ສົມທົບກັບພາກສ່ວນກ່ຽວຂ້ອງ ສືບສວນ-ສອບສວນ ຊອກຫາເປົ້າໝາຍຜູ້ກະທຳຜິດມາດຳເນີນຄະດີຕາມຂະບວນການຂອງກົດໝາຍ. ອີງຕາມຂໍ້ມູນຈາກກອງກວດກາປ່າໄມ້ແຂວງວຽງຈັນໃຫ້ຮູ້ວ່າ: ໂດຍປະຕິບັດຕາມຄໍາສັ່ງ...