spot_img
Homeຂ່າວການພັດທະນາລາວລົງນາມຮ່ວມມື ກຽມຈັດສົ່ງແຮງງານ ໄປເຮັດວຽກຢູ່ ສ. ເກົາຫລີ

ລາວລົງນາມຮ່ວມມື ກຽມຈັດສົ່ງແຮງງານ ໄປເຮັດວຽກຢູ່ ສ. ເກົາຫລີ

Published on

ຂປລ. ​ເພື່​ອ​ເປັນ​ການ​ສ້າງ​ທາງ​ເລືອກ​ໃໝ່​ໃຫ້​ແກ່​ແຮງ​ງານ​ລາວ ​​ໃຫ້​​ມີ​ວຽກ​ເຮັດ​ງານ​ທຳ ​ແລະ ການ​ພັດທະນາ​ສີມື​ແຮງ​ງານຫລາຍຂຶ້ນ, ​ໃນ​ວັນ​ທີ 17 ຕຸລາ 2016, ທ່ານ ຄຳ​ແສນ ​ໄຊ​ຍະ​ວົງ ຜູ້ອຳນວຍການ​ ສູນ​ບໍລິການ​ຈັດ​ຫາ​ງານ ກະຊວງແຮງງານ ແລະ ສະຫວັດດີການສັງຄົມ​ ສປປ ລາວ ​ແລະ ທ່ານ Park Young Bum ປະທານ​ອົງ​ການ​ບໍລິການ​ ພັດທະນາ​ຊັບພະຍາກອນ​ມະນຸດ ​ແຫ່ງ ສ. ​ເກົາຫລີ ​ໄດ​້ມີ​ການ​ລົງ​ນາມ​ຂໍ້​ຕົກລົງຮ່ວມມື ​ວ່າ​ດດ້ວຍ​ການຈັດ​ສົ່ງ​ແຮງ​ງານ​ລາວ ​ໄປ​ເຮັດ​ວຽກ ຢູ່ ສ. ​ເກົາຫລີ ຕາມ​ລະບົບ Employment Permit System (EPS) ເຊິ່ງ​ເປັນ​ລະບົບ​ທີ່​ໄດ້​ຄຸນ​ນະພາ​ບສູງ ຮັບ​ປະກັນ​ຄວາມ​ໂປ່​ງ​ໃສ.

ການຮ່ວມມືຈັດ​ຫາ​ງານ​ໄປ​ເຮັດ​ວຽກ​ຢູ່ ສ. ​ເກົາຫລີ ຕາມ​ລະບົບ EPS ຄັ້ງນີ້​, ອົງການ​ບໍລິການ​ພັດທະນາ​ຊັບພະຍາກອນ​ມະນຸ​ດ ຂອງ​ ສ.​ ເກົາຫລີ ຈະ​ເຮັດ​ວຽກ​ຢ່າງ​ເຂັ້ມ​ງວດ ​ແລະ ​ໃກ້​ຊິດ​ກັບສູນ​ບໍລິການ​ຈັດ​ຫາ​ງານ​ຂອງ​ລາວ. ພ້ອມ​ດຽວ​ກັນ​ນີ້ ການຈັດ​ຫາ​ງານ​ລະບົບ​ດັ່ງກ່າວ ຍັງ​ເປັນ​ທາງ​ເລືອກ​ທີ່​ດີໃຫ້​ແກ່​ແຮງ​ງານ​ລາວ ​ເພາະວ່າ​ລາຍ​ຮັບ​ທີ່​ແຮງ​ງານ​ຈະ​ໄດ້​ນັ້ນແມ່ນສົມເຫດ​ສົມ​ຜົນ ​ແລະ ຍັງ​ເປັນ​ການ​ພັດ​ທະ​ນາ​ສີມື​ແຮງ​ງານ​ລາວ ພ້ອມ​ທັງ​ເກັບ​ກ່ຽວ ​ປະສົບ​ການ​ເພື່ອ​ທີ່​ຈະ​ກັບ​ມາ​ພັດທະນາ ​ເສດຖະກິດ-ສັງຄົມ ຂອງ​ ສປປ ລາວ ນໍາ​ອີກ.

ໃນ​ໄລຍະ​ຜ່ານ​ມາ ການ​ເຄື່ອນ​ຍ້າຍ​ໄປ​ຕ່າງປະ​ເທດ​ຂອງ​ແຮງ​ງານ​ລາວ​ ສ່ວນ​ໃຫຍ່ແມ່ນ​ໄປແ​ບບຜິດ​ກົດໝາຍ ​ໂດຍ​ອາ​ໃສ​ພຽງ​ແຕ່​ປັດ​ສະ​ປອດ ຫລື ບໍ່​ມີ​ເອກະສານ​ໃດໆ​ເລີຍ. ອີງ​ຕາມ​ການ​ລາຍ​ງານ​ຂອງ​ກົມ​ການຈັດ​ຫາ​ງານ ກະຊວງ​ແຮງ​ງານ​ໄທ ມີ​ຈຳນວນ​ແຮງ​ງານ​ລາວ ທີ່​ເຮັດ​ວຽກ​ແບບ​ຜິດ​ກົດໝາຍ​ຢູ່ຣາຊະ​ອານາຈັກ​ໄທ ຫລາຍ​ກວ່າ 222.839 ຄົນ ສົກ​ປີ 2015-2016, ​ແຮງ​ງານ​ທີ່​ໄປ​ເຮັດ​ວຽກ​ແບບ​ຜິດ​ກົດໝາຍ​ເຫລົ່າ​ນັ້ນ ​ແມ່ນ​ມີ​ຄວາມ​ສ່ຽງ​ສູງ​ ຕໍ່​ກັບ​ການ​ຕົກ​ເປັນ​ເຫຍື່ອ​ຂອງ​ການ​ຄ້າ​ມະນຸດ ​ແລະ ການ​ກົດ​ຂີ່​ຂູດ​ຮີດ​ແຮ​ງງານ. ພ້ອມ​ດຽວ​ກັນ​ນັ້ນ ​ວຽກ​ທີ່​ເຮັດ​ຢູ່​ນັ້ນ ກໍ​ເປັນ​ວຽກ​ທີ່​ບໍ່ມີ​ການ​ພັດທະນາ​ສີມື​ແຮງ​ງານ ຫລື ​ເປັນ​ວຽກ​ທີ່​ບໍ່​ໄດ້​ນຳ​ໃຊ້ທັກ​ສະ​ສູ​ງ.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...