ອີງຕາມການລາຍລານຂອງນັກຂ່າວປະຈຳທ້ອງຖິ່ນແຂວງສະຫວັນນະເຂດ ມື້ວານນີ້ 15 ກໍລະກົດ 2014, ເນື່ອງຈາກຝົນຕົກໜັກເລິ່ມແຕ່ຕອນກາງຄືນຕອງວັນທີ 14 ກໍລະກົດ ຕໍ່ໃສ່ຕອນເຊົ້າ ຂອງວັນທີ 15 ເຮັດໃຫ້ເກີດສະພາບນ້ຳຖ້ວມຂັງ ໃນເຂດຕົວເມືອງຂອງແຂວງສະຫວັນນະເຂດ ແລະຝົນສືບຕໍ່ຕົກລົງເລື້ອຍໆ ນ້ຳຈຶ່ງສືບຕໍ່ຖ້ວມຈົນຮອດຕອນບ່າຍ. ຕໍ່ສະພາບດັ່ງກ່າວນັ້ນ ເຮັດໃຫ້ນ້ຳໄຫຼຖ້ວມເສັ້ນທາງສັນຈອນ, ໄຫຼເຂົ້າອາຄານບ້ານເຮືອນ, ຮ້ານຄ້າ ແລະອື່ນໆ ສ້າງຄວາມຫຍຸ້ງຍາກຕໍ່ການດຳລົງຊີວິດຂອງປະຊາຊົນ.
ແນວໃດກໍຕາມ ຍັງບໍ່ໄດ້ມີລາຍງານລາຍລະອຽດຂອງຄວາມເສຍຫາຍ, ຜູ້ບາດເຈັບ ຫຼືເສຍຊີວິດແຕ່ຢ່າງໃດ
ຂ່າວແລະພາບ: ດາວດິນ ຖິ່ນຈຳພອນ