ໜ້າເອິກຍານໃນຊ່ວງໃຫ້ນົມລູກ ຫຼືອາການຢ່ອນຍານຂອງເຕົ້ານົມຫຼັງຈາກເກີດລູກ, ເຊິ່ງໜ້າເອິກຂອງແມ່ນັ້ນ ເລີ່ມຍານລົງຕັ້ງແຕ່ຖືພາ ໂດຍເລີ່ມຍານລົງເທື່ອລະໜ້ອຍ ຂຶ້ນຢູ່ກັບຂະໜາດຂອງເຕົ້ານົມ, ປະລິມານໄຂມັນໃນໂຕ ແລະອາຍຸຂອງແມ່ອີກດ້ວຍ, ນອກຈາກນີ້ ຍັງມີປັດໄຈອື່ນໆເຊັ່ນ: ການຖືພາຫຼາຍເທື່ອ, ການສູບຢາກໍສົ່ງຜົນໃຫ້ໜ້າເອິກຍານໄດ້, ມື້ນີ້ແອັດມິນ ມີວິທີປ້ອງກັນ ບໍ່ໃຫ້ໜ້າເອິກຍານອີກຕໍ່ໄປ
- ໃສ່ເສື້ອຊ້ອນທີ່ໂອບເຕົ້ານົມ ແລະບໍລິເວນອ້ອມຮອບ: ເສື້ອຊ້ອນທີ່ຊ່ວຍໂອບເຕົ້ານົມ ຈະຊ່ວຍປ້ອງກັນການຍານໄດ້ດີທີ່ສຸດ, ແຕ່ຄວນເລືອກເສື້ອຊ້ອນທີ່ພໍດີ ບໍ່ຄວນໃຫຍ່ໂຕໃຫຍ່ ຫຼືນ້ອຍເກີນໄປ
- ຢ່າໃຫ້ນໍ້າໜັກຂຶ້ນຫຼາຍເກີນໄປ: ປົກກະຕິແມ່ຍິງທີ່ມີລູກແລ້ວ ມັກມີນໍ້າໜັກເພີ່ມຂຶ້ນຊ່ວງທ້ອງ ແຕ່ກໍຄວນລະວັງຢ່າໃຫ້ນໍ້າໜັກຂຶ້ນຫຼາຍເກີນ 15 ໂລໃນຊ່ວງຖືພາ, ແຕ່ຖ້ານໍ້າໜັກໜ້ອຍກໍຄວນເພີ່ມໃຫ້ພໍດີ
- ອອກກຳລັງກາຍສະໝໍ່າສະເໝີ: ເມື່ອທ່ານໝໍອະນຸຍາດໃຫ້ອອກກຳລັງກາຍໄດ້ ກໍຄວນອອກກຳລັງກາຍຢ່າງສະໝໍ່າສະເໝີ ແລະກວດສອບນໍ້າໜັກທີ່ເພີ່ມຂຶ້ນໃຫ້ພໍດີ
- ບຳລຸງຜິວໃຫ້ຊຸ່ມຊື່ນ: ຄວນບຳລຸງຜິວໃຫ້ຊຸ່ມຊື່ນຕະຫຼອດ, ລວມເຖິງຜິວບໍລິເວນເຕົ້ານົມ ເພາະຈະຊ່ວຍໃຫ້ເຕົ້ານົມຄືນຮູບໄດ້ໄວຂຶ້ນຫຼັງເກີດລູກ
- ຄວນຫຼຸດນໍ້າໜັກຊ້າໆ: ຫຼັງຈາກເກີດລູກ ແມ່ຍິງມັກຈະວາງແຜນຫຼຸດນໍ້າໜັກ, ແຕ່ຫຼາຍຄົນມັກຈະວາງແຜນໃຫ້ຫຼຸດນໍ້າໜັກລົງໄດ້ຫຼາຍໆ ໃນເວລາສັ້ນໆ ເຊິ່ງນັ້ນເປັນສາເຫດເຮັດໃຫ້ເຕົ້ານົມຍານລົງໄດ້
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