ທ່ານຮູ້ຫຼືບໍ່? ສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີຫຍັງແດ່?
ອມພ ອາກອນມູນຄ່າເພີ່ມ ຫຼື VAT : ແມ່ນອາກອນມູນຄ່າເພີ່ມທີ່ເກັບຕາມມູນຄ່າສິນຄ້າ ຫຼື ການບໍລິການໃນປະເທດ ແລະ ການນຳເຂົ້າສິນຄ້າໂດຍຜູ້ປະກອບການ ຈະເກັບອາກອນມູນຄ່າເພີ່ມໃນອັດຕາ 10% ຈາກຜູ້ບໍລິໂພກ ເຊິ່ງຜູ້ປະກອບການຕ້ອງໄດ້ນຳເອົາຈຳນວນເງິນດັ່ງກ່າວໄປແຈ້ງມອບເຂົ້າງົບປະມານແຫ່ງລັດ ໃຫ້ຖືກຕ້ອງ, ຄົບຖ້ວນ, ຕາມລະບຽບການ.
ອາການມູນຄ່າເພີ່ມສົ້ນອອກໝາຍເຖິງ: ຈຳນວນເງິນອາກອນມູນຄ່າເພີ່ມທີ່ຄິດໄລ່ເກັບຈາກການສະໜອງສິນຄ້າ ແລະ ການບໍລິການ ເຊິ່ງຈ່າຍໂດຍຜູ້ຊື້ສິນຄ້າ ແລະ ຜູ້ຊົມໃຊ້ການບໍລິການ.
ອາການມູນຄ່າເພີ່ມສົ້ນເຂົ້າໝາຍເຖິງ: ຈຳນວນເງິນທີ່ຜູ້ມອບເງິນອາກອນມູນຄ່າເພີ່ມໄດ້ຈ່າຍ ຈາກການນຳເຂົ້າສິນຄ້າ ຫຼື ການຊື້ສິນຄ້າ ແລະ ການບໍລິການພາຍໃນປະເທດ ເພື່ອນຳເຂົ້າໃນການເຄື່ອນໄຫວທຸລະກິດ.
ໂດຍອີງຕາມກົດໝາຍວ່າດ້ວຍອາກອນມູນຄ່າເພີ່ມ ສະບັບປັບປຸງ ເລກທີ 60/ສພຊ, ລົງວັນທີ 28 ມິຖຸນາ 2024 ມາດຕາທີ 12 ກໍານົດໄວ້ວ່າສິນຄ້າສົ່ງອອກ ທີ່ໄດ້ຮັບການຍົກເວັ້ນ ອມພ (VAT) ມີດັ່ງນີ້:
1. ແຮ່ທາດດິບ ຫຼື ແຮດິບເຄິ່ງສໍາເລັດຮູບ ທີ່ສົ່ງເຂົ້າຜະລິດໃນເຂດເສດຖະກິດພິເສດ, ເຂດເສດຖະກິດ ສະເພາະ ແລະ ນອກເຂດ ເພື່ອປຸງແຕ່ງເປັນຜະລິດຕະພັນສໍາເລັດຮູບເພື່ອສົ່ງອອກໄປຕ່າງປະເທດ.
2. ການສົ່ງອອກພະລັງງານໄຟຟ້າ ເຂົ້າເຂດເສດຖະກິດພິເສດ, ເຂດເສດຖະກິດສະເພາະ ແລະ ການສົ່ງອອກໄປຕ່າງປະເທດ.
3. ການສົ່ງອອກສິນຄ້າ ຕາມທີ່ໄດ້ກຳນົດໄວ້ໃນ ຂໍ້ 2 ຂອງມາດຕານີ້.
ນອກນີ້, ກະຊວງການເງິນ ປະສານສົມທົບກັບກະຊວງອື່ນທີ່ກ່ຽວຂ້ອງກໍານົດບັນຊີລະອຽດກ່ຽວກັບ ສິນຄ້າ ແລະ ການບໍລິການທີ່ຖືກຍົກເວັ້ນ ອມພ ຕາມຂໍ້ 1, 2 ແລະ 3 ຂອງມາດຕານີ້.