spot_img
Homeອຸບັດເຫດແລະປາກົດການຫຍໍ້ທໍ້ໄຂປິດສະໜາຊາກສົບຄົນຮ້າຍ ຕາຍກ່ອນຕຳຫຼວດຖືກຍີງ?

ໄຂປິດສະໜາຊາກສົບຄົນຮ້າຍ ຕາຍກ່ອນຕຳຫຼວດຖືກຍີງ?

Published on

ຈາກເຫດການຄົນຮ້າຍຍິງປະຊາຊົນ ທີ່ບ້ານໂພນມ່ວງ ເມືອງເຊໂປນ ແຂວງສະຫວັນນະເຂດ, ຕໍ່ມາຕຳຫຼວດຖືກຍິງເສຍຊີວິດ ແລະຫຼ້າສຸດພົບສົບຜູ້ເສຍຊີວິດ 1 ຄົນ ພາຍໃນເຮືອນທີ່ຄາດວ່າຄົນຮ້າຍລີ້ຢູ່ ເຊິ່ງຊັນນະສູດຂອງເຈົ້າໜ້າທີ່ ທັງໄດ້ຮັບການຢືນຢັນຈາກຜູ້ເປັນເມຍວ່າ ຊາກສົບດັ່ງກ່າວນັ້ນ ເປັນຊາກສົບທ້າວ ສົມພອນ ຫຼືຕາກ ຄົນຮ້າຍທີ່ກໍ່ເຫດຍີງປະຊາຊົນ ແລະຕຳຫຼວດລ່າໂຕ.

ພາຍຫຼັງຂ່າວການພົບຊາກສົບຄົນຮ້າຍ ເຮັດໃຫ້ຜູ້ອ່ານຂ່າວຕັ້ງຂໍສົງໄສວ່າ ເປັນຫຍັງສະພາບຊາກສົບມີການເນົ່າເປື່ອຍ ຄ້າຍຄືວ່າເສຍຊີວິດມາຫຼາຍມື້ແລ້ວ ທັ້ງໆທີ່ເຈົ້າໜ້າທີ່ຕຳຫຼວດຫາກໍຖືກຍີງເມື່ອວັນທີ 9 ພະຈິກ 2016 ທີ່ຜ່ານມານີ້ເອງ ເປັນໄປໄດ້ບໍວ່າຊາກສົບດັ່ງກ່າວແມ່ນເສຍຊີວິດກ່ອນທີ່ເຈົ້າໜ້າທີ່ຕຳຫຼວດຖືກຍີງ ແລ້ວຄຳຖາມກໍຄືວ່າ: ຖ້າຊາກສົບເປັນຊາກຂອງຄົນຮ້າຍແທ້ ແມ່ນໃຜເປັນຄົນຍີງຕຳຫຼວດ?.

ດັ່ງນັ້ນ, ທີມຂ່າວລາວໂພສພວກເຮົາ ຈຶ່ງໄດ້ພະຍາຍາມຊອກຫາຂໍ້ມູນມາສະເຫຼີຍຕາມລຳດັບເຫດການດັ່ງນີ້:

ສືບເນື່ອງຈາກ ວັນທີ 2 ພະຈິກ 2016 ເວລາປະມານ 7:15 ນາທີ ຢູ່ທີ່ບ້ານໂພນມ່ວງ ເມືອງເຊໂປນ ແຂວງສະຫວັນນະເຂດ ໄດ້ເກີດເຫດມີຜູ້ກໍ່ເຫດ ໃຊ້ປືນຍິງປະຊາຊົນພາຍໃນບ້ານຂອງຕົນ ໄດ້ຮັບບາດເຈັບສາຫັດ 3 ຄົນ ໃນນັ້ນເປັນຍິງ 1 ຄົນ. ເຫດການດັ່ງກ່າວໄດ້ສ້າງຄວາມຕື່ນຕົກໃຈໃຫ້ແກ່ປະຊາຊົນພາຍໃນບ້ານຢ່າງແຮງ ປະຊາຊົນບໍ່ກ້າອອກຈາກເຮືອນຕະຫຼອດຄືນ.

ວັນທີ 9 ພະຈິກ 2016 ມີປະຊາຊົນແຈ້ງໄປຍັງເຈົ້າໜ້າທີ່ວ່າ ມີກິ່ນເໝັນອອກຈາກເຮືອນຮ້າງຫຼັງໜຶ່ງ ເຈົ້າໜ້າທີ່ຈຶ່ງໄດ້ເຂົ້າໄປກວດສອບໃນສະຖານທີ່ເກີດເຫດ ແຕ່ພໍເປີດປະຕູເຂົ້າໄປກໍມີສຽງປືນດັງຂຶ້ນ ສົ່ງຜົນໃຫ້ຕຳຫຼວດທີ່ເປີດປະຕູຖືກລູກປືນຈົນເສຍຊີວິດ. ດັ່ງນັ້ນ, ເຈົ້າໜ້າທີ່ສ່ວນໜຶ່ງຈຶ່ງໄດ້ສຸມປືນເຂົ້າໄປໃສ່ ເພາະເຂົ້າໃຈວ່າຄົນຮ້າຍຢູ່ໃນເຮືອນຮ້າງນັ້ນຍິງຕຳຫຼວດ ພ້ອມທັງຕ້ອງການກູ້ເອົາຕຳຫຼວດທີ່ຖືກຍີງອອກຈາກສະຖານທີ່ດັ່ງກ່າວ.

