ສູນຍິງສົ່ງດາວທຽມຈິວສວນ ແລະ ເຂົ້າສູ່ວົງໂຄຈອນຢ່າງແນ່ນອນໃນເວລາ 7:49 ໂມງຂອງວັນທີ 17 ຕຸລານີ້ ໂດຍໃນຍານດັ່ງກ່າວມີນັກບິນອະວະກາດ 2 ຄົນ ທີ່ຈະປະຕິບັດໜ້າທີ່ເຊື່ອມຕໍ່ກັບຍານອະວະກາດ “ທ່ຽນກົ່ງ 2” ຢູ່ອະວະກາດ. ທ່ານສີຈິ້ນຜິງ ເລຂາທິການໃຫຍ່ສູນກາງພັກ, ປະທານປະເທດ, ປະທານຄະນະກຳມະການການທະຫານສູນກາງຈີນ ທີ່ຢູ່ໃນໄລຍະເຂົ້າຮ່ວມກອງປະຊຸມພົບປະລະຫວ່າງຜູ້ນຳບັນດາປະເທດບຣິກສຄັ້ງທີ 8 ຢູ່ອິນເດຍ ໄດ້ສົ່ງໂທລະເລກຊົມເຊີຍຕໍ່ຜົນສຳເລັດໃນການຍິງສົ່ງຍານອະວະກາດຄັ້ງນີ້ ເຊິ່ງໃນໂທລະເລກຂຽນວ່າ: ຂ້າພະເຈົ້າຮູ້ສຶກປິຕິຊົມຊື່ນທີ່ໄດ້ຮັບຂ່າວວ່າ ການຍິງສົ່ງຍານອະວະກາດບັນທຸກມະນຸດ “ເສີນໂຈ່ວ 11 “ ໄດ້ຮັບຜົນສຳເລັດ ໂດຍໃນໂອກາດນີ້, ຂ້າພະເຈົ້າຂໍສະແດງຄວາມຊົມເຊີຍຢ່າງສຸດໃຈ ແລະ ຄວາມຢື້ຢາມຖາມຂ່າວຢ່າງຈິງໃຈມາຍັງພະນັກງານໝົດທຸກຄົນ ທີ່ເຂົ້າຮ່ວມການຄົ້ນຄວ້າ, ການຍິງສົ່ງ ລວມທັງນັກບິນອະວະກາດທັງສອງຄົນອີກດ້ວຍ.
ທ່ານສີຈິ້ນຜິງ ຊີ້ວ່າ: ຍານ “ທ່ຽນກົ່ງ 2” ແລະຍານ “ເສີນໂຈ່ວ 11” ທີ່ປະຕິບັດໜ້າທີ່ການບິນບັນທຸກມະນຸດຄັ້ງນີ້ ຈະບັນລຸເປົ້າໝາຍໃຫ້ນັກບິນອະວະກາດຈີນປະຈຳຢູ່ວົງໂຄຈອນໃນໄລຍະກາງ ເພື່ອດຳເນີນການທົດລອງປະຍຸກໃຊ້ວິທະຍາສາດອະວະກາດ ທີ່ສະແດງໃຫ້ເຫັນເຖິງລະດັບຄວາມກ້າວໜ້າຂອງວິທະຍາສາດຈີນໃນສາກົນ ແລະ ທິດທາງການພັດທະນາເຕັກນິກໃໝ່ທັນສະໄໝ, ທັງເປັນຂີດໝາຍສະແດງໃຫ້ເຫັນວ່າ ໂຄງການການບິນອະວະກາດບັນທຸກມະນຸດຂອງຈີນໄດ້ຮັບຄວາມຄືບໜ້າສຳຄັນໃໝ່
ຂ່າວຈາກ: ຂ່າວເອບີຊີລາວ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!