1. ເຫື່ອເຄັມ: ປົກກະຕິແລ້ວ ຮ່າງກາຍຂອງຄົນເຮົາ ເຫື່ອຈະອອກເປັນພຽງນໍ້າໃສໆທຳມະດາ ແຕ່ຈະມີລົດຊາດທີ່ແຕກຕ່າງກັນ, ທີ່ເຫັນຕະຫຼອດແມ່ນລົດຊາດເຄັມຂອງເຫື່ອ ຈະເຮັດໃຫ້ເກີດຄາບເກືອຂຶ້ນເມື່ອນຸ່ງເຄື່ອງ ເຊິ່ງບໍ່ເປັນອັນຕະລາຍ ເພາະນັ້ນແປວ່າ ຮ່າງກາຍກຳລັງຂັບໂຊດຽມ ແລະສານອາຫານບາງຊະນິດອອກມາຕາມປົກກະຕິຂອງຮ່າງກາຍ
2. ເຫື່ອອອກຫຼາຍ: ສຳລັບຄົນທີ່ເຫື່ອອອກຫຼາຍຕະຫຼອດນັ້ນ ຢ່າຄິດວ່າເພາະຮ່າງກາຍລະບາຍຄວາມຮ້ອນໄດ້ຫຼາຍ ເພາະບາງຄັ້ງອາດເປັນຄວາມຜິດປົກກະຕິຂອງຕ່ອມເຫື່ອທີ່ເອີ້ນວ່າ ພາວະຫຼັ່ງເຫື່ອອອກຫຼາຍ ໂດຍເຫື່ອສາມາດອອກມາໄດ້ທົ່ວຮ່າງກາຍບໍ່ເວັ້ນມື ແລະຕີນ ພາວະຫຼັ່ງເຫື່ອອອກຫຼາຍແບບນີ້ຈະເກີດຂຶ້ນ ສອງ ແບບຄື:

• ເກີດຂຶ້ນໂດຍບໍ່ມີສາເຫດ: ເຫື່ອຈະອອກຫຼາຍໂດຍບໍ່ມີສາເຫດອາດເປັນເລື່ອງຜິດປົກກະຕິ ແຕ່ເຫື່ອທີ່ອອກນັ້ນກໍອາດບໍ່ໄດ້ເປັນສັນຍານຂອງສຸຂະພາບທີ່ອັນຕະລາຍ, ຍົກເວັ້ນແຕ່ວ່າ ເຫື່ອອອກຫຼາຍກັບອາການຂ້າງຄຽງ ກໍເປັນຄວາມຜິດປົກກະຕິໄດ້
• ເກີດຂຶ້ນໂດຍຮູ້ສາເຫດ: ອາການເຫື່ອອອກຫຼາຍ ທີ່ເປັນສາເຫດນັ້ນ ສ່ວນຫຼາຍມັກເກີດຈາກຄວາມຜິດປົກກະຕິຂອງລະບົບການເຮັດວຽກຂອງຮ່າງກາຍ ຫຼືພະຍາດເຊິ່ງສາມາດຮູ້ໄດ້ດັ່ງນີ້: ມະເຮັງຕ່ອມນໍ້າເຫຼືອງ, ພະຍາດເບົາຫວານ, ຕຸ້ຍ, ພະຍາດທີ່ເກີດຈາກການຕິດເຊື້ອ, ພະຍາດກ່ຽວກັບຕ່ອມໄທລອຍ, ຫົວໃຈຫຼົ້ມເຫຼວ, ຖືພາ

3.​ ເຫື່ອບໍ່ອອກ: ເມື່ອຮ່າງກາຍພົບກັບອາກາດຮ້ອນໆ ຮ່າງກາຍກໍຈະຜະລິດເຫື່ອອອກມາ ແຕ່ຖ້າເຈົ້າຢູ່ໃນອາກາດຮ້ອນ ແລ້ວເຫື່ອບໍ່ໄຫຼອອກມາ ແຖມຍັງມີອາການວິນຫົວ ເຊິ່ງເປັນສັນຍານຂອງການເປັນລົມ, ໝົດສະຕິ ເຊິ່ງເປັນອາການທີ່ອັນຕະລາຍອາດເຖິງຂັ້ນເສຍຊີວິດໄດ້

4. ເຫື່ອມີກິ່ນ: ປົກກະຕິເຫື່ອຈະບໍ່ມີກິ່ນ ແລະສີ ເຊິ່ງເປັນນໍ້າທໍາມະດາ ແຕ່ຖ້າຫາກວ່າຢູ່ດີໆເຫື່ອຂອງເຈົ້າກໍເກີດມີກິ່ນ ນັ້ນເປັນອາການວ່າເຈົ້າກຳລັງເຄັ່ງຄຽດຫຼາຍຈົນເກີນໄປ
5. ເຫື່ອອອກຍາມກາງຄືນ: ສຳລັບຜູ້ຍິງທີ່ກຳລັງຈະໝົດປະຈຳເດືອນ ບໍ່ຄວນແປກໃຈ ຖ້າຫາກເຫື່ອອອກຍາມກາງຄືນ ເພາະອາການເຫຼົ່ານີ້ ເກີດຈາກການປ່ຽນແປງຂອງລະບົບໂຮໂມນໃນຮ່າງກາຍ