spot_img
Homeຂ່າວ​ໄອ​ທີSamsung Galaxy S7 ລະເບີດໃສ່ມືຊາຍຄົນໜຶ່ງໃນຂະນະຂັບລົດ ເຮັດໃຫ້ລາວໄດ້ຮັບບາດໄຟໄໝ້ລະດັບ 2 ແລະ 3

Samsung Galaxy S7 ລະເບີດໃສ່ມືຊາຍຄົນໜຶ່ງໃນຂະນະຂັບລົດ ເຮັດໃຫ້ລາວໄດ້ຮັບບາດໄຟໄໝ້ລະດັບ 2 ແລະ 3

Published on

ເຫດເກີດຂຶ້ນເມື່ອ Amarjit Mann ຊາຍຊາວແຄນາດາ ອາຍຸ 34 ປີ ພວມກຳລັງຂັບລົດໃນວັນອາທິດທີ່ຜ່ານມາ, ແຕ່ສຸດທ້າຍກໍຈົບລົງດ້ວຍການໄດ້ຮັບບາດໄຟໄໝ້ລະດັບ 2 ແລະ 3 ຫຼັງຈາກທີ່ໂທລະສັບ Samsung Galaxy S7 ຂອງລາວລະເບີດ. ເຊິ່ງລາວໄດ້ເລົ່າວ່າ: ລາວຮູ້ສຶກອຸ່ນໆທີ່ຂາ ແລະກໍໄດ້ຈົກເອົາໂທລະສັບຢູ່ຖົງໂສ້ງອອກມາແລະມັນກໍລະເບີດທັນທີໃນມືຂອງລາວ (ລາວເອີ້ນ Galaxy S7 ວ່າ: “ລະເບີດພົກຕິດໂຕ”).

ໃນຊ່ວງເວລາທີ່ໂທລະສັບລະເບີດນັ້ນລາວເປີດປະຕູແວ່ນລົດອອກ ແລ້ວພະຍາຍາມທີ່ຈະເອົາໂທລະສັບເຈົ້າບັນຫາອອກຈາກລົດ (ລາວບອກພ້ອມວ່າໃນຊ່ວງໜຶ່ງໂທລະສັບຕິດຢູ່ໃນມືຂອງລາວ). ເມື່ອບໍ່ມີໂທລະສັບໂທຫາຄົນມາຊ່ອຍ, ລາວກໍໄດ້ພະຍາຍາມຂັບລົດໄປທີ່ບ້ານໝູ່ ເພື່ອໃຫ້ໝູ່ພາໄປໂຮງໝໍໃນເວລາຕໍ່ມາ.

ສຳລັບໂທລະສັບທີ່ລະເບີດນີ້ແມ່ນຊື້ມາໃຊ້ໄດ້ປະມານ 6 ເດືອນແລ້ວ ໃນລາຄາປະມານ 1,000 ໂດລາ. ເຊິ່ງຜູ້ໃຫ້ບໍລິການຂອງ Amarjit Mann ບອກກັບລາວວ່າໃຫ້ຕິດຕໍ່ໄປທີ່ Samsung ໂດຍກົງ, ເຊິ່ງລາວກໍກຳລັງວາງແຜນທີ່ຈະຍື່ນຟ້ອງ Samsung ໃນຂໍ້ຫາທີ່ໂທລະສັບລະເບີດແລະເຮັດໃຫ້ລາວໄດ້ຮັບບາດເຈັບ. ນອກຈາກນີ້, ທ່ານໝໍບອກວ່າຈະໃຊ້ເວລາຮັກສາບາດທີ່ໄດ້ຮັບປະມານ 8-9 ມື້. 

ປິດທ້າຍດ້ວຍຄຳເວົ້າຂອງ Amarjit Mann ທີ່ເວົ້າກ່ຽວກັບ Samsung Galaxy S7 ທີ່ລະເບີດ

“ຂ້ອຍເອົາມັນອອກມາ ແລະມັນກໍລະເບີດໃສ່ມືຂອງຂ້ອຍທັນທີ. ເມື່ອເຈົ້າເຫັນຄວັນ, ຂ້ອຍເກີດອາການຊ໋ອກ. ເຈົ້າບໍ່ສາມາດຄາດການສິ່ງນີ້ໄດ້. ມັນເປັນຄືກັບຝັນຮ້າຍ.”

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: phonearena

ບົດຄວາມຫຼ້າສຸດ

ກິນສົ້ມໝູດິບ ອັນຕະລາຍທີ່ສຸດສຳລັບຄົນຖືພາ ອາດຈະເຮັດໃຫ້ລູກໃນທ້ອງບໍ່ສົມບູນ

ຂອງມັກໃຜ? ດັ່ງທີ່ເຮົາຮູ້, ຊີ້ນໝູສົດບໍ່ສາມາດກິນດິບໄດ້ ແຕ່ກໍຍັງມີອາຫານບາງຊະນິດທີ່ນໍາຊີ້ນໝູສົດໄປແປຮູບເປັນອາຫານ ເຊັ່ນ: ສົ້ມໝູ ໂດຍຄົນບາງກຸ່ມ ກໍຍັງມີວິທີການກິນໂດຍບໍ່ໄດ້ຜ່ານການປຸງສຸກ. ສົ້ມໝູແມ່ນອາຫານທີ່ເຮັດຈາກຊີ້ນໝູສົດທີ່ຜ່ານການໝັກດ້ວຍເຂົ້າ, ກະທຽມ ແລະ ເກືອ ເຮັດໃຫ້ມີລົດຊາດສົ້ມ ເຮັດໃຫ້ເກີດຈາກສານເເລັກຕິກ...

ພ້ອມໃຫ້ບໍລິການ 40 ຈຸດທົ່ວປະເທດ! ສະຖານີສາກລົດໄຟຟ້າ BlueDot ຈາກບໍລິສັດ ລາວທານີ ທີ່ມາພ້ອມກັບມາດຕະຖານ ແລະ ຄວາມປອດໄພຂັ້ນສູງ

ສະຖານີສາກລົດໄຟຟ້າ BlueDot ຈາກບໍລິສັດລາວທານີ ທີ່ມາພ້ອມກັບມາດຕະຖານ ແລະ ມີຈຸດສາກລົດຫຼາຍກວ່າ 40 ຈຸດທົ່ວປະເທດ. ໃນຍຸກປັດຈຸບັນ, ການເດີນທາງດ້ວຍລົດຍົນໄຟຟ້າກໍາລັງໄດ້ຮັບຄວາມນິຍົມຫຼາຍຂຶ້ນເລື້ອຍໆ ໃນ ສປປ ລາວ ດັ່ງນັ້ນ, “ສະຖານີສາກລົດໄຟຟ້າ”...

ລາວ-ກູບາ ສືບຕໍ່ຮັດແໜ້ນສາຍພົວພັນ ແລະ ການຮ່ວມມືສອງຝ່າຍ

ລາວ-ກູບາ ພົບປະສອງຝ່າຍຢ່າງເປັນທາງການ ເພື່ອຕີລາຄາ, ຖອດຖອນບົດຮຽນ, ປຶກສາຫາລືດ້ານຍຸດທະສາດ ແລະ ກໍານົດທິດທາງການຮ່ວມມື ໃຫ້ກ້າວເຂົ້າສູ່ລວງເລິກ ເພື່ອຜົນປະໂຫຍດລວມຂອງປະຊາຊົນສອງຊາດ. ໂດຍຕອບສະໜອງຕາມຄໍາເຊີນຂອງ ສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ,...

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...