ເມື່ອເວລາ 20:00 ນາທີ ຂອງວັນທີ 12 ຕຸລາ 2016 ສຳນັກພະລາຊະວັງ(ຂອງໄທ) ໄດ້ອອກຖະແຫຼງການ ເລື່ອງ ພະບາດສົມເດັດພະເຈົ້າມະຫາຊີວິດ ພູມິພົນ ອະດຸນຍະເດດ ສະເດັດປະທັບທີ່ໂຮງໝໍສິລິລາດ ສະບັບທີ 38 ມີໃຈຄວາມວ່າ:
ມື້ນີ້ ຄະນະແພດຜູ້ຖວາຍການປິ່ນປົວພະບາດສົມເດັດພະເຈົ້າມະຫາຊີວິດ ພູມິພົນ ອະດຸນຍະເດດ ໄດ້ລາຍງານວ່າ ເມື່ອວັນທີ 11 ຕຸລາ 2016 ຄວາມດັນພະໂລຫິດ(ເລືອດ)ຕ່ຳລົງອີກ, ພະຊີບພະຈອນໄວຂຶ້ນ ລວມທັງພາວະພະໂລຫິດມີຄວາມເປັນກົດເພິ່ມຂຶ້ນ ຜົນຂອງການຖວາຍການກວດພະໂລຫິດຊີ້ບອກວ່າ ມີພາວະກາຮຕິດເຊື້ອແລະການເຮັດວຽກຂອງພະຍະກະນະ (ຕັບ) ຜິດປົກກະຕິ ຄະນະແພດໄດ້ຖວາຍພະໂອສົດ(ຢາ)ປະຕິຊີວະນະ ແລະແກ້ໄຂພາວະພະໂລຫິດມີຄວາມເປັນກົດ ຕະຫຼອດຮອດການຖວາຍອະໂອສົດຄວບຄຸມຄວາມດັນພະໂລຫິດເພິ່ມຂຶ້ນ ພ້ອມທັງຖວາຍເຄື່ອງຊ່ວຍຫາຍພະໄທ (ເຄື່ອງຊ່ວຍຫາຍໃຈ Ventilator) ແລະຖວາຍການປິ່ນປົວດ້ວຍວິທີທົດແທນໝາກໄຂ່ຫຼັງ (CRRT). ພະອາການປະຊວນໂດຍລວມທັງບໍ່ຄົງທີ່ ຕ້ອງຄວບຄຸມພະໂອສົດ ຄະນະແພດໄດ້ເຝົ້າຕິດຕາມພະອາການແລະຖວາຍການປິ່ນປົວຢ່າງໃກ້ຊິດ ຈຶ່ງປະກາດມາເພື່ອຊາບໂດຍທົ່ວກັນ.
