ໃນຄໍລຳ ຊີວິດ ກັບ ຄວາມຮັກມື້ນີ້ແອັດມິນ ມີຄວາມເຊື່ອເລື່ອງການສວມແຫວນໃສ່ນິ້ວນາງຂ້າງຊ້າຍມາໃຫ້ອ່ານນຳກັນ ເຊິ່ງແອັດມິນໄດ້ໄປອ່ານພົບທີ່ເວັບໄຊໜຶ່ງທີ່ມີ ຊື່ວ່າ ເວັບໄຊ ສະຫຼະໂສດ ເຫັນວ່າບົດດັ່ງກ່າວມັນມີສາລະ ແລະ ກໍ່ຖືກກັບຊ່ວງໄລຍະນີ້ພໍດີ ເພາະເປັນໄລຍະທີ່ຄູ່ຮັກຫຼາຍຄູ່ຈະເຂົ້າສູ່ປະຕູວິວາ ແຕ່ສຳລັບຄົນບໍ່ມີຄູ່ກໍ່ອ່ານໄວ້ເພື່ອເປັນຄວາມໃໝ່
ຕົ້ນກຳເນີດຂອງການສວມແຫວນນິ້ວນາງຂ້າງຊ້າຍໃຫ້ຄົນຮັກແມ່ນມີມາດົນນານກວ່າ 2,800 ປີກ່ອນ ຄ.ສ ໂດຍເປັນຄວາມເຊື່ອຈາກຊາວອີຢິບເຊິ່ງພວກເຂົາມີຄວາມເຊື່ອທີ່ວ່າ ນິ້ວນາງຂ້າງຊາຍຂອງເຮົາມີເສັ້ນເລືອດທີ່ແລ່ນຕົງເຂົ້າສູ່ຫົວໃຈ ແລະ ໄດ້ຕັ້ງຊື່ເສັ້ນເລືອດດັ່ງກ່າວວ່າ “ເວລາ ອະມໍຣິ” ເຊິ່ງເປັນພາສາລາຕິນ ມີຄວາມໝາຍວ່າ: ເສັ້ນເລືອດແຫ່ງຄວາມຮັກ ຈິ່ງໄດ້ມີຄວາມຄິດໃນການສວມແຫວນນິ້ວນາງຂ້າງຊ້າຍ ເພາະເຊື່ອກັນວ່າການສວມແຫວນທີ່ນິ້ວນາງຂ້າງຊ້າຍຈະເຮັດໃຫ້ອຳນາດຂອງຄວາມຮັກແລ່ນຜ່ານເຂົ້າສູ່ຫົວໃຈຂອງຜູ້ທີ່ສວມໃສ່ແຫວນນັ້ນ
ໃນສະໃໝຍຸກກາງຂອງ ຢຸໂຣບ ຊາວຄຣິສ ທີ່ແຕ່ງງານກັນຈະສວມແຫວນຕັ້ງແຕ່ນິ້ວຊີ້, ນິ້ວກາງ ແລະ ນິ້ວນາງຂ້າງຊ້າຍ ເພື່ອລະນຶກເຖິງພຣະບິດາ, ພຣະບຸດ, ພຣະຈິດ ແຕ່ເມື່ອອຳນາດຂອງຄຣິສຕະຈັກເສື່ອມຖອຍລົງ ຄູ່ແຕ່ງງານຈິ່ງເຫຼືອພຽງການສວມແຫວນທີ່ນິ້ວນາງຂ້າງຊ້າຍນິ້ວດຽວ ເມື່ອຍຸກສະໃໝປ່ຽນໄປກໍ່ມີຄວາມເຊື່ອໃໝ່ວ່າ ນິ້ວກາງແທນຕົວຄູ່ສົມຣົດ ນິ້ວໂປ້ແທນພໍ່ແມ່ ນິ້ວຊີ້ແທນພີ່ນ້ອງ ນິ້ວກ້ອຍແທນລູກ ສຸດທ້າຍຄືນິ້ວນາງມີຄວາມໝາຍແທນຄູ່ຊີວິດ
ທີ່ມາຈາກ: http://sarasod.com/type-content/why-the-ring-finger-of-the-left/
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!