ເມື່ອຄວາມສຳພັນຂອງສອງຄົນທີ່ເປັນຄູ່ຮັກກັນ ການເວົ້າ ແລະການກະທຳກໍແຕກຕ່າງຈາກຄົນເປັນໝູ່ກັນ ໂດຍສະເພາະອາການຫຶງຫວງຄົນຮັກ ທີ່ບໍ່ວ່າໃຜກໍຕ້ອງເຄີຍເກີດຄວາມຮູ້ສຶກນີ້ຂຶ້ນມາ ເມື່ອມີຄົນອື່ນເຂົ້າມາກ່ຽວຂ້ອງກັບຄົນຮັກຂອງຕົນເອງ ເຊິ່ງການຫຶງຫວງຕ້ອງມີຂອບເຂດ ຢ່າຫຶງຫວງຫຼາຍເກີນໄປ. ດັ່ງນັ້ນ ຈຶ່ງມາຮູ້ວິທີຮັບມື ເມື່ອຮູ້ສຶກຫຶງຫວງຄົນຮັກຫຼາຍເກີນໄປ
- ປຶກສາ ແລະເວົ້ານຳແບບກົງໆ: ວິທີນີ້ ຈະຊ່ວຍໃຫ້ເຂົາເຂົ້າໃຈເຖິງເຈົ້າຫຶງຫວງເຂົາຍ້ອນຫຍັງ ແລະເຂົາຄວນຈັດການກັບເຫດການນີ້ແນວໃດຕໍໍ່ໄປ ແລະກໍເປັນວິທີທີ່ເຈົ້າຈະເຂົ້າໃຈເຂົາຫຼາຍຂຶ້ນ
- ບໍ່ຄວນຄິດຫຼາຍ: ອາການຫຶງຫວງຂອງຄົນເກີດຂຶ້ນຍ້ອນການຄດິຫຼາຍ ເຊິ່ງເອົາເຫດການຕ່າງໆມາຕິດຕໍ່ກັນຈົນເປັນເລື່ອງ ທັງໆທີ່ຕົວເອງຍັງບໍ່ຮູ້ຄວາມຈິງ ເຊິ່ງການຄິດຫຼາຍເປັນຄວາມຮູ້ສຶກປົກກະຕິຂອງຄົນ ແຕ່ເມື່ອເກີດຂຶ້ນກໍຄວນກຳຈັດຄວາມຄິດນັ້ນອອກໄປ ແລະມາສົນໃຈວິທີທີ່ຈະເຮັດໃຫ້ຄວາມຮັກດີຂຶ້ນດີກວ່າ
- ບໍ່ຄວນສົງໄສຄົນຮັກ: ການຫຶງຫວງເກີດຂຶ້ນຍ້ອນມີຄົນອື່ນມາໃກ້ຊິດກັບຄົນຮັກ ເຊິ່ງມັກກໍບໍ່ແມ່ນເລື່ອງແປກທີ່ເຈົ້າຈະສົງໄສ ແຕ່ວ່າເຈົ້າຄວນຈະຖາມຄົນຮັກຂອງຕົນເອງກົງໆຈະດີກວ່າ ເມື່ອເຂົາເຮັດບາງຢ່າງໃຫ້ເຈົ້າບໍ່ສະບາຍໃຈ
- ໝັ້ນໃຈໃນຕົວເອງ: ເລີ່ມຕົ້ນດ້ວຍການເວົ້າ ແລະບອກກັບຕົນເອງວ່າ ການຫຶງຫວງເປັນຄວາມຮູ້ສຶກທີ່ຄວນລົບອອກໄປ ແລະບໍ່ຄວນໃຫ້ຄວາມຮູ້ສຶກແບບນີ້ເກີດຂຶ້ນອີກ ເຊິ່ງວິທີນີ້ນອກຈາກຈະຊ່ວຍໃຫ້ເຈົ້າຮູ້ສຶກໝັ້ນໃຈໃນຕົວເອງວ່າ ເຈົ້າມີຄຸນຄ່າກັບຄວາມຮັກທີ່ເຂົາມອບໃຫ້ ແລະຍັງຊ່ວຍໃຫ້ຄວາມສຳພັນຂອງເຈົ້າມີຄວາມໝັ້ນຄົງ ແລະມີຄວາມຮັກທີຫວານຂຶ້ນອີກດ້ວຍ
- ຢຸດຄວາມຮູ້ສຶກຫຶງຫວງ: ອາການຫຶງຫວງນຳມາເຊິ່ງການກະທຳ ແລະຄຳເວົ້າອັນບໍ່ດີ ທີ່ມາຈາກຄວາມໃຈຮ້າຍ ເຊິ່ງຫຼາຍຄັ້ງກໍເກີດການຜິດຖຽງກັນ, ດັ່ງນັ້ນ ຫາກເປັນໄປໄດ້ຄວນຢຸດຄວາມຮູ້ສຶກນີ້ເອົາໄວ້ຕັ້ງແຕ່ທຳອິດ ເຊິ່ງການຫຼີກລຽງຄວາມຄິດທີ່ວ່າ ເຈົ້າເປັນເຈົ້າຂອງຄວາມຮັກ ເພາະຄົນຮັກຂອງເຈົ້າ ບໍ່ໄດ້ແມ່ນສິ່ງຂອງທີ່ເຈົ້າຈະສາມາດເກັບເອົາໄວ້ກັບຕົວເອງໄດ້ຕະຫຼອດໄປ
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!
ifram FB ເພຈທ່ຽວເມືອງລາວ Laotrips