ພາຍຫຼັງທີ່ ພະເຈົ້າພູມິພົນ ອະດຸນຍະເດດ ກະສັດແຫ່ງລາຊະອານາຈັກໄທ ສະຫວັນນະຄົດແລ້ວ, ນາຍົກລັດຖະມົນຕີແຫ່ງ ລາຊະອານາຈັກໄທ ໄດ້ກ່າວໃນແຈ້ງການຂອງຕົນຜ່ານສື່ທຸກຂະແໜງການເຖິງເລື່ອງການສືບທອດການຄອງລາຊະສົມບັດຂອງລາຊະທາຍາດວ່າ: ໄດ້ມີພະບໍລົມມະລາຊະໂອງການຕັ້ງລັດຊະທາຍາດໄວ້ແລ້ວເມື່ອວັນທີ 28 ທັນວາ 1972.
ໃນຄ່ຳຄືນຂອງວັນດຽວກັນນີ້ ທ່ານ ປະຢຸດ ຈັນໂອຊາ ນາຍົກລັດຖະມົນຕີໄທ ໄດ້ຖະແຫຼງວ່າ: ໃນຕອນຄ່ຳຕົນໄດ້ເຂົ້າເຝົ້າສົມເດັດພະບໍລົມມະໂອລະສາທິລາດຯ (ເຈົ້າຟ້າຊາຍ) ໄດ້ຊົງຮັບສັ່ງໄວ້ວ່າ ທ່ານຊົງຮັບພະລາຊະທານເປັນອົງລັດຊະທາຍາດຢູ່ແລ້ວໃນປັດຈຸບັນ ແຕ່ທ່ານຊົງຂໍເວລາທຳໃຈ ແລະສະແດງຄວາມເສຍໃຈ ຮ່ວມກັບປະຊາຊົນທັ້ງປະເທດໄປກ່ອນໃນໄລຍະເວລານີ້ ແລະທ່ານຂໍເວລາສຳລັບຂະບວນການຂອງກົດໝາຍໃນການອັງເຊີນຂຶ້ນສືບລາຊະສົມບັດນັ້ນໃຫ້ລໍຖ້າເວລາທີ່ເໝາະສົມ ໂດຍຫຼັງຈາກທີ່ພະອົງຊົງທຳພະໄທສະແດງຄວາມເສຍໃຈກັບປະຊາຊົນແລະຊົງນຶກເຖິງພະລາຊະບິດາ.
ທັງນີ້ເມື່ອຮ່ວມສະແດງຄວາມເສຍໃຈແລະລະນຶກເຖິງບຸນຄຸນຂອງພະມະຫາກະສັດ ລັດຊະການທີ 9 ຮ່ວມກັບປະຊາຊົນຜ່ານພົ້ນໄປແລ້ວ ເມື່ອເຖິງເວລາອັນເໝາະສົມໂດຍຊົງຢືນຢັນວ່າ ຊົງຮັບຮູ້ໜ້າທີ່ອົງລັດຊະທາຍາດໃນສ່ວນຂອງພະລາຊະພາລະກິດຕ່າງໆ ຈະຊົງປະຕິບັດຕໍ່ໄປໃນຖານະສົມເດັດພະບໍລົມມະໂອລະສາທິລາດຯ ຫວັງວ່າທຸກຄົນຄົງເຂົ້າໃຈແລະບໍ່ເຮັດໃຫ້ທຸກຢ່າງວຸ່ນວາຍ.
ພະບໍລົມມະລາຊະໂອງການຕັ້ງເຈົ້າຟ້າວະຊິລາລົງກອນເປັນລັດຊະທາຍາດ ໃນວັນທີ 28 ທັນວາ 1972:
