ບັນດາຜູ້ຊາຍຫຼາຍຄົນເມື່ອໄດ້ອ່ານຫົວບົດນີ້ແລ້ວອາດມີຄວາມຕ້ອງການຢາກຮູ້ແລ້ວວ່າ ສາວໆທັງຫຼາຍມັກຜູ້ຊາຍແບບໃດຫຼາຍທີ່ສຸດ ມັກຊາຍໜຸ່ມທີ່ມີໜວດ, ມີເຄົາ ສະໄຕລເທ້! ດິບ! ເຖື່ອນ ຫຼື ມັກຜູ້ຊາຍໜ້າກ້ຽງໆສະອາດ, ໃສໆ ແບບດາລາເກົາຫຼີ ໃນຄໍລຳ ຊີວິດ ກັບ ຄວາມຮັກມື້ນີ້ ແອັດມິນ ມີຄຳຕອບກ່ຽວກັບເລື່ອງນີ້ມາຝາກກັນ
ເມື່ອວັນທີ 30 ພະຈິກ 2016 ທີ່ຜ່ານມາ ໄດ້ມີຜົນການວິໄຈຂອງວິທະຍາໄລ ຄວິນສ໌ແລນ ທີ່ເປີດເຜີຍໃນເວັບໄຊ elitedaily ໂດຍນຳທີມໂດຍ ດຣ. ບາຣ໌ນາບີ້ ດິກສັນ ຫົວໜ້າທີມງານວິໄຈຫົວຂໍ້ດັ່ງກ່າວ
ສຳລັບຜົນການວິໄຈຄັ້ງນີ້ທາງຄະນະວິທະຍາໄລໄດ້ມີການສຳຫຼວດຄວາມຄິດເຫັນກຸ່ມຕົວຢ່າງຈາກແມ່ຍິງຈຳນວນ 8,520 ຄົນ ຜ່ານການໃຫ້ເບິ່ງຮູບຖ່າຍຂອງຜູ້ຊາຍທີ່ມີໝວດ ແລະ ຜູ້ຊາຍໜ້າກ້ຽງ ພ້ອມກັບໃຫ້ຄະແນນວ່າມັກຜູ້ຊາຍແບບໃດຫຼາຍທີ່ສຸດ ແລ້ວຜົນຈາກການສຳຫຼວດໃນຄັ້ງນີ້ກໍ່ພົບວ່າ ຜູ້ຊາຍທີ່ມີໝວດ, ມີເຄົາເບົາໆ ເເປັນຜູ້ຊາຍທີ່ມີສະເໜ່ທີ່ສຸດໃນສາຍຕາຂອງສາວໆ ຫຼາຍກວ່າຜູ້ຊາຍໜ້າກ້ຽງໆ ບັນດາສາວໆໄດ້ໃຫ້ເຫດຜົນຂອງການມັກຜູ້ຊາຍທີ່ມີໜວດມີເຄົາວ່າ ເປັນຜູ້ຊາຍທີ່ເບິ່ງແລ້ວຮູ້ສຶກເທ້, ຮູ້ສຶກອົບອຸ່ນ ແລະ ຮູ້ສຶກໝັ້ນໃຈ ຫຼາຍກວ່າຜູ້ຊາຍໜ້າກ້ຽງໆ
ເອົາເປັນວ່າເຮົາກໍ່ຮູ້ກັນແລ້ວວ່າສາວມັກຜູ້ຊາຍແບບໃດຫຼາຍທີ່ສຸດ ແຕ່ສຳລັບຜູ້ຊາບທີ່ໜ້າກ້ຽງບໍ່ມີໜວດກໍ່ບໍ່ຕ້ອງຄິດຫຍັງຫຼາຍ ເພາະມີສາວໆຈຳນວນບໍ່ໜ້ອຍທີ່ມີຄວາມນິຍົມມັກຜູ້ຊາຍໜ້າກ້ຽງຄືກັນ ນີ້ເປັນພຽງຜົນການສຳຫຼວດຂອງແມ່ຍິງບາງກຸ່ມຄົນເທົ່ານັ້ນ ແຕ່ສຳລັບເລື່ອງຄວາມຮັກຈະມີຄວາມສຸກ, ຈະມີຄວາມຮັກທີ່ຍືນຍາວມັກກໍ່ບໍ່ໄດ້ກ່ຽວກັບຮູບລັກພາຍນອກ ບໍ່ໄດ້ກ່ຽວວ່າຊາຍຄົນຮັກຈະມີໜວດ ຫຼື ບໍ່ມີ ເພາະສຸດທ້າຍແລ້ວມັກກໍ່ຂຶ້ນຢູ່ທີ່ໃຈ ແຕ່ກໍ່ປະຕິເສດຄວາມຕ້ອງການທາງຮູບລັກພາຍນອກບໍ່ໄດ້ ດັ່ງນັ້ນແອັດມິນຂໍແນະນຳເລີຍວ່າ ຈະຄົບກັບໃຜກໍ່ເອົາທີ່ສະບາຍໃຈເຮົາກໍ່ພໍ ເລື່ອງອື່ນຊ່າງມັນເນາະ!
ຂໍ້ມູນຈາກ: http://men.kapook.com/view162145.html
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!