ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ.
ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ, ຫຼັງກ່ອນໜ້ານີ້ສຳນັກງານອຸຕຸນິຍົມວິທະຍາຍີ່ປຸ່ນ ລາຍງານວ່າ: ຄຶ້ນສຶນາມິໄດ້ພັດເຂົ້າຊາຍຝັ່ງບາງສ່ວນຂອງປະເທດ ໂດຍສະເພາະແຂວງ ຟຸກຸຊິມະ ແລະ ແຂວງອິວາເຕະ.
ຕາມການລາຍງານຈາກເຈົ້າໜ້າທີ່ຜູ້ຊ່ຽວຊານດ້ານໄພພິບັດຂອງຍີ່ປຸ່ນ ລະບຸວ່າ: ໄດ້ມີການສັງເກດການລະດັບຄຶ້ນຢ່າງຕໍ່ເນື່ອງ ເຊິ່ງກ່ອນໜ້ານີ້ບັນທຶກໄດ້ 1.3 ແມັດ ທີ່ແຂວງອິວາເຕະ ແລະ ໄດ້ມີການອົບພະຍົບປະຊາຊົນຫຼາຍພັນຄົນເພື່ອຄວາມປອດໄພ ຂະນະທີ່ສະຖານີໂທລະພາບ ເອັນເອສເຄ ລະບຸວ່າ: ໃນປັດຈຸບັນຍັງບໍ່ມີລາຍງານຄວາມເສຍຫາຍຫຍັງຮ້າຍແຮງ.
ທັງນີ້, ການເກີດຄຶ້ນສຶນາມິດັ່ງກ່າວເກີດຂຶ້ນເນື່ອງຈາກການເກີດເຫດແຜ່ນດິນໄຫວຮຸນແຮງຂະໜາດ 8.7 ຣິກເຕີ ທີ່ຣັດເຊຍ ແລະ ມີຄວາມເລີກລົງໄປໃນດິນປະມານ 19.3 ກິໂລແມັດ.