ນອກຈາກການອອກກໍາລັງກາຍຈະເປັນວິທີໜຶ່ງທີ່ຊ່ວຍເຜົາຜານໄຂມັນສ່ວນເກີນ ແລະຫຼຸດໜ້າທ້ອງໄດ້ແລ້ວ ການດື່ມເຄື່ອງດື່ມສຸຂະພາບກໍເປັນອີກໜຶ່ງວິທີງ່າຍໆທີ່ສາມາດຫຼຸດໄດ້.
- ນໍ້າທໍາມະດາ: ເປັນສິ່ງທີ່ີປະໂຫຍດຕໍ່ສຸຂະພາບຮ່າງກາຍທີ່ສຸດ ເປັນໂຕດັບຄວາມເມື່ອຍຂອງຮ່າງກາຍ ນໍ້າສະອາດດີຕໍ່ລະບົບເຜົາຜານ ແລະຊ່ວຍຮັກສາສົມດຸນຂອງແຫຼວພາຍໃນຮ່າງກາຍ ທັ້ງຍັງຊ່ວຍຫຼຸດອາການໂຕບວມທີ່ມາຈາກການບວມນໍ້າ ຄືເປັນໂຕເລືອກທີ່ງ່າຍສໍາຫຼັບການຄວບຄຸມນໍ້າໜັກ.
- ຊາຜັກຫອມລາບ: ຈະຊ່ວຍຍ່ອຍອາຫານໃນການຍ່ອຍ ແລະລະລາຍໄຂມັນ ແມ້ແຕ່ອາຫານທີ່ມີໄຂມັນສູງ ກໍສາມາດຍ່ອຍໄດ້ຢ່າງໄວ ແລະຍັງຊ່ວຍຫຼຸດອາການທ້ອງອືດ ພ້ອມເລັ່ງການຂັບຖ່າຍໄດ້ດີ.
- ຊາຂຽວ: ສາມາດຄວບຄຸມໄຂມັນໄດ້ ຈຶ່ງມີສ່ວນຊ່ວຍຫຼຸດຄວາມຕຸ້ຍ ແລະມີສານຕ້ານອະນຸມຸນອິດສະລະທີ່ມີຊື່ວ່າ ຄາເທຊິນ ທີ່ຊ່ວຍຫຼຸດໄຂມັນໜ້າທ້ອງ ພຽງດື່ມນໍ້າຊາຂຽອຸ່ນໆກ່ອນອອກກໍາລັງກາຍ ກໍຈະຊ່ວຍເພີ່ມອັດຕາເຜົາຜານໄຂມັນໄດ້.
- ນົມຖົ່ວເຫຼືອງ: ຊຶ່ງມີສານ ແລດຕິນ ທີ່ຊ່ວຍປ້ອງກັນການສະສົມໄຂມັນຂອງເຊວໃນຮ່າງກາຍ ພ້ອມຊ່ວຍລະລາຍໄຂມັນສ່ວນເກີນ ພຽງແຕ່ດື່ມນົມຖົ່ວເຫຼືອງ 3 ຄັ້ງຕໍ່ອາທິດ.
- ນໍ້າໝາກແຕງໂມ: ມີສານອາຫານຫຼາຍລວມເຖິງ ໄລໂຄປີນ ທີ່ຊ່ວຍຕ້ານມະເຮັງ ລວມເຖິງກົດອາມິໂນທີ່ມີຊື່ວ່າ ອາດຈິນີນ ແລະຕ້ອງອອກກໍາງລັງກາຍໄປພ້ອມ
- ນໍ້າໝາກນັດ: ມີສານທີ່ເອີ້ນວ່າ ໂບຣມີເລນ ຊຶ່ງຊ່ວຍຍ່ອຍໂປຣຕີນ ເຮັດໃຫ້ກາຍຍ່ອຍອາຫານງ່າຍຂຶ້ນ ຊ່ວຍຫຼຸດອາການທ້ອງອືດ ຖ້າຫາກໃສ່ນໍ້າມັນທີ່ມີໄຂມັນບໍ່ອີ່ມໂຕໂມເລກຸນດ່ຽວໃນປະລິມານທີ່ພໍເໝາະ ກໍຈະຊ່ວຍຫຼຸດຄໍເລດເຕີລອຍໃນເລືອດ ແລະປ້ອງກັນພະຍາດຫົວໃຈໄດ້.
- ນໍ້າໝັກ ແລະນໍ້າສົມ: ສານພິດມັກກໍ່ໃຫ້ເກີດການອັກເສບພາຍໃນຮ່າງກາຍ ແລະຫາກເກີດຂຶ້ນກັບລະບົບຍ່ອຍອາຫານ ທ້ອງຈະໃຄ້ບວມ ຕ້ອງຮັບມືດ້ວຍ ໂປຣໄບໂອຕິກ, ແບັກທີເຣຍ ຊຶ່ງພົບຫຼາຍຢູ່ໃນ ໂຢເກີດ, ນົມສົມ, ນໍ້າໝັກໝາກໄມ້ ຫຼືສະໝູນໄພ, ມິໂສະ ຈະຊ່ວຍຫຼຸດທ້ອງທີ່ໃຄ້ບວມໄດ້ ຍັງຊ່ວຍເພີ່ມພູມຕ້ານທານໃຫ້ກັບຮ່າງກາຍໄດ້ດີ