6 ສິ່ງທີ່ບໍ່ຄວນເກັບໄວ້ ເພື່ອເຮັດໃຫ້ຊີວິດດີຂຶ້ນກວ່າເກົ່າ

0
1814

ຊີວິດຂອງຄົນເຮົາ ຕ້ອງການພະລັງງານດ້ານບວກ, ພະລັງງານດີ ບໍ່ວ່າຈະເປັນສະຖານທີ່ ຫຼືຊີວິດຂອງໂຕເຈົ້າເອງ ຫາກຊີວິດເຈົ້າຊ່ວງນີ້ ມີແຕ່ເລື່ອງຫຍຸ້ງຍາກ, ເຮັດຫຍັງບໍ່ສຳເລັດ ໃຫ້ລອງສັງເກດວ່າ ສິ່ງຂອງບາງຢ່າງໃນຕົວ ຫຼືຮອບຕົວ ເຈົ້າມີຫຍັງທີ່ຂັດຂວາງສິ່ງດີໆ ຫຼືບໍ່

  1. ດອກໄມ້ແຫ້ງ, ດອກໄມ້ອົບແຫ້ງ: ດອກໄມ້ແຫ້ງ, ດອກໄມ້ອົບແຫ້ງ ເຊິ່ງມັນຈະເຮັດໃຫ້ເຈົ້າຄິດເຫັນອະດີດ, ເລື່ອງເກົ່າໆ ເຮັດໃຫ້ກ້າວໄປຂ້າງໜ້າໄດ້ຍາກ, ລອງມາປ່ຽນເປັນດອກໄມ້ສົດຈະດີກວ່າ ເພາະມັນຈະເຮັດໃຫ້ເຈົ້າໄດ້ຮັບສິ່ງດີໆ ແລະຊ່ວຍຍົກລະດັບໃຫ້ດີຂຶ້ນ
  2. ເຄື່ອງເອເລັກໂຕຣນິກທີ່ເປ່ເພ: ອຸປະກອນເຄື່ອງຈັກ, ອຸປະກອນເອເລັກໂຕຣນິກຕ່າງໆ ທີ່ໃຊ້ການບໍ່ໄດ້ແລ້ວເຊັ່ນ: ໂທລະພາບ, ວິທະຍຸ, ໂທລະສັບ ແລະອື່ນໆ ຈະສົ່ງຜົນດ້ານບໍ່ດີ ກັບຄວາມສຳພັນໃນການເຮັດວຽກ ສົ່ງຜົນຮ້າຍກັບການເຮັດວຽກຂອງເຈົ້າ, ລວມເຖິງເຮັດໃຫ້ສຸຂະພາບຮ່າງກາຍມີບັນຫາອີກດ້ວຍ,
  3. ຕົ້ນໄມ້, ດອກໄມ້ທີ່ກຳລັງຈະຕາຍ: ຕົ້ນໄມ້, ດອກໄມ້ເປັນສັນຍາລັກຂອງການຈະເລີນເຕີບໂຕ ຖ້າຕົ້ນໄມ້ຂຽວງາມ ກໍຈະສ້າງຄວາມຈະເລີນຮຸ່ງເຮືອງ, ແຕ່ຖ້າຕົ້ນໄມ້ຢືນຕົ້ນຕາຍ, ແຫ່ວຕາຍກໍໃຫ້ຜົນກົງກັນຂ້າມ ເຈົ້າຈະຮູ້ສຶກເບື່ອໜ່າຍ, ຢາກນອນ, ຫາວນອນໄດ້ຕະຫຼອດເວລາ, ເຮັດໃຫ້ເຈົ້າຂີ້ຄ້ານກັບການເຮັດວຽກຕ່າງໆ, ຫາກເຈົ້າບໍ່ສາມາດຮັກສາໃຫ້ມັນກັບມາງາມຄືເກົ່າ ກໍຄວນຫຼົກມັນຖິ້ມສາ ແລ້ວຊອກຕົ້ນໃໝ່ມາປູກອີກດີກວ່າ
  4. ຢາ ແລະເຄື່ອງສຳອາງໝົດອາຍຸ: ການເກັບຢາ ແລະເຄື່ອງສຳອາງທີ່ໝົດອາຍຸ, ນອກຈາກອັນຕະລາຍຕໍ່ສຸຂະພາບແລ້ວ ຍັງສົ່ງຜົນບໍ່ດີຕໍ່ກັບຊີວິດອີກດ້ວຍ ເພາະສິ່ງເຫຼົ່ານັ້ນ ມີສິ່ງບໍ່ດີ ທີ່ຈະເຮັດໃຫ້ ຊີວິດເຈົ້າມີຄວາມຫຍຸ້ງຍາກ ແທນທີ່ຈະຜ່ອນຄາຍ
  5. ອາຫານເກົ່າໃນຕູ້ເຢັນ: ອາຫານເກົ່າທີ່ຢູ່ໃນຕູ້ເຢັນ ຈະສົ່ງຜົນກະທົບຕໍ່ເລື່ອງຄວາມຮັກ ຄວາມສຳພັນໂດຍກົງ ຈຶ່ງຄວນກວດເບິ່ງຕະຫຼອດ ແລ້ວເອົາອອກໄປຖອກຖິ້ມ, ເອົາຖ້ວຍໄປລ້າງໃຫ້ໃໝ່ດີກວ່າ, ລວມເຖິງເຄື່ອງປຸງແຕ່ງອາຫານອີກດ້ວຍ, ເພາະຖ້າກິນອາຫານທີ່ສົດໃໝ່ສະອາດ ຈະຊ່ວຍໃຫ້ເຈົ້າມີສຸຂະພາບຜິວທີ່ງາມ, ສຸຂະພາບຈິດແຈ່ມໃສ ໃຜໆກໍຢາກຢູ່ໃກ້
  6. ຮູບຖ່າຍຂອງແຟນເກົ່າ: ເພາະພາບຖ່າຍເກົ່າໆຈະເຮັດໃຫ້ ສິ່ງທີ່ບໍ່ດີທີ່ເຄີຍເກີດຂຶ້ນນັ້ນຝັງໃຈ ແລະເຮັດໃຫ້ເຈົ້າຢຶດຕິດກັບອະດີດຮັກຂອງເຈົ້າ, ເຈົ້າຈະບໍ່ສົມຫວັງກັບຄົນຮັກໃໝ່ ເພາະແນວຄິດຂອງເຈົ້າຍັງວົນວຽນກັບຄົນຮັກເກົ່າຕະຫຼອດເວລາ