spot_img
Homeຂ່າວຕ່າງປະເທດຊາວບ້ານໃນອິນເດຍ ລຸມກະທືບຜູ້ຕ້ອງສົງໄສຂ້າຂົ່ມຂືນເດັກຍິງ ເສຍຊີວິດຄາຕີນ 1 ລາຍ

ຊາວບ້ານໃນອິນເດຍ ລຸມກະທືບຜູ້ຕ້ອງສົງໄສຂ້າຂົ່ມຂືນເດັກຍິງ ເສຍຊີວິດຄາຕີນ 1 ລາຍ

Published on

6334901_2

ຊາວອິນເດຍລຸມກະທືບ 3 ຜູ້ຕ້ອງສົງໄສກໍ່ເຫດຂ້າຂົ່ມຂືນເດັກ ແລ້ວນຳໄປແຂວນຄໍ ດັບຄາຕີນ 1 ລາຍ.

 

ຕາມແຫຼ່ງຂ່າວຂອງຕ່າງປະເທດລາຍງານ ເມື່ອວັນທີ 24 ກໍລະກົດຜ່ານມາວ່າ ເກີດເຫດຊາວບ້ານລຸມ

ກະທືບກຸ່ມຄົນທຸກຍາກ ເສຍຊີວິດ 1 ລາຍ ແລະ ບາດເຈັບສາຫັດອີກ 2 ທີ່ບ້ານຄາລິບາຊາ ໃນລັດເບັງ

ກອນຕາເວັນຕົກຂອງປະເທດອິນເດຍ ຫຼັງຈາກທັງສາມຄົນ ຕົກເປັນຜູ້ຕ້ອງສົງໄສຂ້າຂົ່ມຂືນເດັກຍິງ

7 ປີ ແລ້ວນຳຮ່າງຂອງນາງໄປແຂວນໄວ້ກັບຕົ້ນໄມ້.

 

ເດັກຍິງຜູ້ເຄາະຮ້າຍດັ່ງກ່າວ ຫາຍໂຕໄປໃນຂະນະທີ່ໄປຊື້ເຄື່ອງທີ່ຮ້ານຄ້າພາຍໃນບ້ານ ຕັ້ງແຕ່ຫົວຄ່ຳ

ຂອງວັນພຸດ 23 ກໍລະກົດ ເຊິ່ງຄອບຄົວ ແລະ ຊາວບ້ານໄດ້ຊ່ວຍກັນອອກຕາມຫາ ຈົນກ່ວາມື້ເຊົ້າຕໍ່ມາ

ຈິ່ງໄດ້ພົບຮ່າງຂອງນາງ ຖືກແຂວນຄໍໄວ້ກັບຕົ້ນໄມ້ ເຊິ່ງບໍ່ໄກຈາກບ້ານພໍປານໃດ.  ຂ່າວປາກຕໍ່ປາກໄດ້

ກະຈາຍອອກໄປວ່າ ເດັກຍິງຄົນດັ່ງກ່າວຖືກຂ້າຂົ່ມຂືນ ແລ້ວນຳໄປແຂວນໄວ້ກັບຕົ້ນໄມ້ ນຳມາເຊິ່ງ

ຄວາມຄຽດແຄ້ນຂອງຊາວບ້ານ ພວກເຂົາຈິ່ງລວມໂຕກັນໄປລ້ວມເຮືອນຂອງ ທ້າວ ຣາທັນ ດາດ ນັກ

ບວດໃນນິກາຍຕັນຕຣະ ເຊິ່ງມີຄົນລະບຸວ່າ ເຫັນເຂົາຢູ່ກັບເດັກຍິງຄົນດັ່ງກ່າວໃນຕອນຫົວຄ່ຳຂອງມື້

ດຽວກັນທີ່ນາງຫາຍໂຕໄປ, ຊາວບ້ານໄດ້ຈູດໄຟເຜົາເຮືອນຂອງເຂົາ ແລ້ວລາກໂຕນັກບວດລາຍນີ້ພ້ອມ

ດ້ວຍລູກສິດອີກ 2 ຄົນ ອອກມາລຸມກະທືບຈົນໜຳໃຈ ຈາກນັ້ນຈິ່ງໄດ້ແຈ້ງເຈົ້າໜ້າທີ່ຕຳຫຼວດ, ສ່ວນ

ຜູ້ຕ້ອງສົງໄສທັງ 3 ຄົນ ໄດ້ຖືກນຳໂຕສົ່ງໂຮງໝໍ ແລະ ແພດກໍໄດ້ລະບຸວ່າ ລາຍ 1 ແມ່ນເສຍຊີວິດແລ້ວ

ສ່ວນອີກ 2 ຄົນທີ່ເຫຼືອອາການບາດເຈັບສາຫັດ.

 

ເຈົ້າໜ້າທີ່ຕຳຫຼວດລະບຸວ່າ ຍັງບໍ່ສາມາດຢືນຢັນໄດ້ວ່າ ເດັກຍິງຖືກຂ້າຂົ່ມຂືນ ກ່ອນຖືກນຳຮ່າງສົບໄປ

ແຂວນໄວ້ກັບຕົ້ນໄມ້ ຫຼື ບໍ່ ໂດຍຈະຕ້ອງລໍຖ້າຜົນຂອງການຊັນນະສູນສົບເສັຍກ່ອນ.

