spot_img
Homeຊີວິດແລະຄວາມຮັກວິທີຮັບມືກັບຜູ້ຊາຍຫຼາຍໃຈ

ວິທີຮັບມືກັບຜູ້ຊາຍຫຼາຍໃຈ

Published on

ບາງທີການມີແຟນຫຼາຍໃຈກໍເຮັດໃຫ້ເຈັບຫົວ ເພາະຕ້ອງລະແວງວ່າຈະລັກໄປແຊັດ, ໄປໂທຫາສາວໆຄົນອື່ນ, ຕ້ອງຄອຍກວດມືຖື, ກວດນັ້ນນີ້ຕະຫຼອດເວລາ ເຮັດໃຫ້ບາງທີກໍຜິດຖຽງກັນ, ຈົນເຮັດໃຫ້ແຟນຄິດວ່າເຮົາບໍ່ມີເຫດຜົນໄດ້, ມື້ນີ້ແອັດມິນ ມີວິທີຮັບມືກັບຜູ້ຊາຍຫຼາຍໃຈ ທີ່ສາວໆຄວນຮູ້ໄວ້ມາຝາກໃຫ້ຮູ້

  1. ຢ່າໂວຍວາຍ: ເຮົາຕ້ອງນິ້ງໄວ້ກ່ອນ ຢ່າປ່ອຍໃຫ້ອາລົມຄວບຄຸມໂຕເຮົາ ຫຼືປ່ອຍໃຫ້ຄວາມເສຍໃຈ ເຮັດໃຫ້ເຈົ້າຕັດສິນໃຈແບບຜິດໆ ເລື່ອງແບບນີ້ອາດເປັນຄວາມຜິດພາດໃນບາງຄັ້ງໄດ້ ເຮົາຕ້ອງເຮັດແບບບໍ່ຮູ້ເລື່ອງໄວ້ຍິ່ງເປັນການດີ
  2. ຫ້າມໃຊ້ຄວາມຮຸນແຮງເດັດຂາດ: ພະຍາຍາມເຮັດໂຕເປັນຄົນດີໄວ້, ຢ່າລຸກຂຶ້ນມາໂວຍວາຍອາລະວາດ ຫຼືທຳຮ້າຍຝ່າຍກົງກັນຂ້າມ ເພາະມັນຈະບໍ່ຊ່ວຍໃຫ້ຫຍັງດີຂຶ້ນ, ແຕ່ມັນອາດເຮັດໃຫ້ບັນຫາໃຫຍ່ຂຶ້ນກວ່າເດີມ
  3. ເຈົ້າຄືສິ່ງທີ່ດີທີ່ສຸດໃນຊີວິດ: ເຮົາຕ້ອງສະແດງໃຫ້ເຂົາເຫັນວ່າ ເຮົາເປັນຜູ້ຍິງທີ່ມີຄຸນຄ່າ ແລະເໝາະສົມທີ່ຈະເປັນພັນລະຍາ ແລະແມ່ຂອງລູກຫຼາຍທີ່ສຸດ ທີ່ໃຜໆກໍຢາກໄດ້ ຕ້ອງເຮັດດີກັບເຂົາໃຫ້ຫຼາຍ ເພື່ອພິສູດວ່າເຈົ້າຮັບເຂົາໄດ້ໃນທຸກເລື່ອງ
  4. ຢ່າລະແວງຫຼາຍ: ການນອກໃຈກັນ ເຖິງແມ່ນວ່າຈະຮ້າຍແຮງ ແຕ່ກໍບໍ່ເຖິງຂັ້ນຂ້າຄົນຕາຍ, ຖ້າຫາກຕໍ່ຈາກນັ້ນ ເຈົ້າມົວແຕ່ຈັບຜິດເຂົາ ມັນຈະເຮັດໃຫ້ເຂົາເບື່ອ ແລະລຳຄານ ແທນທີ່ຈະສຳນຶກຜິດ, ແຕ່ສະແດງໃຫ້ເຂົາຮູ້ວ່າ ເຮົາບໍ່ເວົ້າ ແຕ່ໃຫ້ເຂົາສຳນຶກຜິດເອງ
  5. ບໍ່ຄວນເວົ້າຫາອະດີດຫຼາຍເກີນໄປ: ຈື່ໄວ້ວ່າ ການເວົ້າເຖິງເລື່ອງອະດີດ ທີ່ບໍ່ດີຂອງອີກຝ່າຍ ເປັນສິ່ງທີ່ບໍ່ຄວນເຮັດ, ເພາະມັນບໍ່ມີປະໂຫຍດ ແຕ່ຈະເຮັດໃຫ້ສະຖານະການຮ້າຍແຮງກວ່າເດີມ, ຈະເຮັດໃຫ້ຜິດຖຽງກັນຂຶ້ນອີກຄັ້ງ
  6. ການໃຫ້ອະໄພ: ເຖິງແມ່ນວ່າ ການໃຫ້ອະໄພ ເປັນສິ່ງທີ່ເຮັດໄດ້ຍາກທີ່ສຸດ ແຕ່ຖ້າເຮົາເລືອກທີ່ຈະຮັກໃຜຈັກຄົນ ແລະຈະໃຫ້ຊີວິດຮັກໄປໃຫ້ຮອດຝັ່ງ ກໍຄວນຍົກໂທດໃຫ້ກັບຄົນທີ່ເຮົາຮັກ ເພາະເຂົາກໍເປັນພຽງຄົນທຳມະດາຄົນໜຶ່ງ ທີ່ຈະເຮັດຜິດໄດ້ທຸກເມື່ອ
  7. ຢ່າປະຊົດຊີວິດ: ຄວນວາງໂຕເອງໃຫ້ມີຄຸນຄ່າ, ຢ່າຄິດເຮັດປະຊົດຄົນຮັກ ດ້ວຍວິທີດຽວກັນ ເພາວິທີນີ້ ຈະເຮັດໃຫ້ເຂົາເປັນຝ່າຍເລືອກ ທີ່ຈະໄປຫາຄົນອື່ນຊໍ້າ ແທນທີ່ຈະກັບມາຫາເຮົາ
  8. ເອົາໃຈໃສ່ຕົນເອງຫຼາຍຂຶ້ນ: ຢ່າປ່ອຍເນື້ອປ່ອຍໂຕ, ຕ້ອງເຮັດໃຫ້ຕົນເອງງາມໄວ້ ເພາະເຮົາບໍ່ແມ່ນຂອງຕາຍຂອງໃຜ
  9. ຫັນໜ້າຫາກັນ: ສາເຫດຂອງການນອກໃຈ ສ່ວນໜຶ່ງມາຈາກບັນຫາລະຫວ່າງເຈົ້າ ແລະເຂົາ ເຊິ່ງເຈົ້າເອງອາດມີຂໍ້ເສຍໃນບາງສິ່ງ, ຄວນຫັນໜ້າມາເວົ້າກັນ ເພື່ອປັບຄວາມເຂົ້າໃຈກັນ, ລວມທັງມີເວລາ ແລະເອົາໃຈໃສ່ຄົນຮັກໃຫ້ຫຼາຍຂຶ້ນ
  10. ບໍ່ຄວນເອົາເລື່ອງນີ້ ໄປປະຈານກັບຄົນອື່ນ: ເພາະບັນຫານີ້ ເປັນເລື່ອງຂອງຄົນສອງຄົນ, ທາງທີ່ດີບໍ່ຄວນເອົາຄວາມຜິດຂອງເຂົາໄປເວົ້າກັບຄົນອື່ນຟັງ ເພາະຈະເຮັດໃຫ້ຄົນຮັກຂອງເຈົ້າຮູ້ສຶກເສຍໜ້າ

ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!

ifram FB ເພຈທ່ຽວເມືອງລາວ Laotrips

ບົດຄວາມຫຼ້າສຸດ

ພິທີວາງສີລາລຶກການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມແຫ່ງໃໝ່

ສະຫະລັດອາເມຣິກາ ແລະ ສປປ ລາວ ສະເຫຼີມສະຫຼອງ ພິທີວາງ ສີລາລຶກ ການກໍ່ສ້າງສໍານັກງານໃຫຍ່ ແລະ ສະຖານທີ່ຝຶກອົບຮົມ ແຫ່ງໃໝ່ຂອງພາສີລາວ ນະຄອນຫຼວງວຽງຈັນ, ສປປ ລາວ, ວັນ​ທີ...

ແກ້ງຢານາຣົກຕີນຽນ! ໃສ່ປ້າຍລົດລັດຂົນຢາບ້າກວ່າ 10 ລ້ານເມັດຜ່ານຈຸດກວດ ສຸດທ້າຍຖືກເຈົ້າໜ້າທີ່ົໄລ່ຍິງ

ໄລ່ຍິງສະນັ່ນ! ເຈົ້າໜ້າທີ່ຕຳຫຼວດໄລ່ຍິງກຸ່ມແກ້ງຄ້າຢາເສບຕິດ ໂດຍການໃສ່ປ້າຍລົດລັດ. ໃນຄັ້ງວັນທີ 10 ພຶດສະພາ 2025 ທາງເຈົ້າໜ້າທີ່ປະຈໍາຈຸດກວດການໍ້າເກິ່ງໄດ້ເຮັດວຽກກວດກາຍານພາຫະນະເປັນປົກກະຕິ, ຮອດເວລາປະມານ 11 ໂມງ 00 ນາທີ ໄດ້ມີລົດຟໍຈູນເນີ ສີປອນ...

ຕາດູຕົນ ເຫດໄຟໄໝ້ເຮືອນປະຊາຊົນ ບ້ານປຸ່ງສ້ຽວ ເມືອງສິງ ແຂວງຫຼວງນ້ຳທາ ເສຍຫາຍ 480 ລ້ານກີບ

ເຫດໄຟໄໝ້ເຮືອນປະຊາຊົນ ເສຍຫາຍ 480 ລ້ານ. ຕາມການໃຫ້ຂໍ້ມູນຂອງກອງຕຳຫຼວດຈະລາຈອນ-ມອດໄຟ ປກສ ເມືອງສິງ ແຂວງຫຼວງນ້ຳທາໃຫ້ຮູ້ວ່າ:ໃນຕອນເຊົ້າເວລາ 10 ໂມງ ວັນທີ 12 ພຶດສະພາ 2025 ໄດ້ຮັບແຈ້ງຈາກ...

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ

ຈັບຊາຍຊາວຈີນ ຫຶງໂຫດລົງມືຄາຕະກຳແຟນສາວ ຢູ່ທ່າແຂກ ແຂວງຄຳມ່ວນ ຍ້ອນຄິດວ່າແຟນສາວຈະເດີນທາງໄປຫາຜູ້ບ່າວ. ເຈົ້າໜ້າທີ່ ປກສ ເເຂວງຄໍາມ່ວນ ລາຍງານວ່າ: ວັນທີ 8 ພຶດສະພາ 2025 ເຈົ້າໜ້າທີ່ໄດ້ນໍາຕົວ ທ້າວ...