ໝາກລຳໃຍມີຄຸນປະໂຫຍດຫຼາຍຢ່າງ ແຕ່ກໍບໍ່ຄວນກິນຫຼາຍຈົນເກີນໄປຄວນກິນໃນປະລິມານທີ່ພໍດີຫາກກິນເກີນພໍດີອາດຈະເຮັດໃຫ້ເກີດອາການເຈັບຄໍ ຫຼື ຮ້ອນໃນໄດ້ ແລະໄດ້ພະລັງງານເກີນຄວາມຕ້ອງການຂອງຮ່າງກາຍຖືກປ່ຽນເປັນຄວາມອ້ວນສະສົມ ໄດ້ຢ່າງໃດກໍຕາມອາການຮ້ອນໃນ ແລະເຈັບຄໍ ມີວິທີແກ້ດ້ວຍການກິນໝາກມັງຄຸດນຳ.
ສັບພະຄຸນ: ໃບ: ແກ້ຫວັດ, ໄຂ້ມາເລເລຍ, ລິດສິດວງ; ເນື້ອໝາກລຳໃຍ: ແກ້ນອນບໍ່ຫຼັບ, ຂີ້ລືມ, ໃຈສັ່ນ, ບຳລຸງຮ່າງກາຍ; ເປືອກ: ແກ້ມຶນຫົວ, ເຮັດໃຫ້ຕາແຈ້ງຂຶ້ນ; ດອກ: ຊ່ວຍຂັບໜິ້ວ; ແກ່ນ: ຊ່ວຍຫ້າມເລືອດ, ແກ້ ປວດ, ຮັກສາຂີ້ກ້ຽນ.
ຕົ້ນຕຳລັບຢາ: ແກ້ຫວັດ: ໃຊ້ໃບໝາກລຳໃຍ 10-15 ກຣາມ ຕົ້ມກິນຕ່າງນໍ້າຊາ, ຢາບຳລຸງເລືອດ: ໃຊ້ເນື້ອຂອງໝາກລຳໃຍຈຳນວນພໍປະມານ ດອງເຫຼົ້າປະໄວ້ 100 ມື້ ກິນເທື່ອລະ 1-2ບ່ວງໂຕະ, ເຈັບທ້ອງ: ໃຊ້ເນື້ອໝາກລຳໃຍຕາກແຫ້ງ 14 ໜ່ວຍ ແລະຂິງ 3 ແຜ່ນ ຊ່ອຍບາງໆ ຕົ້ມນໍ້າກິນ, ຂີ້ກາກ: ໃຊ້ແກ່ນ ໝາກລຳໃຍ(ແກະເປືອກສີດຳອອກ) ຝົນກັບນໍ້າສົ້ມສາຍຊູ ທາບໍລິເວນທີ່ເປັນຂີ້ກາກ, ຍ່ຽວບໍ່ອອກ: ໃຊ້ແກ່ນໝາກລຳໃຍ (ເອົາເປືອກດຳອອກ) ທຸບໃຫ້ແຕກແລ້ວເອົາໄປຕົ້ມນໍ້າກິນ, ຢາບຳລຸງຮ່າງກາຍ: ເນື້ອໝາກລຳໃຍ ແຫ້ງ 10 ກຣາມ ໝາກຖົ່ວດິນ 15 ກຣາມ ຕົ້ມນໍ້າກິນ, ເຈັບກະເພາະອາຫານ ແລະລຳໄສ້ອັກເສບ: ໃຊ້ແກ່ນລຳໃຍຄົ່ວໃຫ້ແຫ້ງ ແລະບົດເປັນຖົງ ແລ້ວຊົງນໍ້າກິນເທື່ອລະ 15-20 ກຣາມ, ຖ່າຍເປັນເລືອດ: ແກ່ນ ລຳໃຍ(ເອົາເປື້ອກສີດຳອອກ) ບົດເປັນຜົງກິນເທື່ອລະ 6 ກຣາມ ໃຫ້ກິນຕອນທ້ອງຫວ່າງ ມື້ລະ 2-3 ເທື່ອ ຈົນກວ່າຈະດີ, ຮັກສາຂີ້ແຮ້ມີກິ່ນ: ໃຊ້ແກ່ນໝາກລຳໃຍ 15 ກຣາມ ພິກໄທ 9 ກຣາມ ບົດເປັນຜົງທາຂີ້ແຮ້.
ຂໍ້ຄວນລະວັງ: ສຳລັບຜູ້ທີ່ມີອາການຖອກທ້ອງ, ອາຫານບໍ່ຍ່ອຍ, ທ້ອງອືດແໜ້ນ, ຝ້າເທິງລີ້ນສີຂາວເປັນຫວັດ, ເຈັບຄໍ ບໍ່ຄວນກິນໝາກລຳໃຍ
ທີ່ມາຈາກ: ເສດຖະກິິດ-ສັງຄົມ
ຕິດຕາມນານາສາລະ ກົດໄລຄ໌ເລີຍ!