ຮ່າງກາຍບໍ່ສະບາຍນັ້ນ ບໍ່ວ່າຈະໜ້ອຍ ຫຼືຫຼາຍ ກໍຈະສ້າງບັນຫາ ທັງຄຸນນະພາບຊີວິດ, ເວລາ, ເງິນ ຫຼືວຽກງານ ເຊິ່ງອາດເປັນສາເຫດມາຈາກພູມຕ້ານທານໃນຮ່າງກາຍຕໍ່າ ເຊິ່ງສາເຫດມາຈາກດັ່ງນີ້
- ອາຫານ: ຫາກອາຫານທີ່ເຮົາກິນນັ້ນປົນເປື້ອນສານພິດ, ມີເຊື້ອພະຍາດ ແລະຂາດການໂຄສະນາການທີ່ດີ ເຊິ່ງເປັນສາເຫດເຮັດໃຫ້ພູມຕ້ານທານເຮັດວຽກໜັກ
- ສານເຄມີເຊັ່ນ: ການເຮັດສີຜົມ, ການແຕ່ງໜ້າ, ສີດນໍ້າຫອມກິ່ນສັງເຄາະຕ່າງໆ, ທາສີເລັບ, ຄີມບຳລຸງຜິວຕ່າງໆ ທີ່ມີສ່ວນປະສົມຂອງສານເຄມີ
- ມົນລະພາວະ: ມົນລະພາວະເປັນພິດ, ຄວັນສານເຄມີຈາກໂຮງງານອຸດສາຫະກຳ, ຄວັນຈາກທໍ່ລົດ ເຊິ່ງມາທາງອາກາດທີ່ເຮົາສູດດົມໃນແຕ່ລະມື້
- ໂຮໂມນ: ໂຮໂມນບາງຊະນິດ ມີຜົນຕໍ່ລະບົບພູມຄຸ້ມກັນເຊັ່ນ Steroid ທີ່ມີລິດຢັບຢັ້ງການກິນເຊື້ອພະຍາດຂອງເມັດເລືອດຂາວຫຼຸດການອັກເສບ ແລະຫຼຸດການສ້າງແອນຕິບໍດີ ເຮັດໃຫ້ເກີດພະຍາດຕ່າງໆໄດ້ງ່າຍ
- ຜິວໜັງ: ລວມເຖິງເນື້ອເຍື່ອເມືອກທີ່ຢູ່ໃນອະໄວຍະວະຕ່າງໆ ທີ່ເຮັດໜ້າທີ່ເປັນດ່ານທຳອິດ ທີ່ຮ່າງກາຍໃຊ້ເພື່ອປ້ອງກັນເຊື້ອພະຍາດເຂົ້າສູ່ຮ່າງກາຍ, ຫາກເກີດກັບຜູ້ທີ່ເປັນພະຍາດຜິວໜັງ ຈະເກີດການຕິດເຊື້ອພະຍາດທົ່ວຮ່າງກາຍໄດ້ງ່າຍ
- ອາຍຸ: ໃນເດັກນ້ອຍ ລະບົບພູມຄຸ້ມກັນເຕີບໂຕບໍ່ເຕັມທີ່, ຜູ້ອາຍຸສູງ ລະບົບພູມຄຸ້ມກັນເສື່ອມ, ກັບໜຸ່ມສາວ ລະບົບພູມຄຸ້ມກັນເຮັດວຽກໄດ້ເຕັມທີ່
- ກຳມະພັນ: ການຕອບສະໜອງທາງລະບົບພູມຄຸ້ມກັນ ຢູ່ພາຍໃຕ້ການຄວບຄຸມຂອງຍີນ ເຊິ່ງອາດຖ່າຍທອດທາງກຳມະພັນໄດ້
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