ຄໍລາເຈນ ແມ່ນໂປຣຕີນເມຕຣິກນອກເຊວ ທີ່ບໍ່ສາມາດລະລາຍໃນນໍ້າໄດ້ ເຮັດໜ້າທີ່ຄ້າຍໆກາວ ທີ່ຢືດເກາະເຊວຜິວໜັງ ແລະກ້າມເນື້ອໃຫ້ແໜ້ນເຕັ່ງຕຶງ ແລະ 80% ຂອງເຊວຜິວໜັງໃນຮ່າງກາຍ ກໍຈະມີຄໍລາເຈນເປັນສ່ວນປະກອບ, ຖ້າຫາກເຮົາຫາກຂາດຄໍລາເຈນ ຈະເຮັດໃຫ້ຜິວເຮົາແຫ່ວແຫ້ງ, ດຳຄໍ້າ, ຜິວບໍ່ສົດໃສ
- ຖົ່ວເຫຼືອງ: ຜະລິດຕະພັນຈາກຖົ່ວເຫຼືອງຫຼາຍຊະນິດ ມີສານຕ້ານອະນຸມູນອິດສະລະ ທີ່ມີສ່ວນຊ່ວຍເສີມສ້າງຄໍລາເຈນ ໃຫ້ຜິວພັນເຕັ່ງຕຶງ ແລະຫຼຸດຮອຍຕີນຕາເທິງໃບໜ້າໄດ້ອີກ
- ຜັກໃບຂຽວ: ຜັກໃບຂຽວທຸກຊະນິດເຊັ່ນ: ຜັກກາດນາ, ຜັກສະລັດ, ຜັກຫົມ ແລະຜັກອື່ນໆອີກ ຈະມີສ່ວນໍຊ່ວຍຜະລິດຄໍລາເຈນໄດ້ຢ່າງດີ ແລະຕ້ານອະນຸມູນອິດສະຫຼະ
- ໝາກເລັ່ນ, ໝາກແຄລັອດ: ໄດ້ແກ່ ຈະມີໄລໂຄປີນສູງ ເຊິ່ງຈະຊ່ວຍກະຕຸ້ນການສ້າງຄໍລາເຈນໄດ້ດີທີ່ສຸດ ແລະຍັງຕ້ານອະນຸມູນອິດສະລະທີ່ເຮັດໃຫ້ຜິວແຫ່ວແຫ້ງຂອງເຊວຜິວໄດ້ດີ
- ວິຕາມິນຊີ: ບໍ່ວ່າຈະຢູ່ໃນໝາກກ້ຽງ, ໝາກນາວ, ໝາກສີດາ, ສະຕໍເບີລີ່ ແມ່ນມີວິຕາມິນຊີສູງ, ມີຄຸນປະໂຫຍດດີ ທີ່ຊ່ວຍກະຕຸ້ນຜະລິດຄໍລາເຈນ ແລະເຮັດໃຫ້ເຊວຜິວແຂງແຮງ
- ກົດໄຂມັນໂອເມກ້າ: ເພາະໂອເມກ້າເປັນແຫຼ່ງທີ່ສຳຄັນໃນການສ້າງຄໍລາເຈນຈາກທຳມະຊາດ, ເຮັດໃຫ້ເຊວຜິວແຂງແຮງ ບໍ່ຖືກທຳລາຍໂດຍງ່າຍ, ໂດຍສະເພາະໂອເມກ້າທີ່ຢູ່ນຳ ປາ, ອະໂວກາໂດ, ແກ່ນໝາກມ່ວງຫິມະພານ
- ໝາກແຕງກວາ: ແມ່ນຈະມີສານຊ່ວຍໃນການສ້າງຄໍລາເຈນ ແລະຍັງມີວິຕາມິນຊີສູງ ຈະຊ່ວຍຮັກສາລະດັບຄໍລາເຈນໃນຜິວໃຫ້ສູງຂຶ້ນ
- ຊ໋ອກໂກແລັດ: ມີການວິໄຈພົບວ່າ ບໍ່ມີຜົນອັນຕະລາຍ ແຕ່ຍັງຊ່ວຍບໍາລຸງຜິວ, ມີສານຕ້ານອະນຸມູນອິດສະລະ ແລະເສີມສ້າງຄໍລາເຈນ ແລະຫຼຸດລິ້ວລອຍກ່ອນໄວ
- ກະທຽມ: ເປັນສະໝຸນໄພຊະນິດໜຶ່ງ ທີ່ອຸດົມດ້ວຍຊັນເຟີ, ມີກົດໄລໂປອິກ ແລະກົດອະມິໂນທໍຣິນ ທີ່ເປັນໂຕຊ່ວຍໃນການສ້າງເສັ້ນໃຍຄໍລາເຈນທີ່ຖືກທຳລາຍ
- ໄຂ່: ເປັນແຫຼ່ງກົດອະມິໂນໂປລິນ ເຊິ່ງເປັນໂປຕີນ ທີ່ເປັນສ່ວນປະກອບສຳຄັນໃນການສ້າງເສັ້ນໃຍຄໍລາເຈນ, ການກິນໄຂ່ຈະເຮັດໃຫ້ຄໍລາເຈນໃຫ້ແຂງແຮງ ແລະເຮັດໃຫ້ເຮົາຂາວຂຶ້ນ
- ສາລີ: ມີກົດອະມິໂນໂປຣລີນສູງ, ຖ້າເຮົາກິນສາລີຕະຫຼອດຈະຊ່ວຍຢືດອາຍຸຄໍລາເຈນຍາວຂຶ້ນ
- ໝາກພ້າວ: ເຊິ່ງເປັນສ່ວນສຳຄັນໃນການສ້າງຄໍລາເຈນ ແລະອີລາສຕິນ ທີ່ເຮັດໃຫ້ຜິວກະຊັບ, ຫລຸດການເກີດລິ້ວລອຍ ເຮັດໃຫ້ຜິວພັນສົດໄສຂຶ້ນ
ຕິດຕາມນານາສາລະ ກົດໄລຄ໌ເລີຍ!