ຕອນເຊົ້າ ວັນທີ 10 ພະຈິກ 2016 ເຈົ້າໜ້າທີ່ໄດ້ລົງກວດສອບສະຖານທີ່ດັ່ງກ່າວອີກເທື່ອໜຶ່ງ ຈຶ່ງໄດ້ພົບເຫັນຊາກສົບຄົນຕາຍ 1 ຄົນດ້ວຍການຜູກຄໍຕາຍ ສະພາບຂຶ້ນອືດ ມີສີດຳ ແລະສົ່ງກິ່ນເໝັນຢ່າງແຮງ ຄ້າຍຄືກັບວ່າເປັນຊາກທີ່ເສຍຊີວິດມາໄດ້ຫຼາຍມື້ແລ້ວ ເບື້ອງຕົ້ນຄາດວ່າເປັນຜູ້ໂຊກຮ້າຍອີກທີ່ຖືກຄົນຮ້າຍຂ້າ ແຕ່ເມື່ອຜ່ານການພິສູດແລະໄດ້ຮັບຄຳຢືນຢັນຈາກພັນລະຍາຂອງຜູ້ຕາຍດັ່ງກ່າວ ຢືນຢັນວ່າເປັນຜົວຂອງຕົນເອງ ຊື່ ທ້າວ ສົມພອນ ຫຼື ຕາກ (ຄົນຮ້າຍທີ່ຕຳຫຼວດຕ້ອງການໂຕ). ຄຳຖາມຈຶ່ງເກີດຂຶ້ນວ່າ ແລ້ວຕຳຫຼວດທີ່ຖືກຍີງເດ ແມ່ນໃຜເປັນຄົນຍີງ?.

ຕໍ່ຄຳຖາມດັ່ງກ່າວ ເຈົ້າໜ້າທີ່ຕຳຫຼວດໄດ້ແຈ້ງຕໍ່ທີມຂ່າວພວກເຮົາ ເມື່ອວັນທີ 12 ພະຈິກ 2016 ນີ້ວ່າ ເປັນໄປໄດ້ວ່າ ພາຍຫຼັງທີ່ທ້າວ ຕາກ ກໍ່ເຫດຍີງປະຊາຊົນເມື່ອວັນທີ 2 ພະຈິກ ແລ້ວ ຜູ້ກ່ຽວໄດ້ເຂົ້າໄປລີ້ຢູ່ໃນເຮືອນຮ້າງດັ່ງກ່າວ ແລະຜູ້ກ່ຽວໄດ້ຫ້າງປືນໃສ່ປະຕູ ດ້ວຍສາຍໄມໂຄຣໂຟນ ມັດໃສ່ກັບຕູ້ແລະປະຕູທາງເຂົ້າ ຈາກນັ້ນກໍໄດ້ຜູກຄໍຕົນເອງຕາຍຢູ່ໃນເຮືອນດັ່ງກ່າວ ຕໍ່ມາວັນທີ 9 ພະຈິກ ເມື່ອຕຳຫຼວດເປີດປະຕູຈຶ່ງຖືກປືນທີ່ທ້າວ ຕາກ ຫ້າງໄວ້ລັ່ນໃສ່. ສຳລັບປືນແມ່ນຄ້າຍຄື CKC ແຕ່ເປັນປືນທີ່ດັດແປງມາ. ສ່ວນການບາດເຈັບຂອງຕຳຫຼວດທ່ານອື່ນ ແມ່ນຖືກດິນຈີ່ຕົກໃສ່ຕອນທີ່ເຂົ້າໄປເອົາສົບຕຳຫຼວດທີ່ຖືືກຍີງ ແລະສ່ວນລາຍງານທີ່ວ່າຄົນຮ້າຍແກວ່ງລະເບີດອອກມາໃສ່ຕຳຫຼວດນັ້ນ ອາດຈະເປັນໝາກຝາ (ລະເບີດສຳລັບໃຊ້ໃນການລະເບີດຫິນ) ທີ່ຜູ້ຢູ່ນອກແກວ່ງເຂົ້າໃສ່ຄົນຮ້າຍ ເພື່ອຂົ່ມຂວັນຄົນຮ້າຍ.

ຫຼ້າສຸດວັນທີ 11 ພະຈິກ 2016 ເຈົ້າເມືອງ ເມືອງເຊໂປນໄດ້ອອກແຈ້ງການວ່າ ຄົນຮ້າຍໄດ້ເສຍຊີວິດແລ້ວດ້ວຍການຜູກຄໍໂຕເອງຕາຍ ໂດຍການຢືນຢັນຈາກເມຍຂອງຜູ້ກ່ຽວ ວ່າຜູ້ເສຍຊີວິດນັ້ນເປັນຜົວຂອງຕົນແທ້.
253

ແນວໃດກໍຕາມ, ປັດຈຸບັນສຳນວນຄະດີ ຍັງຢູ່ໃນຂັ້ນສືບສວນສອບສວນ ແລະຍັງບໍ່ທັນໄດ້ສະຫຼຸບລາຍງານຢ່າງເປັນທາງການເທື່ອ.

 

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...