ຕົວຢ່າງທຳອິດຂອງ The Fate of the Furious (ຫຼື Fast 8) ປ່ອຍອອກມາແລ້ວ ແຟນໆ ດອມ ອາດຕ້ອງໃຈສັ້ນໆ ເພາະພາກນີ້ ດອມ ປ່ຽນໄປ ຈາກເຄີຍມີພາບທີ່ດີມາຕະຫຼອດແຕ່ພາກນີ້ຈະສະແດງດ້ານມືດອອກມາໃຫ້ເຫັນກັນ
ພາກນີ້ມີດາລາດັງເຕັມໄປດ້ວຍຄຸນນະພາບ ເຊັ່ນ: ວິນ ດິເຊລ, ດະເວນ ຈອນ, ເຈສັນ ສະເຕທແທມ,ຊາຣ໌ລິຊ ເຣຍຣອນ, ໄທຣີສ ກິ໊ບສັນ, ມິເຊລ ຣອດຣິເກຊ, ເຄິຣກ ຣັສເຊລ ແລະ ອີກຫຼາຍຄົນ ເຊິ່ງຮັບຮອງວ່າພາກນີ້ຈະມັນດຸເດືອດຄືກັບພາກທີ່ຜ່ານມາແນ່ນອນ ເຊິ່ງມີແຜນອອກສາຍໃນ ວັນທີ 12 ເມສາ 2017
ເລື່ອງຫຍໍ້ຮູບເງົາເລື່ອງ The Fate of the Furious (ຫຼື Fast 8) ຮູບແບບຂອງເລື່ອງກໍ່ຄ້າຍໆກັບຫຼາຍໆພາກທີ່ຜ່ານມາ ແຕ່ພາກນີ້ຈະແມ່ນເລື່ອງລາວຕໍ່ເນື່ອງກັບພາກທີ່ຜ່ານມາ ດອມ ກັບ ເລດຕີ້ ໄປຮະນິມູນນຳກັນ ຂະນະທີ່ໄບຣອັນ ກັບ ມິອາ ກໍ່ຖອນຕົວຈາກວົງການ ຊາວແກ໊ງທີ່ເຫຼືອກໍ່ໃຊ້ຊີວິດປົກກະຕິຫຼັງຈາກໄດ້ຮັບການອະໄພໂທດໃຫ້ພົ້ນຈາກຄວາມຜິດ ແຕ່ເມືອມີຍິງສາວລຶກລັບມາຫຼອກລວງດອມເຂົ້າສູ່ໂລກຂອງອາຊະຍາກຳ ເຂົາກໍ່ໜີໄປ ແລະ ທໍລະຍົດເພື່ອນໆເຮັດໃຫ້ທັງໝົດຕ້ອງພົບທົດສອບຢ່າງບໍ່ເຄີຍມີມາກ່ອນ ເຊິ່ງເລື່ອງລາວຈະເປັນແນວໃດນັ້ນ ແຟນໆຂອງຮູບເງົາເລື່ອງ The Fate of the Furious (ຫຼື Fast 8) ຕ້ອງອົດໃຈຕິດຕາມໃນປີໜ້າ ແຕ່ຕອນນີ້ເຮົາມາເບິ່ງຕົວຢ່າງຮູບເງົາທຳອິດທີ່ປ່ອຍອອກມາກັນດີກວ່າ.
ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!