ທາງການຣັດເຊຍເປີດເຜີຍ: ຄຶ້ນສຶນາມິສູງ 3-4 ແມັດ ພັດເຂົ້າສູ່ແຄມຝັ່ງທາງຕາເວັນອອກ ຫຼັງເກີດແຜ່ນດິໄຫວລະດັບ 8.7 ຣິກເຕີ ເບື້ອງຕົ້ນບໍ່ມີລາຍງານຜູ້ເສຍຊີວິດ ແລະ ບາດເຈັບ.
ອີງຕາມສຳນັກຂ່າວຕ່າງປະເທດລາຍງານໃນວັນທີ 30 ກໍລະກົດ 2025, ທາງການຣັດເຊຍແຈ້ງວ່າໄດ້ເກີດເຫດແຜ່ນດິນໄຫວຄວາມຮຸນແຮງລະດັບ 8.7 ຣິກເຕີ ຢູ່ນອກແຄມຝັ່ງມະຫາສະມຸດຄັມຊັດກາ ເຮັດໃຫ້ສ້າງແຮງສັ່ນສະເທືອນ ແລະ ກຳລັງສ້າງຄຶ້ນສຶນາມິສູງເຖິງ 4 ແມັດ ເຮັດໃຫ້ເຈົ້າໜ້າທີ່ຕ້ອງປະກາດເຕືອນໄພ ແລະ ສັ່ງອົບພະຍົບປະຊາຊົນທີ່ອາໄສຢູ່ພຶ້ນທີ່ແຄມຝັ່ງ.
ຕາມການລາຍງານຂອງສຳນັກສຳລວດທໍລະນີວິທະຍາແຫ່ງຊາດ (USGS) ຂອງສະຫະລັດລະບຸວ່າ: ແຜ່ນດິນໄຫວຄັ້ງນີ້ມີຄວາມເລິກ 19.3 ກິໂລແມັດ ໂດຍຈຸດສູນກາງຢູ່ຫ່າງຈາກເມືອງເປໂຕປາຟລອຟ-ຄັມຊັດສະກີ ເຊິ່ງຕັ້ງຢູ່ເທິງຊາຍຝັ່ງອ່າວ ອາວາຊາເບ.
ທັງນີ້ລະບົບເຕືອນໄພສຶນາມິປາຊີຟິກຂອງສະຫະລັດ ກໍອອກຄຳເຕືອນວ່າ: ອາດຈະເກີດຄຶ້ນສຶນາມິອັນຕະລາຍ ພາຍໃນ 3 ຊົ່ວໂມງຕໍ່ໜ້າຕາມແນວຊາຍຝັ່ງບາງຈຸດຂອງຣັດເຊຍ, ຍີ່ປຸ່ນ, ອ່າວຮາວາຍສະຫະລັດ.
ແຫຼ່ງຂ່າວ: ໄທລັດ