ຄົນສ່ວນຫຼາຍຈະທົນເລື່ອງອື່ນໆໄດ້ໝົດ ແຕ່ຍົກເວັ້ນເລື່ອງການນອກໃຈຈາກຄົນຮັກ ເຊິ່ງເລື່ອງນີ້ແມ່ນມີຜົນກະທົບຕໍ່ຄວາມຮູ້ສຶກສູງຫຼາຍກວ່າເລື່ອງອື່ນໆ ແຕ່ທ່ານເຊື່ອ ຫຼື ບໍ່ວ່າ ຫຼັງຈາກເຫດການນອກໃຈໄດ້ຜ່ານພົ້ນໄປແລ້ວນັ້ນ ຫຼາຍໆຄູ່ກໍ່ຈະກັບມາເຂົ້າໃຈກັນຫຼາຍຂຶ້ນກວ່າເກົ່າ ຫຼື ມີບາງຄູ່ກໍ່ປ່ຽນຄວາມຮູ້ສຶກໄປເລີຍກໍ່ມີ ແຕ່ເລື່ອງພວກນີ້ມັນກໍ່ຂຶ້ນກັບພື້ນຖານຄວາມຮັກຂອງແຕ່ລະຄູ່ບໍ່ຄືກັນ ບາງຄູ່ມີພື້ນຖານຄວາມຮັກແຕ່ງງານກັນດ້ວຍໃຈດ້ວຍຄວາມຮັກຄວາມຍິນດີຂອງທັງສອງຝ່າຍ ແຕ່ບາງຄູ່ກໍ່ແຕ່ງງານກັນດ້ວຍມີເຫດຜົນບາງຢ່າງ ເຊິ່ງຜົນໄດ້ຮັບຈາກເຫດການເລື່ອງແບບນີ້ຈິ່ງມີຈຸດຈົບທີ່ແຕກຕ່າງກັນອອກໄປ ແຕ່ຖ້າຫາກຄົນໃດບໍ່ຢາກມີຄວາມຮູ້ສຶກເຈັບທໍລະມານໃຈ ຫຼື ບໍ່ຢາກເສຍຄົນຮັກໄປ ໃນຄໍລຳ ຊີວິດ ກັບ ຄວາມຮັກ ວັນນີ້ເຮົາມີວິທີປະຕິບັດຕົວກັບຄົນຮັກຫຼັງເກີດເຫດການຈັບໄດ້ເລື່ອງການນອກໃຈມາຝາກກັນ
- ຢ່າໂວຍວາຍ ເມື່ອຈັບໄດ້ວ່າຄົນຮັກນອກໃຈ ຢ່າເຮັດໃຫ້ເລື່ອງທີ່ມັນຮ້າຍແຮງຢູ່ແລ້ວກັບເກີດບັນຫາຂຶ້ນຕື່ນ
- ຢ່າເຮັດປະຊົດຊີວິດ ຫຼື ປະຊົດຄົນຮັກດ້ວຍການໄປມີຄວາມສຳພັນກັບຄົນອື່ນຄືກັນ ເພາະມັນຍິ່ງສ້າງຄວາມວຸ້ນວາຍໃນຊີວິດຄູ່ຂອງທ່ານແບບບໍ່ຈົບສິ້ນ
- ຢ່າຄາດຫວັງໄວ້ສູງວ່າເລື່ອງທຸກຢ່າງຈະກັບມາເປັນຄືເກົ່າ ເພາະຖ້າຫວັງແລ້ວບໍ່ໄດ້ດັ່ງຫວັງໄວ້ກໍ່ຈະຮູ້ສຶກຜິດຫວັງເຈັບປວດ
- ສຳລັບຄົນທີ່ເປັນຝ່າຍນອກໃຈກໍ່ຄວນຢຸດຕິການກະທຳທີ່ສົ່ງຜົນດ້ານລົບທາງໃນທາງຈິດໃຈຂອງຄົນຮັກ ແຕ່ຖ້າທ່ານຄິດວ່າບໍ່ສາມາດເລີກກັບເຂົາຄົນໃໝ່ໄດ້ກໍ່ຄວນບອກຄວາມຈິງກັບເຂົາດີກວ່າແອບທຳຮ້າຍເຂົາໄປວັນໆ
- ສຳລັບຄົນທີ່ແອບໄປນອກໃຈເມື່ອຖືກຈັບໄດ້ວ່າຕົວທ່ານແອບໄປນອກໃຈຄົນຮັກ ຫາກທ່ານຍັງຮັກເຂົາຢູ່, ຢາກໃຊ້ຊີວິດຄູ່ກັບເຂົາຢູ່ທ່ານຕ້ອງຕັດສິນໃຈດັດຂາດເລີກກັບບັນດາກິ໊ກກັກ ຫຼື ເມຍນ້ອຍ,ຜົວນ້ອຍຂອງທ່ານ ແລະ ສ້າງຄວາມເຊື່ອໝັ້ນໃຫ້ກັບຄົນຮັກຂອງທ່ານອີກຄັ້ງ
- ຫຼັງຈາກຈັບໄດ້ວ່າແຟນທ່ານນອກໃຈແລ້ວ ເມື່ອເຂົາສຳນຶກຜິດແລ້ວທ່ານກໍ່ຄວນຮູ້ຈັກໃຫ້ອະໄພ ແລະ ຢ່າໄປເວົ້າຕອກຢ້ຳເລື່ອງເກົ່າໆທີ່ມັນບໍ່ດີ ຫຼື ນຳເລື່ອງບໍ່ດີແບບນີ້ໄປເລົ້າໃຫ້ຄົນອື່ນໄດ້ຮັບຮູ້ ເພາະມັນຈະເຮັດ ໃຫ້ເຂົາເສຍຄວາມຮູ້ສຶກ, ອັບອາຍ ແລະ ອາດຈະບໍ່ຄິດເລີກເຮັດໂຕເຈົ້າຊູ້ຫຼາຍໃຈກໍ່ເປັນໄປໄດ້
ຕາມທິດສະດີແລ້ວ ຄວາມຈິງມັນກໍ່ບໍ່ແມ່ນເລື່ອງຢາກທີ່ທຸກຄົນຈະຫັນໜ້າຫາກັນເພື່ອປັບທັດສະນະຄະຕິໃໝ່ ປັບປຸງຕົວໃໝ່ ເພື່ອໃຫ້ຄວາມຮັກສາມາດໄປນຳກັນໄດ້ ແຕ່ທາງປະຕິບັດຕົວຈິງຫຼາຍທ່ານອາດຄິດວ່າມັນຄົງເຮັດໄດ້ຍາກ ເພາະຄວາມຮູ້ສຶກມັນເປັນເລື່ອງລະອຽດອ່ອນ ເມື່ອມັນເສຍໄປແລ້ວກໍ່ຍາກທີ່ຈະກັບມາຄືເກົ່າໄດ້ ແຕ່ໃນໂລກນີ້ມັນບໍ່ມີທິດສະດີຕາຍຕົວ ທຸກຢ່າງເກີດຂຶ້ນໄດ້ ແລະ ເກີດຂຶ້ນບໍ່ໄດ້ ເພາະທຸກຢ່າງມັນຂຶ້ນກັບຕົວເຮົາເອງເປັນຜູ້ກຳນົດ ວ່າຈະໃຫ້ເລື່ອງແບບນີ້ຈົບລົງໃນຮູບແບບໃດແທ້
ຂໍ້ມູນຈາກ: http://www.pantown.com/board.php?id=21170&area=3&name=board10&topic=21&action=view
ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!