ຈິດໃຈຂອງມະນຸດຍາກທີ່ຈະຄາດເດົາໄດ້ ບາງເທື່ອສິ່ງທີ່ເຫັນກໍ່ບໍ່ໄດ້ເປັນຢ່າງທີ່ຄິດໄວ້ສະເໝີໄປ ໂດຍສະເພາະເລື່ອງຂອງຄວາມຮັກ ບາງຄົນກໍ່ຮັກແຕ່ຄຳເວົ້າ ຄືມີແຕ່ເວົ້າຄຳວ່າຮັກ ແຕ່ໃນໃຈແລ້ວກັບກົງກັນຂ້າມກັບຄຳເວົ້າ ບາງຄົນກໍ່ບໍ່ສະແດງຄວາມຮັກດ້ວຍຄຳເວົ້າ ແຕ່ສະແດງອອກດ້ວຍການກະທຳແທນ ໃນຄໍລຳ ຊີວິດ ກັບຄວາມຮັກ ວັນນີ້ ເຮົາມີວິທີສັງເກດຄົນທີ່ທ່ານກຳລັງຄົບຢູ່ນັ້ນວ່າເຂົາຈິງໃຈ ແລະ ຈິງຈັງກັບຕົວທ່ານແທ້ ຫຼື ບໍ່ ມາ ຝາກກັນ ຖ້າຢາກຮູ້ເຮົາມາອ່ານໄປພ້ອມກັນເລີຍ
- ເຂົາຈະມັກຊວນທ່ານໄປນັ້ນມານີ້ສະເໝີ ບໍ່ວ່າຈະໄປວຽກສ່ວນຕົວ, ໄປພົບເພື່ອນ ຫຼື ໄປພົບຄອບຄົວຂອງເຂົາ
- ເຂົາຈະໃຊ້ຄຳວ່າເຮົາກັບທ່ານ ບໍ່ວ່າຈະໝຍເຖິງສິ່ງຂອງ ຫຼື ອື່ນໆ ເຊັ່ນ: ເຮົາຈະໄປທ່ຽວນຳກັນ, ເງິນຂອງເຮົາ, ເຮືອນຂອງເຮົາ, ເຮົາ…. ຫຼາຍກວ່າຄຳວ່າເຈົ້າ ແລະ ຂ້ອຍ
- ເຂົາຈະຄອຍຖາມເຖິງຄວາມສຸກ ແລະ ຄວາມທຸກຂອງທ່ານຢູ່ສະເໝີ
- ເຂົາຈະບໍ່ຮຽກຮ້ອງໃຫ້ທ່ານເຮັດສິ່ງນັ້ນສິ່ງນີ້ ຫຼື ປ່ຽນສິ່ງໃດເພື່ອເຂົາ ແລະ ຂໍສິ່ງໃດໆຈາກທ່ານຖ້າບໍ່ຈຳເປັນແທ້ໆ
- ເຂົາພ້ອມທີ່ຈະເປີດໃຈຮັບຟັງ ແລະ ລົມກັບທ່ານໄດ້ທຸກເລື່ອງ ໂດຍບໍ່ຮູ້ສຶກລຳຄານ ແລະ ບໍ່ມີຄວາມລັບກັບທ່ານ
- ເວລາໄປໃສມາໃສນຳກັນເຂົາຈະບໍ່ເຮັດນິໃສເຈົ້າຊູ້ໃສ່ຄົນອື່ນຕໍ່ໜ້າທ່ານເດັດຂາດ
- ເຂົາຈະມັກເວົ້າເລື່ອງຂອງທ່ານໃຫ້ຄົນອື່ນຟັງບໍ່ວ່າຈະເປັນເພື່ອນ ຫຼື ຄອບຄົວຟັງສະເໝີ
- ຊື້ຂອງຂັວນທີ່ທ່ານມັກ ຫຼື ຢາກໄດ້ໃຫ້
- ສ້າງບັນຍາກາດ ຫຼື ເລື່ອງປະທັບໃຈໃຫ້ທ່ານ
- ເລັ່ງຂໍທ່ານໝັ້ນໝາຍ ຫຼື ແຕ່ງງານກັບເຂົາໄວໆ
ຖ້າຄົນທີ່ທ່ານຄົບຢູ່ໃນຕອນນີ້ ຫາກເຂົາມີທັງໝົດ 10 ຂໍ້ທີ່ກ່າວມາຂ້າງເທິງນີ້ທ່ານກໍ່ຈົ່ງໝັ້ນໃຈໄດ້ເລີຍວ່າ ຄົນທີ່ທ່ານຄົບຢູ່ນັ້ນເຂົາຈິງໃຈ ແລະ ຈິງຈັງກັບທ່ານແທ້
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!