 

ກໍລະນີເຫດສະລົດດັ່ງກ່າວນີ້ ໄດ້ແທງໃຈດຳຂອງຊາວອິນເດຍ ຫຼັງຈາກຫາກໍເກີດເຫດຍິງສາວ 2 ເອື້ອຍ

ນ້ອງ ຖືກຂ້າຂົ່ມຂືນ ແລ້ວນຳເອົາສົບໄປແຂວນເທິງຕົ້ນໄມ້ເຊັ່ນດຽວກັນ ທີ່ລັດອຸດຕຣະປະເທດ ເມື່ອບໍ່

ດົນມານີ້ ເຊິ່ງເຫດການຄ້າຍຄືກັນດັ່ງກ່າວ ໄດ້ເກີດຂຶ້ນຊ້ຳ ຈິ່ງເຮັດໃຫ້ຊາວບ້ານຮູ້ສຶກຄຽດແຄ້ນ ຈົນນຳ

ມາເຊິ່ງເຫດການລຸມກະທືບຜູ້ຕ້ອງສົງໄສ ເຮັດໃຫ້ມີຜູ້ເສຍຊີວິດດັ່ງກ່າວ.

 

6334901_1

ບົດຄວາມຫຼ້າສຸດ

ສຕລ ປະກາດລາຍຊື່ນັກກິລາທີມຊາດລາວ ຍູ 23 ເຂົ້າຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ.

ປະກາດ 23 ລາຍຊື່ນັກກິລາທີມຊາດລາວ ຮ່ວມການແຂ່ງຂັນບານເຕະ ຊາຍຊິງແຊ້ມອາຊຽນ ຮຸ່ນອາຍຸບໍ່ເກີນ 23 ປີ ທີ່ປະເທດອິນໂດເນເຊຍ. ໃນວັນທີ 11 ກໍລະກົດ 2025 ສະຫະພັນບານເຕະແຫ່ງຊາດລາວ (ສຕລ)...

ດາວດວງໃໝ່! ສາຍແສງໃນເວທີສາກົນ ອອດສະກ້າ ນັກກິລາໜຸ່ມນ້ອຍລາວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ

ນ້ອງ ອອດສະກ້າ ອາຍຸ 11 ປີ ໜຸ່ມນ້ອຍແຄ່ງລູກເຂົ້າໜຽວ ອອກເດີນທາງຮ່ວມຝຶກຊ້ອມກັບສະໂມສອນ ຄອນເນຢາ ທີ່ປະເທດແອັດສະປາຍ. ກາຍເປັນອີກຂ່າວດີຂອງວົງການກິລາບານເຕະເຍົາວະຊົນລາວ ອີກໜຶ່ງຜົນງານໃນເວທີສາກົນ ທ້າວ ສີນໄຊ ຫຼວງບຸນເຮືອງ ຫຼື...

ເຈົ້າໜ້າທີ່ຕຳຫຼວດໄທຈັບກຸມ ໜຸ່ມຮັກສັດເລືອກທາງຜິດ ຂາຍຢາບ້າເພື່ອຫາເງິນຊື້ອາຫາານໃຫ້ໝາ-ແມວ

ໜຸ່ມໄທຮັກສັດເລືອກທາງຜິດ ຂາຍຢາບ້າເພື່ອຊື້ອາຫານມາລ້ຽງໝາ-ແມວ 30 ກວ່າໂຕ ສຳນັກຂ່າວໄທລັດລາຍງານໃນວັນທີ 9 ກໍລະກົດ 2025 ຜ່ານມາ, ເຈົ້າໜ້າທີ່ຕຳຫຼວດໄທ ຮ່ວມກັບພາກສ່ວນກ່ຽວຂ້ອງໄດ້ລົງພຶ້ນທີ່ເພື່ອແກ້ໄຂບັນຫາຢາເສບຕິດ ຕາມການລາຍງານຂອງພົນລະເມືອງດີວ່າມີກຸ່ມຄົນຄ້າຂາຍຢາເສບຕິດໃນຊຸມຊົນແຫ່ງໜຶ່ງໃນ ຈັງຫວັດ ສຣະແກ້ວ ປະເທດໄທ. ຕາມການລົງພຶ້ນທີ່ຕົວຈິງຂອງເຈົ້າໜ້າທີ່ໄທສາມາດຈັບຕົວຜູ້ຖືກຫາໄດ້ໜຶ່ງຄົນ...

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ ຢ່າງເປັນທາງການ

ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ມາຂຶ້ນກັບຄະນະໂຄສະນາອົບຮົມສູນກາງພັກ. ພິທີເຊັນບົດບັກທຶກ ມອບ-ຮັບວຽກງານສື່ມວນຊົນ (ວຽກຖະແຫລງຂ່າວ) ຈາກກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ ມາຂຶ້ນກັບຄະນະໂຄສະນາອົບຮົມສູນກາງພັກ ຈັດຂຶ້ນໃນວັນທີ 8 ກໍລະກົດ 2025,...