ກະຊວງການຕ່າງປະເທດ ເຊື່ອມຊືມ ເຜີຍແຜ່ຜົນສເລັດກອງປະຊຸມກມະບານລາວ
ວັນທີ 3 ພະຈິກ 2016 ຜ່ານມາທີ່ນະຄອນຫຼວງວຽງຈັນ ສະຫະພັນກຳມະບານກະຊວງການຕ່າງ ປະເທດໄດ້ຈັດກອງປະຊຸມເຜີຍແຜ່ ຜົນສໍາເລັດກອງປະຊຸມເປີດກວ້າງ
ຄົບຄະນະບໍລິຫານງານສູນກາງ ສະຫະພັນກຳມະບານລາວ ທົ່ວ ປະເທດຄັ້ງທີ II ສະໄໝທີ VII ເຊິ່ງໄດ້ຈັດຂຶ້ນໃນວັນທີ 29 – 30 ກັນຍາ 2016 ທີ່ນະຄອນຫຼວງ ວຽງຈັນຜ່ານມາ ເຜີຍແຜ່ໂດຍ ທ່ານ ຄຳອິນ ຄິດຈະເດດ ປະທານ ກຳມະບານ,ກະຊວງການຕ່າງປະ ເທດ, ຊຶ່ງມີສະມາຊິກກໍາມະບານ ພາຍໃນກະຊວງ ຈຳນວນ 302 ສະຫາຍ, ຍິງ 80 ສະຫາຍເຂົ້າ ຮ່ວມຟັງ
ຈຸດປະສົງໃນການເຜີຍແຜ່ຄັ້ງ ນີ້ກໍເພື່ອເຮັດໃຫ້ສະມາຊິກກໍາມະບານກະຊວງການຕ່າງປະເທດໄດ້ ຮັບຮູ້ເຂົ້າໃຈ ແລະເຊື່ອມຊຶມເນື້ອໃນຈິດໃຈຂອງກອງປະຊຸມດັ່ງກ່າວໃຫ້ຊາບທົ່ວ ເຖິງກັນພ້ອມກັນຜັນ ຂະຫຍາຍມະຕິຂອງກອງປະຊຸມໃຫ້ປາກົດຜົນເປັນຈິງ, ໂດຍສະ ເພາະແມ່ນການຜັນຂະຫຍາຍເນື້ອ ໃນຂໍ້ແຂ່ງຂັນ 5 ເປັນເຈົ້າຂອງ ສະຫະພັນກຳມະບານລາວວາງ ອອກ, ກອງປະຊຸມໄດ້ຮັບຟັງບາງ ເອກະສານທີ່ສຳຄັນຄື: ບົດສະຫຼຸບການຈັດຕັ້ງປະຕິບັດມະຕິກອງປະ ຊຸມໃຫຍ່ຜູ້ແທນສະຫະພັນກຳມະ ບານລາວທົ່ວປະເທດສະໄໝທີ VII ແລະທິດທາງແຜນການເຄື່ອນໄຫວ ວຽກງານຂອງສະຫະພັນກໍາມະ ບານປີ 2017 ແຜນຍຸດທະສາດ ພັດທະນາວຽກງານກຳມະບານ ລາວ 5 ປີ ຄັ້ງທີ 3 ປີ 2016 -2020 ແຜນຍຸດທະສາດພັດທະນາວຽກງານກຳມະບານລາວ 10 ປີ 2016 – 2025 ແລະວິໄສທັດ ຮອດປີ 2030 ການຈັດຕັ້ງປະຕິ ບັດເນື້ອໃນຂໍ້ແຂ່ງຂັນ 5 ເປັນ ເຈົ້າຂອງສະຫະພັນກໍາມະບານ ລາວວາງອອກ, ບາງບົດໂອ້ລົມ ທີ່ສຳຄັນຂອງທ່ານ ໄຊສົມພອນ ພົມວິຫານ ກົມການເມືອງສູນ ກາງພັກ, ປະທານສູນກາງແນວ ລາວສ້າງຊາດ ແລະເອກະສານ ອື່ນໆ ທີ່ກອງປະຊຸມຄົບຄະນະໄດ້ ນຳມາປຶກສາ ແລະພິຈາລະນາຮັບຮອງ.
ຕອນທ້າຍ ທ່ານ ຄຳອິນຄິດ ຈະເດດ ຍັງໄດ້ເນັ້ນເຖິງບົດບາດຄວາມສໍາຄັນຂອງກຳມະບານລາວ ພາຍໃຕ້ການນຳພາຂອງພັກ ໄດ້ປະກອບສ່ວນພາລະກິດຂອງຕົນເຂົ້າໃນການຕໍ່ສູ້ກູ້ຊາດ, ເຕົ້າໂຮມກຳລັງປະຕິວັດນຳພາຊົນຊັ້ນກຳມະກອນຕໍ່ສູ້ຍາດເອົາເອກະລາດ, ເສລີພາບ ແລະສັນຕິສຸກມາສູ່ປວງ ຊົນລາວທັງຊາດ. ໃນປະຈຸບັນກຳມະບານລາວກໍຄືຊາວຜູ້ອອກແຮງງານລາວ ກໍໄດ້ເປັນເຈົ້າການໃນ ການປົກປັກຮັກສາ ແລະພັດທະນາ ເສດຖະກິດ-ສັງຄົມຢ່າງຕັ້ງໜ້າ, ຮຽກຮ້ອງໃຫ້ສະມາຊິກກຳມະບານ
ນຳເອົາເນື້ອໃນຈິດໃຈຂອງກອງປະຊຸມ ໂດຍສະເພາະແມ່ນຂໍ້ແຂ່ງຂັນ 5 ເປັນເຈົ້າໄປຜັນຂະຫຍາຍໃຫ້ປາ ກົດຜົນເປັນຈິງ, ເຊີດຊູຄວາມເປັນ ເຈົ້າການໃນການປະຕິບັດໜ້າທີ່ວຽກງານວິຊາສະເພາະແນວທາງ ການຕ່າງປະເທດຂອງພັກ ແລະລັດຖະບານ, ປົກປັກຮັກສາ ແລະ ກໍ່ສ້າງປະເທດຊາດໃຫ້ມີຄວາມຈະເລີນກ້າວໜ້າ ແລະວັດທະນາ ຖາວອນ ເພື່ອນຳເອົາຄວາມສົມ ບູນພູນສຸກມາໃຫ້ປະຊາຊົນລາວ ບັນດາເຜົ່າໃນຕໍ່ໜ້າຢ່າງແທ້ຈິງ.